Ruak kum A/H1N1 daok tamuh khang di rilo tỉnh, ban, abih di nyu nan lac di ban raya Hồ Chí Minh. Dom dấu hiệu di urang ruak ye: pandik cơ, glaih glan, katuk pandiak, aih traoh atau taglon, pandik akaok…Ruak pambak tapa jalan hô hấp atau taom gaok dom pandap caik ia pabah atau dịch tiết di urang ruak. Kum A/H1N1 meda mbang tame dalam tế bào phổi, ba tal viêm phổi saong hu tuk ngak brei metai meyah oh hu iek ruak drah samal. Kadha “ Urang iek ruak” harei ini, hu kadha vak tacei pato bruk caga plaih njom mbak saong iek ruak drah samal. Daa mikva saong grauk yut tui pang:

-Kum A/H1N1 hu biểu hiện dreih yau kum thông thường, tok thau lac ruak meng xét nghiệm dịch dhung, tarakon di dom cơ sở y tế. Kayua yau nan ye, urang bhapbini jhui chủ quan saong njauk nao dut iek tuk hu dom dấu hiệu sahaneng lac njaom virus. Abih di nyu nan lac, meyah mboh hu dom biểu hiện nan hadei di tuk taom gaok urang ruak atau urang sahaneng lac njaom kum ye njauk drah samal nao iek ruak.      

Dom panuac kakei  ka bruk caga ruak:

-Virus cúm meda daok suai livik dalam alam moi truong, yau nan ye urang bhapbini njauk ngak tui dom kadha ala ini piah pacang, plaih ruak:

- Paglaong bruk ngak hacih rup pabhap drei, gam gam rao tangin meng xà phòng, abih di nyu nan lac hadei di tuk tabiak lingiu atau taom gaok dom gah meda hu kandon virus.

- Cuk khẩu trang tuk tabiak lingiu, abih di nyu nan lac di dom libik hu rilo menuac urang.

- Khik sang danaok, libik ngak bruk haci hacih meng bruk gam gam uak, pandar dom dung dịch sát khuẩn thông thường.

- Mbang menyum ginup chất, parilo dom pandap mbang menyum hu rilo vitamin piah trun takik bruk njaom virus.

- Tui iek pren yava di drei, sangka tal dom biểu hiện kum saong iek ruak drah samal.

- Tuk thau lac njaom ruak, njauk daok karei saong khan brei labik ngak bruk, bac megru saong dom cơ sở y tế puk palei thau./.