Kadha “dom bangsa adei sa-ai” adit ini, kol dahlak likau khan kadha vak di Thúy Hồng mangaok báo Bangsa Patagok ka bruk: Bhap bini Lô Lô ngak du lịch piah tabiak truh kan kathaot.
Urang Lô Lô meng rai ini tapa rai daih biak iek praong bruk patoa veik ka anek kamuan ilamu di bangsa drei, brei mboh cambaih tapa bruk khik ramik chất liệu, bingu la mangaok khan ao. Meng ranaih sit tal urang taha urak ini jeng daok pandar khan ao meng kan hu menyim eng. Langiu di nan, urang Lô Lô daok hu khik bruk ngak thủ công meng kan, yau: pak yot, pứt khan bai... piah pandar dalam sang saong pablei di di dom mbang darak piah duah jien.
Abih di nyu nan lac, ngak tui sarak 2086 di Thủ tướng Rajaei brei ngak danak dak daong patagok KTXH dom bangsa takik biak takik menuac tukvak 2016 - 2025, raidiuk di bhap bini Lô Lô daok di Cao Bằng dak harei dak salih karei.
Meng danak dak buh jien tame patagok bruk sản xuất di 11 palei hu rilo urang Lô Lô daok di Cao Bằng hu buh jien tame ngak danak dak daong merai kapah piah patagok bruk menyim khan bai, pambuak haong cakrok du lịch bhap bini, dalam nan palei Khuổi Khon hu jeng sa dalam dom labik du lịch hu angan di huyện Bảo Lạc, jeng yau tỉnh Cao Bằng.
Sa-ai Chi Thị Duyến, palei Khuổi Khon, xã Kim Cúc khan lac: thun 2019, urang kumei dalam palei hu karja daong pato bruk menyim bingu la mangaok khan, ao. Meng di tuk hu daong merai kapah piah menyim khan bai, adei sa-ai kumei gam pandar khan bai meng tangin drei ngak tabiak, gam pablei ka tuai mai ravang me-in.
Bruk njauk biai nan lac, langiu di khik ramik bruk menyim khan bai, urang likei Lô Lô jeng thau saong daok khik bruk pak yot meng kan. Dom pandap ini bhian hu piah pandar yaok harei, yau: yot caik ikan, canaih, la-i …... Pandap gheih di abih, hu tangin gheih ngak di abih dalam bruk pak di urang Lô Lô, lac baoh muột, baoh tamo tuak akaok.
Ong Nông Văn Khánh, Chủ tịch xã Kim Cúc, huyện Bảo Lạc brei thau: Meng khik ramik ilamu meng kan gam haong patagok du lịch bo raidiuk bhap bini Lô Lô daok di palei Khuổi Khon hu salih karei. Dahlau daih, di palei Khuổi Khon sang kathaot, jaik kathaot hu tal 50%. Meng tuk bhap bini ngak du lịch, baoh sang kathaot trun biak rilo. Urak ini dalam palei tok daok 10 sang kathaot dalam abih tih 62 baoh sang (meblah labaih 16%).
Ong Nguyễn Mạnh Hùng, Chủ tịch UB bhap bini huyện Bảo Lạc brei thau: Bangsa Lô Lô hu dom ilamu biak gheih. Meng ilamu biak gheih di drei, dom palei urang Lô Lô hu prein khang piah jeng dom labik ravang iek dui pachreih tuai damuai.
Anak tal, huyện Bảo Lạc meda pambuak danak dak rami ramik patagok labik du lịch bhap bini palei Khuổi Khon, saong danak dak padang ngak palei pala bahrau haong dom danak dak bruk ngak negar piah pablak tame prein khang patagok du lịch bhap bini, dui pachreih tuai du lịch, daong ka bhap bini Lô Lô patagok bruk ngak mbang kinh tế, patruh eik, patrun kathaot./.
Viết bình luận