-Piah nao angaok canah jalan phượt tal hải đăng Mũi Dinh, tuai damuai oh nao jalan Bãi Tràn yau dahlau diah bo nao vil val meng jalan tapa  “vũng”, nao tapa ceik. Dahlau di tuk tagok jalan duah thau canah jalan phượt ini, tuai njauk tut angan saong dom libik ngak tour atau bhapbini pak nan piah hu tacei pato, plaih nao suan jalan. Tuai damuai meda mboh tatuak drei anak dom janih di lingik tasik, yau ye: dom patau khối praong daok tapen tasik, angaok jalan nao meda padheih takai menei tasik, maong dom janih sinh vật tasik đa dạng phong phú. Abih di nyu nan lac, tuai meda hu ravang iek bingun ia taba dalam lubang patau di urang palei ikan, ravang inem mek baoh sang “Thiết” ngan saong dom dấu tích daok caik veik di mesruh metak. Ông Hồ Quốc Bảo, urang di công ty du lịch Tiến Vinh Ninh Thuận lac:“Kol dahlak mboh biak tatuak drei anak dom trải nghiệm thú vị di canah jalan harei ini saong caong lac jalan ini meda jeng libik trải nghiệm saong hu rilo urang thau tal kayua nyu daok biak hoang sơ”.

          -Bruk njauk biai di canah jalan phượt ini lac tuai njauk nao tapa glai rilo phun kayau sit, atah jaik 3km piah nao tal hải đăng Mũi Dinh. Angaok jalan nao lac hệ thực vật rilo sambo màu yau darang glai, kam glai saong dom janih bingu glai sambo hadah tok hu di libik Mũi Dinh. Kam glai yamen, la-an, meda giải nhiệt tuk gaok mebhuk pandiak luac di jalan nao dalam 3 tuk tapa canah jalan ndik ceik. Ông Bùi Phương, urang pan akaok Công ty du lịch Dã ngoại pandiak saong ngin Phan Rang- Ninh Thuận lac: “Ninh Thuận hu pandiak saong hu angin, lac siam lagaih praong piah patagok du lịch, kol dahlak duah mboh canah jalan trải nghiệm ini, lac biak chreih chrai ka kol dahlak saong luac tukvak nao, kol dahlak tuk halei jeng yaih khan ka tuai dom bruk oh ka bhian mboh saong biak karei di labik ini, saong meda cakrok patagok jang bruk du lịch trải nghiệm di Ninh Thuận”

-Piah thau prein drei di canah jalan phượt biak gheik mekre meng jalan nao takai di Mũi Dinh meda ba mai ka tuai dom trải nghiệm thú vị oh ka bhian mboh. Yau nan min, tuk tuai phượt di canah jalan ini njauk kuhria caga dom pandap oh kurang hu piah khik caga an toàn, saong brei paglaong hatai sahneng ka bruk khik caga cảnh quan thiên nhiên biak gheih mekre di libik ini ./.