Urang taha hu iek glang pren yava 

Dom Cục Khik piah Karja bhum kreh negar daok pataom prein ngak samar bruk buh brah, pandap daong duah menuac njauk bala brei ka dom puk palei piah daong ka bhap bini bhum ia sua. Kuhria tal abih harei 24-10, Cục Khik piah Karja bhum Bình Trị Thiên hu buh tabiak 410 tấn brah brei ka tỉnh Quảng Bình; 469 tấn brah brei ka tỉnh Quảng Trị haong 540 tấn brah brei ka tỉnh Thừa Thiên Huế. Daok pandap daong duah urang njauk bala, Cục Khik piah Karja bhum Bình Trị Thiên hu buh brei ka tỉnh Thừa Thiên Huế 2.000 áo phao, 10 sang bạt haong rilo pandap panda karei.  Lingiu di nan, daok hu pambuak bruk khang kajap haong dom tỉnh ban karei piah buh brei brah saong pandap daong duah urang gaok bala tui jalan samar drah, siam lagaih, njauk tui adat hukum.

Mesup ni  26/10, Tòa án bhap bini ban Hà Nội peih bruk langyah mbang camereip bruk "ngak suan hukum ka bruk ngak di glang pariak, bruk ngak karei  pagam tal bruk ngak di gilang pariak” song “Pambak tame hatai jia blah mek drap ar" rah tabiak di gilang pariak Thương mại cổ phần Đầu tư song patagok Việt Nam (BIDV), Công ty rong glang Bình Hà (Công ty Bình Hà) song Công ty thương mại song  du lịch Trung Dũng (Công ty Trung Dũng). Di phiên tòa, lambaok gilang pariak BIDV hu mbaok dalam angan lac bị hại. Tui cáo trạng di  Viện Kiểm sát bhap bini  Tối cao, dalam tuk vak meng thun  2011 tal 2016, pambak tame bruk hu jao brei ,ong Trần Bắc Hà (dahlau deih ngak Chủ tịch Hội đồng quản trị gilang pariak  BIDV) hu tacei  pakat ala di  BIDV song  BIDV – dhar  Hà Tĩnh, dhar  Hà Thành brei ka Công ty Bình Hà (lac công ty "mblang likuk" di  Trần Bắc Hà) song  Công ty Trung Dũng mesraiy jien suan hukum, ngak khat lihik ka  BIDV yaom jien biak prong lac 1.664 tỷ đồng. Dalam vụ án ni, ong Trần Bắc Hà hu mong lac menuac dang akaok, tabiak bruk. Min,, bilan 7/2019, ong Trần Bắc Hà metai dalam guk  kayua ruak trak, Jabat  công an brei padeih langyah ngan saong ong Trần Bắc Hà; bruk pasang iek, duah thau, truy tố, langyah  daok hu peih ngak ngan song dom  đồng phạm di ong Trần Bắc Hà. Tui danak dak, phiên tòa hu rah tabiak dalam 10 harei .

Rilo jalan di pasak ban raya HCM daok hu Pasak khik iek jalan mbak peih bruk caik pagam ngak iek bảng duah thau ka angan jalan tapa mã QR. Anagn jalan hu brei mã quét karei ka yaok jalan saong hu pataom tagok biển báo phụ brei thau ka angan jalan. Menauc urang meda pandar smartphone piah quét mã  saong bruk duah thau hu tabiak jeng file ảnh. Các thông tin sẽ bao gồm vị trí, chiều dài, lộ giới tuyến và lịch sử của tuyến thaot binguk; brei thau katut panak ka menuac (atau angan labik) hu caik angan jalan…

UBND xã Phong Thủy, huyện Lệ Thủy (Quảng Bình) brei thau, hadei di mbang ia sua khang meng blaoh, sang di Đại tướng Võ Nguyên Giáp khut biak trak, rilo drap ar di  Đại tướng njauk ia ba theik. Tui  ong Võ Đại Hàm, urang iek glang sang  pahadar di  Đại tướng, sang di  Đại tướng njauk ia sua  duak tagok  labaih  2 mét dalam mbang ia sua khang meng bloh. Rilo danieng di sang nyu jaleih song mbaih mbaoh, rilo pandap panda jang yau drap ar  di  Đại tướng hu khik piah di pak ni njauk ia ba theik atau njauk ia tram ngak brei khut. Jeng tui ong Hàm, dahlau di tuk ia sua  ong hu pok caik dom pandap  panda hu yaom tagok glong , min, mbang ia sua ni biak khang nan ye ong oh ngak hagait karei hu. Rilo pandap panda di pak ni oh pasiam veik hu.

Panuac di Đài Khí tượng thủy văn tỉnh An Giang brei thau: Ia angaok kraong Tiền lac 2,7m saong kraong Hậu lac  2,56m. Ini hu maong lac tabung glaong ia ndik thun 2020 saong jeng daok mala tanut báo động I. Tui kuhria mboh dahlau, ia ndik daok trun dalam dom harei tal. Thun 2020 ia ndik mai suai jang nan ye mikva thei jeng maong akaok piah cap mek kaya ikan dalam ia ndik

Gah Y tế dunya (WHO) hu tabiak panuac brei thau dahlau ka bruk tagok biak rilo urang njom  Covid-19 di rilo labik di dunya dok ngak kan kandah  tal gah y tế dalam bruk pacang cakak jit ruak mbang ka  2. Tui WHO, rilo rajaei dok glaih glar piah khik dom jalan patrun pacang jit bahrau song bruk pasiam veik kinh tế dahlau di nan dok laik tame kan kandah. Min, bruk haduh hatai di bhap bini anak dom jalan pacang caga jit, gam song dom kan kandah gah kinh tế daok ngak ka bruk peih ngak dom jalan pacang caga bahrau dak harei dak kan kandah. Kuhria tal tuk vak urak ni, jit prong Covid-19 ngak ka labaih 1,1 triệu urang metai song  42 triệu urang njom ruak.

Jabat Y tế bhap bini Prang brei thau, dom menauc njom Covid-19 di negar Prang dalam 24 mon tapa tagok tal labaih 52.000 urang saong lac glaong di abih kuhria meng tuk jit hu jit praong. Dalam dom menuac njom bahrau, hu jaik 1.300 urang njauk tame sang iek ruak, tui nan abih tih urang tame sang iek ruak lac jaik 16.500. Dalam 24 mon tapa, Prang hu gac 116 urang metai, tui nan urang metai kayua jit di negar ini lac labaih 34.700 menuac. Menuac dương tính tuk dut iek Covid-19 di Prang harei kabroi lac 17%, glaong jang 16% sa harei dahlau di nan saong yam tapa biak atah tanut 4,5% di akaok bilan 9.

Tui yaok pataom 3/4 dom hala phiếu,hu tal 78,12% urang Chile pachreih tui bruk ngak tabiak sa hukum negar bahrau  salih ka  hukum hu meng thun 1980, ala saman di  urang độc tài Augusto Pinochet. Rilo urang cong khin  hukum negar bahrau meda khik hu dom  quyền samu gauk jang  ka bruk iek glang pren yava, pato megru song jien hưu.  Dalam mbang duah thau hatai rahra oh ka bhian mboh hu peih tabiak di harei 25/10, bhap bini hu tangi sua lac njauk hatai haong sa hukum negar bahrau kayua sa nyaom bhap bini hu palih ruah piah ngak, atau kayua sa hội đồng hỗn hợp dalam nan hu bhap bini  song dom nghị sĩ ngak. Rilo meng lac palih ruah jalan ngak camereip./.

Urang lang: Hanipha- Mousaphuong -26/10