Urang klauk vaccine njauk mbang huak ka nyu ginup dinh dưỡng

Tuk halei jeng hu menuac daong daok taphia uranaih luac harei malam, takik di abih lac dalam 3 harei camereip hadei di klauk vaccine caga COVID-19.

Urang klauk vaccine oh menyum alak tapai saong dom janih jru kích thích, takik di abih lac dalam 3 harei akaok mereip hadei di klauk vaccine.

Urang klauk vaccine njauk mbang huak ka nyu ginup dinh dưỡng.

Meyah mboh barah, bhong, pandik, tambok sit labik klauk di uranaih, dom amaik ame njauk tui iek, meyah barah prong samar ye nao iek ruak chip. Njauk thau lac, juai luk, uh hagait tame di labik barah nan.

Bhian dut iek thân nhiệt uranaih, meyah mboh dom kadha yau: Padniak ala 38,5 độ C njauk taoh meneng, pacadu khan ao, uh meng khan pasah di dhei, di plah pa-ak, plah pha, menyum ginup aia. Oh caik ka ranaih njauk la-an.

Meyah uranaih pandiak meng 38,5 độ C tagok, brei uranaih menyum jru pandiak tui tacei pato di urang y tế.

Njauk caik hatai, meyaih uranaih oh abih pandiak atau pandiak veik dalam 2 tuk hadei di tuk cadu pandiak, njauk khan brei ka urang y tế thau saong ba nao tal labik y tế jaik di abih piah hu iek ruak./.

Urang lang: Jasi – 11/11