Urang jakar nao pathau khan ka mik va bangsa thau pacang caga jit 

Dom harei tapa, langik pandiak yau ndaih apui, yaok rituh urang halan hatian jeng daok khik iek KTX Sang bac Đại học Negar  Ban raya HCM piah sangka iek dom urang daok karei di labik ini. Dahlau di nan, urang brei puh ramik hacih 4 baoh sang praong di KTX piah ngak labik daok karei di dom urang mai meng bhum hu jit ruak. Meng di Tuk hu thau lac Mban khik iek KTX khin hu 100 urang halan hatian saong yaok ribau thùng các-tông piah padang pandap, ye hadei di 1 mong eiw daong ngaok mạng xã hội, ye hu ginup thùng cac-tông piah pandar. Ong Phùng Quán, Phó Akok Công đoàn Đại học Quốc gia Ban raya HCM brei thau: KTX hu 25 sang glong rilo tal ngan saong 5.000 duk bilik hu caga taduan urang tame daok karei, meyah oh hu bhap bini daong ye kan si ngak hu bruk praong yau ini:

        “Urak ini hu labaih 40.000 thùng các-tông hu payua mai saong daok hu payua tal. Meda lac ba gauk pacang jit nan ye thei jeng daong abih hatai.”

          Rilo doanh nghiệp gam gam duah thau bruk pacang caga jit ruak di Ban raya HCM piah daong meng bruk ngak tabiak pandap pandar di drei. Di Công ty nội thất Inox – Nhựa Qui Phúc, urang ngak bruk gam melam piah daong daonh nghiep ngak salah 20 baoh gaiy laneing y tế  daong ka dom sang iek ruak dã chiến, saong pablei oh mek laba 1.050 baoh gaiy laneing y tế. Abih tih yaom jien Công ty nội thất Inox – Nhựa Qui Phúc rik daong tame bruk pacang caga ruak lac 800 trieu ndong. Oh padeih di nan, tuk angaok mạng xã hội ba thaot binguk dom urang ngak bruk pacang caga jit ndih ala nền kriak, C.ty nội thất Inox –Nhựa Qui Phúc daok  caga alin brei 200 giay nhựa piah pandia kaieng ka dom labik daok karei. Ong Dương Thanh Đảo, Akok gah pablei salih di Công ty nội thất Inox– Nhựa Qui Phúc khan lac dom gaiy nhựa nan kuhria tui jien tok lac yaok pluh triệu ndong min nyu biak lagaih:

“Tapa facebook dahlak mboh dom adei sa-ai ngak bruk labik khik ike urang daok karei lang ciew ndih. Urak ini, Công ty nội thất Inox – Nhựa Qui Phúc hu gaiy nhựa Hawai mbuan pandia ka-eng. Yau nan ye dahlak brei alin dom baoh gaiy  nan ka dom urang daok ngak bruk pacang caga jit.”

Daok ong “ patao bánh mì” Kao Siêu Lực, Tổng giám đốc Công ty ABC Barkery ye roh duah ngak tabiak sa janih bánh mì rilo dinh dưỡng, bingi , piah hu suai lavik piah payua alin ka dom y, bác sĩ daok harei melam pacang jit ruak. Ini lac janih bánh mì juk, hu asar óc chó, nho thu, phô mai, bei Nhật pambu thu saong lange juk. Ahar hu ba-ar papaok hú chân không, caik tapa sa dit daok bingi tamo meyah caik tu la-ar khik hu 3 bilan. Yaok baoh ahar “bánh mì dinh dưỡng” hu ginup asar di sa var mbang, y , bác sĩ meda mbang chip hadei di tuk padeih blaic raic atau tuk hu mbaok khik iek urang ruak. Hadei di tuk ngak tabiak mbang akaok meti  hu 750 baoh ahar  dinh dưỡng, Công ty ABC Barkery  daok ngak veik ginup 3.000 baoh, kuhria tui jien 225 trieu dong piah alin ka dom urang pacang caga jit. Meyah hu dom doanh nghiep karei rik daong brei brei nguyên liệu, Công ty ABC Barkery rik daong jien ngak tabiak. Ong Kao Siêu Lực brei thau, mai meng mboh bruk pacang caga jit di Ban raya HCM bo ong duah jalan rik daong tui prein di drei:

“Ahar bánh mì bhian randap jeng hu min habar dahlak ngak ahar bánh mì dinh dưỡng kayua dahlak caong khin meyah tok hu takik  tukvak piah mbang hasit ahar jeng ginup dinh dưỡng. Yau nan ye dahlak sahaneng saong ngak janih ahar bingi, rilo dinh dưỡng pabak ka bác sỹ. Dahlak ginum saong dom urang anek brei alin 3.000 baoh, yaok baoh ahar 75.000 đồng. Hadei di ini hu thei daong ye rik jien tame, daok dahlak ye buh prein ngak.”

Rilo doanh nghiệp karei yau Công ty Sài Gòn Food, Công ty Lai Phú…jeng daok hu yaok ribau pandap dinh dưỡng daong ka urang pacang jit di labik daok karei. Daok dom kapol nyaom urang halan hatain di Ban raya HCM, rilo bruk ngak karei  yau puh ramik labik daok karei, jhik siuk pacang pabah brei saoh…piah daong ka bruk pacang caga jir ruak jeng daok hu rah tabiak./.

Urang lang: Ái Nghiêm- 31/3