Urang pandar klaoh nhua dak harei dak rilo 

Pandap katak pandar veik:

 Klaok ia yamen haong ia menyum tame klaok bhian hu ngak meng katak PET , lac janih katak pandar sa mbang. Sa roh duah di Đại học Idaho (Hoa Kỳ) brei mboh lac, dom hóa chất hu pandar piah ngak janih katak ini meda tapaok tabiak saong njom tame ia meyah kol drei pandar veik atau caik klaok di pandiak suai lavik. Ini lac janih katak xốp, dom klaok ini dalam tuk pandar nyu njom tame dom hương liệu saong vi khuẩn bo drei oh rao hacih hu.

Pandar dom pandap ngak meng nhôm piah riak, piah tuk dom pandap mbang:

     Pandap ngak meng nhôm nyu hanjul, hacih saong lagaih. Min meyah pandar dom pandap nhôm hu ngak meng nhôm phế liệu, tuk ngak oh siam, oh abih tạp chất... ye tuk riak ngak pandap mbang, dom ion nhôm meda njom tame pandap mbang, oh siam ka prein yava menuac mbang. Abih di nyu nan lac tuk riak pandap mbang mbak, mbuan hu sara nhôm jhak ka rup pabhap. Pandar pandap nhôm piah caik pandap mbang pandiak, mesam, mặn – mbaok nhom mbuan jeng baoh, tabiak dom ion nhôm tame rup, pataom veik di tế bào não, ba tal mbuan var anak var likuk.

     Bhian di nyu, tế bào thần kinh oh hu ion nhôm. Min meyah dalam pandap mbang hu njom ion nhôm, ye ion nhôm meda pataom veik di labik nan saong ngak brei tế bào thần kinh não nyu salih karei, ba tal var anak var likuk. Tui nan akaok sahneng oh daok hadah hadai, mboh trak tangin takai nan ye ngak bruk bhian suai damuai.

      Jalan pacang caga: Oh pandar pandap nhôm piah caik pandap mbang tapa melam; oh pandar pandap nhôm piah ngak jarok, taong baoh menuk, ngak ia bai mesam, pandap mbak, pandiak…; oh pandar pandap nhôm oh siam. Takik pandar pandap nhôm piah ngak pandap mbang, piah caik pandap mbang.

Caga njom jru mek di gaok glah ngak meng kim loại:

     Jhui piah pandap mbang lavik dalam dom gaok meng kim loại, dalam nan hu gam nhôm, gang, ban atau inox. Kayua lac dalam dom pandap mbang, abih di nyu lac dom janih mesam jeng hu axit. Dom axit ini hadei di tuk hu tram dalam gaok nyu meda tabiak dom kim loại atau ngak brei ôxy hóa tal mbaok pandap ngak meng kim loại. Nồng độ haong hàm lượng kim loại nyu tabiak yaom lac oh rilo min lavik lavik harei pataom veik dalam rup menuac pandar ba tal oh siam ka prein yava . Lingiu di nan, rilo roh duah karei brei mboh lac, gaok kim loại tuk bahrau pandar jeng hu dom kim loại yau Nickel, Chrome atau pasei. Kayua lac dom dhur kim loại daok gam angaok mbaok hadei di tuk taong jangaih. Kayua yau nan ye, dom labik ngak tabiak gaok glah bhian kakei urang pandar lac, gaok bahrau njauk rao hacih, tuh ia tame riak ka nyu jru, bloh rao veik meng pandar./.

Urang lang: Mousaphuong -5/1