“Ame lơi, adei Tít bhian duah ame, min amaik lac Tết ini ame oh mai sang. Anek thau, ame daok ngak bruk di pulao Trường Sa, atah lô. Di sang, em Tít takre bắt nạt ane, min anek pang tui panuac ame, anek taduan lah adei saong pang tui panuac amaik. Piah ka ame sahanang hatai ngak bruk. Anek uan ame lô lô…” – Nan lac dom panuac dalam blah thư bo anai sit bac tal 6 payua tabiak ka urang ame di drei daok ngak bruk di pulao. Puac bloh blah thư di ane, kol dahlak mboh meta sa-ai yau khin haok ia meta. Angaok mbaok bak pandiak di urang sỹ quan chỉ huy ini, yau hadah tagok hatai anit ranam. Karei jang ia mbaok nghiêm nghị tuk pan akaok bruk họp giao ban, atau khang kadang tuk pato pasram urang lin lingiu thao trường. Dom blah thư nan lac bruk pachreih ba praong, daong ka dom urang lin pabak pren khang jang piah yam tapa dom kan kandah, ngak siam bruk hu jao brei, kayua diuk nek, gauk gar saong bhap bini dalam taneh ia tuk halei jeng daok tapen dom sa-ai. Trung tá Trần Văn Quyển, Chỉ huy trưởng pulao Trường Sa brei thau: Dom urang jakar, urang lin tuk taduan hu blah thư di diuk, dalam nan hu dom talei akhar haroh di anek. Anek daok sit. Tuk bac blah thư, kol dahlak biak drut drui haong hatai anit di diuk nek payua ka drei. Dom hagait lac meng kan mai, drei njauk khik ramik, gam saong bruk cakrok patagok di taneh ia.

Urak ini, tuk dom janih truyền thông daok tamuh tabiak rilo gam saong bruk cakrok khang di khoa học công nghệ, ye di pulaoTrường Sa, dom blah thư vak tangin jeng daok lac jalan ngak meng kan, bhian randap saong oh kurang hu dalam raidiuk di urang jakar, urang lin saong bhap bini. Sa-ai Phạm Hoàng Dũng, urang ngak di bưu điện ban sit Trường Sa brei thau, rilo thun ngak bruk pak ini, sa-ai hu payua saong taduan yaok pluh ribau blah thư meng baoh taneh saong di pulao payua nao mai. Dom blh thư hu ba tabiak pulao, tapa riyak praong, ngin khang, ndung bak hatai anit saong uan di gauk gar tuk thun bahrau tal mai. Sa-ai bui sambai haong bruk bui sambai di dom urang lin pulao tuk taduan hu  thư di diuk nek, gauk gar. Kayua yau nan ye, tuk hu kapal gilai ba thư tabiak pulao, sa-ai kham merat ba tal tangin urang drah samar di abih. Sa-ai Phạm Hoàng Dũng lac: Dahlak mboh bruk ngak di urang ngak bruk di bưu điện yau drei biak hu makna. Tuk taduan hu dom blah thư payua meng baoh taneh mai, dahlak biak drut drui. Hu labik bưu điện pak ini, kol dahlak brei mboh hu quyền ngak po tasik pulao ginreih di taneh ia pak di ban sit Trường Sa ini.

 Dom mbang hajan ribuk, tasik riyak khang, dom blah thư biak lavik meng hu tabiak tal pulao. Di Trường Sa, hu dom urang lin bhian vak thư tangin brei ayut kumei. Thư payua tame baoh taneh hu đóng dấu di bưu điện saong hu talei akhar bhaong meraih “Thư payua meng Trường Sa”. Dom urang lin jeng oh var payua tui dom blah hala bàng vuông, atau hala phun tra (phun nho tasik), janih phun hu pala rilo di pulao. Tap dom blah thư, rilo ani gru saong dom cei bộ đội ba hatai anit gauk bloh jeng diuk, jeng pasang.  

Dalam dom blah thư payua tabiak Trường Sa tui kapul ngak bruk di kol dahlak tuk Tết ini, hu rilo nlah thư di anek saih. Adei Thu Nguyệt, anek saih sa sang bac tiểu học di huyện Việt Yên, tỉnh Bắc Giang payua ka dom cei bộ đội sa blah thiệp tadhau ayuh thun bahrau lac “kamuan anit cei bộ đội Trường Sa. Kamuan kham merat bac da-a naih joi, tari taring”. Tap nan, nyu jeng ngah brei bui hatai dom urng lin daok harei melam khik caga langik, tasik palei negar. Thượng úy Phạm Văn Đạt daok ngak bruk di pulao Trường Sa khan lac: Dom blah thư di dom kamuan payua mai, dahlak mboh biak drut drui. Dahlak mboh biak tự hào. Dalam tuk ngak bruk, dahlak kham merat jang piah ngak siam bruk bo Đảng, Karja saong pakat angaok jao brei, khik caga quyền ngak po tasik pulao ginreih di taneh ia.

Angaok pulao Trường Sa harei ini, dom bingu bàng vuông daok rak hadah, dom drei én daok par tapen takai riyak paoh, kol dahlak au mboh thun bahrau daok hu mbaok di angaok pulao. Thun bahrau labik “akaok riyak, jhung ngin” ngan saong rilo hương vị saong màu sắc. nan lac vị mbak di tasik, vị palak di ia hauk angaok dhei di dom urang lin ranaih umo thun. Bilan xuân pak ini daok hu vị yamen di hatai anit ranam, hu bhap bini dalam taneh ia payua tal tapa dom blah thư tangin./.