Gru Nguyễn Ngọc Huệ, Akaok sang bac Tiểu học Sơn Liên, huyện Sơn Tây, brei thau, dahlau diah kayua oh hu duk bac nan ye sang bac mek dom duk  di Sang bac Mầm non piah pato. Bruk ini ngak brei oh siam chất lượng pato saong bac: "Daok bac dalam duk di mầm non, tal tuk sang bac mầm non khin pandar ye salih tapa sang bac mầm non karei, nan ye panduan miat, gru haong anek saih panduan meng labik ini tapa labik diah oh tani tanat".

      Hu Gilang pariak Ngoại thương Quảng Ngãi daong, sang bac Tiểu học xã Ba Liên hu padang ngak. Urak ini, sang bac hu ngak blaoh saong ba tame pato dalam thun bac bahrau 2016 - 2017. Ong Bùi Thanh Vân, Phaok Jabat Kinh tế huyện Sơn Tây, tỉnh Quảng Ngãi brei thau, sang bac Tiểu học xã Sơn Liên yaom 3 tỷ đồng. Tal urak ini sang bac hu ngak salah blaoh. Thun bac bahrau ini, huyện Sơn Tây buh jien tame padang ngak 12 duk bac bahrau pak dom sang bac mầm non; pasiam veik dom sang bac khut saong yaom jien labaih 1 tỷ đồng. Kayua kurang duk bac nan ye huyện Sơn Tây jeng daok ralo sang bac tăng ca, gaok mai njauk nyim sang mikva, nyim labik ngak bruk di UB bhap bani piah bac.   

       Thun bac bahrau 2016-2017 ini, gam haong bruk padang ngak cơ sở vật chất, gah Pato megru tỉnh Quảng Ngãi hu buh tabiak 50 tỷ đồng meng Dự án patagok bruk pato megru piah blei trang thiết bị duh la bruk pato megru. Ong Lê Hoài Thạnh, Akaok Jabat Pato megru huyện Sơn Tây, tỉnh Quảng Ngãi brei thau: "Cơ sở vật chất hu patagok, gah bac mầm non saong tiểu học hu ginup duk bac ka anek saih. Dom tal bac THCS meda pato 2 van dalam harei ka dom adei. Dom duk bộ môn kham merat jak ba dom gah piah ngak habar hu ginup pandap panda bac da-a saong padang ngak sang bac tui jalan chuẩn hóa". 

      Sơn Tây lac huyện bhum ceik gah Pai tỉnh Quảng Ngãi. Tui kuhria mboh di huyện, tal puac thun 2008, dalam huyện hu labaih 17.000 menuac urang. Dalam nan hu labaih 16.000 urang bangsa takik. Meblah ralo abih di huyện Sơn Tây nan lac bhap bani Ca Dong (sa dhar di bangsa Xơ đăng), patui di nan lac urang  H'rê, daok veik lac urang Yuan./.