Gah Y tế dunya pachreih brei ka anek mam amaik abih 24 bilan saong mbang dặm meng 6 bilan; urak ini tukvak padheih ndih tapui lac 6 bilan yau nan ye drei meda brei ka anek mam abih 6 bilan akok mereip saong kuhria caga siam di abih dahlau si nao ngak bruk. Urak ini ayut jaik si nao ngak bruk veik paje njauk halei oh? Jhui sahaneng rilo, tapa kadha “ Urang iek ruak “ harei ini, kol dahlak meda tacei ka ayut thau cambaih jang dom bruk pambuak tal iak ia tasau, khik piah ia tasau saong alin ia tasau :

# Meda lac dom urang amaik jeng hu ginup ia tasau piah ka dua anek kamar sinh đôi mam meyah thau brei ka anek mam njauk. Njauk hadar lac brei ka anek mam tasau tapak tuk halei jeng siam jang mam ia tasau iak tabiak. Brei ka anek mam atau iak ia tasau hamiet lac ayut meda ginup ia tasau, oh cang caik piah nye ayut!

Tuk nao ngak bruk, ayut njauk rami ramik piah meda iak abih ia tasau yaok 3 tuk di libik ngak bruk piah khikka ia tasau hu tagok siam, khik piah siam blaoh ba mai sang. Ia tasau ini meda brei ka anek mam tuk ayut oh daok di sang.

Bruk iak saong khik piah ia tasau:

# Iak ia tasau: rao hacih tangin meng xà phòng saong ia hacih, rao tasau meng ia la-ar hacih, iak ia tasau meng tangin atau mac saong tuh tame kadung caik piah ia tasau atau bình. Gum sir bloh caik tame hệ thống khik la-ar. Tukvak khik piah rilo di abih lac 3 tuk di nhiệt độ phòng; 3 harei di 4 độ C, 3 bilan di 0 độ C (lac ngăn đông tủ la-ar).

 # Pandar ia tasau iak: Piah rã đông di nhiệt độ phòng (oh pandar lò vi sóng) blaoh ủ pandao veik dalam kadhor ia pandao (oh riak pandiak). Tuk ia tasau jaik 37 độ C ye lắc đều ka anek mam. Njauk caik ia tasau pandao dalam ngăn mát meyah oh pandar chip.

 # Chất lượng ia tasau amaik meda salih karei dalam tuk mam: akaok mereip nyu mbrang, hadei di nan nyu ma-mbeik saong rilo năng lượng, meyah oh mam hu ia tasau jhung ini, anek naih kan si tagok kí lô.

# Sa bruk biak praong tra lac oh alin ia tasau labaih ka uranaih karei mam tuk oh ka ngak xét nghiệm tầm soát dom ruak meda pambak tapa ia tasau amaik yau HIV, viêm gan siêu vi B, C, giang mai …). Bruk ngak ini tok hu siam mekre tuk ayut thau lac drei oh gaok dom ruak truyền nhiễm ini nye.

# Di dom taneh ia patagok, tuk caong khin alin ia tasau, dom urang amaik njauk ngak taong abih dom xét nghiệm catang yau tuk brei darah nan . Dua tra veik, ia tasau di urang amaik ini hadei di tuk iak tabiak daok hu xét nghiệm vi trùng piah khik lac oh nhiễm trùng dalam tukvak iak saong khik piah.

# Puac di abih, njauk brei mam amaik tapak tuk daok taphia anek saong iak abih ia tasau tuk amaik oh daok di sang. Hadar rami ramik bruk hit di libik ngak bruk piah jhui căng thẳng, ngak trun takik ia tasau amaik ayut nyeh./.