Dom hatai sahneng pacang pandiak bhang siam di urang nong Ninh Thuan

Anak bruk pandiak bhang rah tabiak khang di dom labik dalam bhum Nam Trung Bộ, rilo hatai sahneng, jalan ngak piah pacang pandiak bhang di dom urang Cam ngak nong di tinh Ninh hu patagok siam lagaih:

Jaik 2.000 drei pabo di trang trại Thành Loan, Ninh Thuận hu maong lac “ tapol pabo bui sambai” kayua nyu oh eik, oh lipa ia. Dalam tuk tapol athur halei pak Ninh thuan jeng njauk ba nao labik karei piah plaih bhang pandiak, limo saong pabo jeng daok hu raong dalam trang trai ini. Bruk nan mai meng hu dua danao ia jaik trang trai hu kuac dalam bilan hajan piah khik ia ka tapol athur dalam dom bilan pandiak. Ông Bá Văn Tẹo, trang trại Thành Loan brei thau : Hu ia ka tapol pabo menyum di labik ye siam jang palao pabo lingiu mblang hamu.

Meng livik mai urang raong glang bhian cang tal bilan pandiak bhang meng nduac trun nduac tagok blei pandap mbang ka athur. Tuk nan, yaom pong, yaom hareik that tagok glaong. Daok pak ini, di trang trai ini, pandap mbang, ia menyum ka tapol athur jeng hu caik piah dahlau di bilan thu, daong patrun khat lahik dalam raong glang. Ông Lê Văn Phúc, urang jakar pachreih nong xã Nhơn Sơn, huyện Ninh Sơn, tỉnh Ninh Thuận lac :Abih tih tapol raong sit meda megru tui jalan ngak yau trang trai Thành Loan. Hu pandap mbang tapung, thu caik piah jeng siam jang.

Taphia jalan sahneng bahrau di trang trại Thành Loan, hệ thống thủy lợi di palei Cam Lương Tri, huyện Ninh Sơn, Ninh Thuận jeng lac sa jalan sahneng bahrau pacang hu pandiak bhang ba mai rilo siam lagaih. Palei Cam Lương Tri lac labik rilo thun dahlau njauk klak saoh kayua kurang hajan, labaih pandiak. Urak ini dom bruk hu salih karei tuk ông Đạo Văn Nũng buh jien tabiak ngak hệ thống thủy lợi. Công trình ini hu 6 bingun pambuak pagam saong dom máy bơm công suất 450m³ ia sa tuk saong dom mương nổi hu padang ngak tui bản thiết kế di urang nong barau bac tamat pakat 2. Ông Đạo Văn Nũng brei thau : Rilo mikva pak ini mboh yau nan ndom lac dahlak oh bac megru, ngak huac oh jeng oh thei khin buh jien tabiak ngak.

Urak ini mikva Cam di palei Lương Tri mai veik palei mek taneh mek hamu saong bac tui jalan ngak di ông Nũng, oh daok klak palei nao ngak pah yau dahlau diah. Saai Đạo Văn Hậu, palei Cam Lương Tri, xã Nhơn Sơn, huyện Ninh Sơn chreih chrai ndom lac : Meng hu jalan ia di ông Nũng drei meng pala drak hu yau ini.

Daok saai Châu Thị Đỉnh lac ndom yau ini : Hu công trình thủy lợi ini, dahlak pala drak, yuak hu, pala drak hagait jeng hu siam lagaih, labaih jien padai pandar cai dalam sang

Pandiak bhang jeng daok rah tabiak di Ninh Thuận min bhum taneh gah pai palei Cam Lương Tri, xã Nhơn Sơn, huyện Ninh Sơn jeng oh kurang ia pruh. Hu cong trình thủy lợi ngak eng di dom urang Cam ngak nong pak ini, ban hijao di mblang hamu, njam patam jeng daok hu mbaok grauk labik dalam bhum taneh ini./.