Khik pandap mbang labaih dalam tu la-ar 

Hu biak rilo urang kumei ngak mbang huak jia lac tal me-om pandap mbang lac hala pacang siam mekre ka pandap mbang. Min yaom lac tal me-om hu ngak meng nhựa PE hu taong yaom lac siam di abih jeng oh njauk pandar rilo kayua nyu mbuan ba tal khut pandap mbang.

Tal me-om pandap mbang njauk pandar 1 mabng. Kayua mek tabiak bloh me-om veik rilo mbang hadei daok ngak ka vi khuẩn menek tabiak samar jang. Njauk takik pandar tal me-om tuk pandap mbang daok pandiak, rilo menyek, lamek. 

Piah patrun patakik dom kadh aph siam meng bruk pandar tal me-om pandap mbang, njauk blei tal me-om di dom labik hu angan je ngak tabiak, hu tut angan, hu pasang iek chất lượng di jabat karja.

Tuk piah pandap mbang labaih dalam tu la-an jeng brei caik hatai tal tukvak. Tui dom chuyên gia, pandap mbang labaih caik lavik dalam tu la-an nyu lagaih ka vi khuẩn tamuh tabiak. Pandap mbang labaih piah plaih khut saong njom nerak, hadei di 2 tuk caik gah lingiu njauk klaak nao, jhui piah mbang harei ini tapa harei hadei. Meyah caik dalam tu la-an, pandap mbang labaih njauk mbang abih dalam harei.

Dalam vaktu khik piah meda ngak ka pandap mbang njom khuẩn chéo kayua dalam tu la-an bhian caik rilo pandap mbang metah – tasak haong gauk. Kayua yau nan ye, bruk bhian randap caik piah pandap mbang yau nan mbuan ngak ka drei njauk jru mek, mbuan ba tal ung thư.

Piah khik caga prein yava ka abih menuac dalam sang drei, njauk kanal hadar cambaih dom jalan khik piah pandap mbang labaih ka nyu siam, njauk jalan yau ini:

- Pandap mbang labaih njauk khik piah di nhiệt độ ala 5°C saong pandiak veik di nhiệt độ takik di abih lac 60°C. Khik piah di nhiệt độ labaih 5ºC atau pandiak veik pandap mbang labaih di nhiệt độ biar jang 60°C jeng lagaih ka vi khuẩn njom tame pandap mbang saong menek tabiak rilo.

- Drei jhui caik ka tu la-an bak pandap, bo njauk ramik ka nyu laneng lanoi. Khí la-an brei hu labik laneng piah nduac, daong ka pandap mbang dalam tu la-an hu khik di nhiệt độ siam lagaih saong oh ngak khut pandap mbang. 

- Dalam 2 maong hadei meng ngak bloh, pandap mbang brei hu khik dalam tu la-an. 

- Puac di abih, njauk kanal hadar jalan ngak njauk tuk khik piah dom janih pandap mbang, lac: pandap mbang hu ralow khik piah dalam tu la-an oh tapa 2 harei; lasei khik piah dalam tu la-an 1 maong hadei di tuk tahanek saong oh khik piah dalam tu la-an tapa 6 harei./.

Urang lang: Musa Phương - 16/2