Takik pasram rup pabhap lac bruk bhian randap oh siam di urang ngak bruk công sở ba tal dom ruak yau: pandik cơ, patrun tuần hoàn darah, glaih glar saong pandik akaok.

Pandik takoi

Daok la anak máy vi tính yaok tuk meda ba tal pandik takoi. Ini lac  makna ka khaol drei njauk katung catang rup pabhap atau mbeik drei hasit tuk mboh glah glar saong pandik baoh patih.

Thu meta

Daok la ngak bruk yaok tuk anak máy vi tính meda ngak ka meta drei thu, lagah saong bhong. Kayua YAU nan ye, khaol drei njauk caik ka meta mong tabiak gah langiu màn hình 2 minit yaok tuk. Njauk daok la, pik meta atau mong tabiak atah piah thư giãn.

Limek hatian

Mbang pandap mbang vặt  meda ba tal tagok kilo. Jaik abih urang ngak bruk công sở thei jeng takre gam ngak bruk gam mbang dom pandap mbang njuan saong kaya mbang samar drah pia patak pataom tukvak saong bruk ini ba tal tagok kilo. Piah plaih limek hatian, njauk mbang dom janih pandap hu calo biar.

Pandik akaok

Gaok tuk mai kayua bruk ngak ba tal glaih glar bo  pandik akaok nan lac mboh ralo di abih. Hu urang njauk pandik meteh akaok kayua ngak bruk căng thẳng.

Stress

Ini lac kadha bhian mboh abih bo dom urang ngak bruk di công sở jeng njauk. Stress ngak jhak pren yava, gam rup pabhap tal akaok sahneng.

Lahik ndih

Ngak bruk lavik melam, oh hu tukvak padeih padei meda ba tal lahik ndih. Bruk ngak lac quan trọng min khaol drei njauk ngak habar piah hu ndih điều độ piah khik caga pren yava.

Alah vận động

Jaik abih urang ngak bruk công sở bhian alah medeih ka-yon (avar) piah pathram padhih thể dục. Khaol drei oh thau lac, medeih ka-yon (avar) saong pathram padhih dalam van page mesup ba mai ralo siam mekre ka pren yava. Langiu di bruk pasiam tuần hoàn darah, khik ka baoh hatai khang kadang, medeih kayon saong pathram padhih dalam van page mesup meda daong ngak brei patrun stress./.