Parang iek thaot binguk 54 bangsa adei saai Việt Nam ngan haong angan ieu lac “inem krung ilamo yaom biak glaong” di mangaok Google Arts & Culture hu parabha jeng 8 dalikan, hu daong yaih khan thaot binguk ka urang bangsa Dao, Bố Y, Ơ Đu, Phù Lá, La Hủ, Pu Péo, Pà Thẻn saong Si La dalam khan aw ngui cuk bangsa bak sambo mau.

Khau tin di mangaok yaok blah thaot jeng hu vak meng sap Yuan - Anh-Pháp. Thaot binguk di 54 bangsa adei saai daok di 3 bhum gah Barak, gah Kreih negar saong gah Maraong negar ngan haong dom janih dom kadha, jalan diukrai saong adat cambat karei di gauk hu brei mboh cambaih, daong ka urang maong iek hu thau jang saong anit ranam jang ka ilamo biak rilo janih di Việt Nam.

Urang thaot Réhahn hu nao tal dom bhum atah biyar abih di taneh ia drei piah thaot dom bangsa, duah thau dom kadha daoh meng kan di bangsa. Ong biak caik hatai haong urang Si La dalam khan aw ngui cuk pagam bak jien xu praik hu brei thau lac pandap ba mai patuah jamo. Ong jeng hu gaok urang Dao, urang Pu Péo, urang Khơ Mú saong urang Mông Hoa, yaok bangsa lac hu sap ndem panuac puac, ilamo, khan aw ngui cuk meng kan karei di gauk. Bhum ceik gah Barak meda lac atah biyah, kan nao mai min biak gheih mekre, bak sambo mau saong bruk karei di gauk dalam rahra bangsa bhum ceik ini nyu dui pachreih ong Réhahn abih mbang ini tal mbang karei.

Jalan nao di gah Kreih negar saong gah Maraong negar di urang thaot jeng biak chreih chrai. Réhahn brei thau lac, di rilo labik, rilo palei dom bangsa takik, urang takik hu taom gaok haong urang negar langiu, ong hu ngak bruk oh thau glair glar dalam rilo thun. Mbang taom gaok njauk kanal hadar abih di ong meda lac haong urang CƠ Đu, bangsa takik manuac abih di Việt Nam tok hu 376 urang.

Parang iek thaot binguk online “Inem krung ilamo yaom biak glaong” di Réhahn di mangaok nền tảng Google Arts & Culture daok hu ba manuac iek mai maong iek saong roh duah ka ilamo njom sambo mau chàm di bangsa Dao, Nùng, Hmông saong La Chí. Dom ilamo ini lac sa binah oh kurang hu dalam ilamo, inem krung saong dalam dom bruk lac jalan ngak mbang duah jien di mikva bangsa takik. Langiu di nan, parang iek online daok hu parang tabiak, yaih khan dom jalan ngak tabiak càphê di urang K’Ho, ia hani danko hữu cơ di urang Cơ Tu...

Hu labik dang biak praong dalam bruk khik ramik saong ba dom kadha ilamo mai tal jaik haong manuac sia, nền tảng Google Arts & Culture hu pagap yau “miuyim số” angan je di dunya tuk pambuak haong labaih 2.000 miuyim di 80 taneh ia ngan haong labaih 100.000 kadha ilamo kiến trúc, rup patau sarak, rup cih…