Mik va di bhum atah bayah hu pandar ia hacih 

Dom harei akaok bilan 12, Bộ chi huy, bộ đội Biên phòng tỉnh Điện Biên ieu pataom rilo urang jakar, urang lin pambuak bruk song karja  xã dom huyện Mường Nhé, Nậm Pồ, Mường Chà, Điện Biên song dom đồn biên phòng karei daok pak ni peih bruk pathau khan, brei thau adat hukum ka urang jakar, bhap bini di bhum tapen negar. Asar kadha pataom tame dom bruk yau: . bruk pathau khan agama suan hukum, hukum tapen negar, hukum pacang caga kanyah jhak di alak mbia… Bruk pathau khan hu pataom tame urang jakar dang akaok di dom xã, akaok puk, taha palei hu angan je dalam bhap bini, abih di nyu nan lac mik va bangsa takik dok di bhum tapen negar.

Ong Thào A Gia, Akaok palei  Huổi Khon 2, xã Nậm Kè, huyện Mường Nhé brei thau: palei jeng daok hu 18 boh sang, labaih 100 urang  dok tui agam suan hukum. Min, tapa mbang pathau khan ni di urang lin Biên phòng Điện Biên, ong hu thau rilo piah khan veik ka mik va :

"Dahlau deih dalam palei drei hu 23 boh sang tui dom agama suan hukum, min urak ni hu  6 boh sang oh dok tui tra. Hulin biak thau dar phol  Đảng, karja hu sangka tal bruk pathau khan adat hukum piah ka mik va hu thau."

Thiếu tá Vũ Ngọc Hiệp, Phó akaok Đồn Biên phòng Mường Mương, kapul pathau khan adat hukum, Bộ Chỉ huy Bộ đội Biên phòng tỉnh Điện Biên brei thau: bhap bini bhum tapen negar rilo meng kan kandah, akaok sahneng dok beir. Kayua yau nan ye njauk pandar thaot binguk brei mboh tapak, dom dalikan pagam tal kanyah jhak di bruk tui agama suan hukum, atau ba dom urang jakar lac urang bangsa takik ndom sap di mik va piah pathau khan asar kadha ka nyu ginup song cambaih laih di abih :

"Ngan song bruk pathua khan agama suan hukum, khol hulin hu ngak brei cambaih laih dom bruk ngak jhak tal rai duik di bhap bini, piah mik va thau cambaih laih jang, oh pang tui bruk pacuh pajarah di khol kanyah jhak."

Langui di bhap bini bangsa takik dok di dom bhum palei tapen negar yau: Nậm Kè, Leng Su Sìn, Na Cô Sa, Nậm Nhừ…, bruk pathau khan adat hukum dok hu urang lin  Biên phòng sangka tal dom urang jakar, gru pato song anek saih. Asar kadha pataom tame  bruk brei thau ka quyền ngak po tasik, palao kaoh taneh ia  dalam tuk vak bahrau; hatai sahneng di menuac urang dalam bruk khik caga chủ quyền, bhum palei song bhum tapen negar. Adei  Lường Thị Hậu, bangsa Thái, anek saih tal 12C1, sang bac  THPT huyện Mường Nhé lac:

"Dom var pathau khan hu ba mai biak rilo ilamu siam lagaih  ka khol adei , pagap yau lac  Việt Nam khol drei hu jalan tapen negar jiak song dom negar halei, talei rohim di 2 negar yau habar … Adei nao sang hu khan veik ka mik va dalam puk dalam palei dom gauk gar dalam sang , brei thau cambaih ka  chủ quyền Việt Nam song khol drei njauk ngak dom bruk hagait"

Iek tui bruk di dom bhum  tapen negar, urang lin Biên phòng tỉnh Điện Biên ba tabiak dom jalan pathau khan karei yau ba tagok sân khấu, tagok tal bac online, chiếu phim, brei tờ rơi, harak baar pathau khan ka adat hukum tal bhap bini.Trung tá Nguyễn Đức Cảnh, Phó Chủ nhiệm Chính trị, Bộ Chỉ huy Bộ đội Biên phòng tỉnh Điện Biên brei thau:

"Khol hulin pambuak  biak rilo jalan pathau khan karei di gauk piah urang jakar, bhap bini di bhum tapen negar thau saong ngak tui sarak di Đảng hukum di karja.Meng nan hu mbaok tame song urang lin Biên phòng khik ramik khang kajap quyền ngak po palei negar, siam mekre jalan tapen negar dalam tuk vak bahrau".

Yaok melam, di dom labik peih bruk pathau khan adat hukum bhian hu yaok rituh urang mai hu mbaok, ndom nyai nao mai doh takơ, pambuak song pathau khan adat hukum, tapa nan talei rohim anit ranam gauk di urang lin haong bol bhap rahra dak harei dak kajap. Bruk ni brei mboh kein laba, siam lagaih di bruk salih bahrau jalan pathau khan adat hukum bhap bini dom bangsa bhum ceik glaong di urang lin Biên phòng tỉnh Điện Biên. Meng nan rik dong paglong hatai sahneng, patagok bruk ngak tui sarak di Đảng hukum di karja ngan song urang jakar, bhap bini bhum tapen negar di taneh ia./.

Urang lang: Hanipha- 14/12