Umo meng 25-35 hu mong yau “tukvak ameh” piah ka urang kamei menek

TS-BS Nguyễn Bá Mỹ Nhi, Phaok akaok Sang iek ruak Từ Dũ brei thau, 1 urang kamei meng tuk menek tabiak tal tuk abih jak dalam rup hu jaik 300.000 noãn nang. Dalam nan, oh njauk noãn nang halei jeng cak rok patagok jeng baoh. Yaok bilan, hu sa atau rilo noãn nang prong jeng baoh saong jruh trun, meda jeng phôi thai meyah nyu taom gaok tinh trùng.

Bác sĩ Nguyễn Bá Mỹ Nhi daok brei thau, dom noãn nang takik siam tui umo thun praong. Cambaih laih, di umo meng 35 tagok, dom noãn oh daok siam yau dahlau saong takik metian jang. Urang kamei umo meng 35-40 thun, dom noãn nyu takik jang saong ini jeng lac tukvak dom janih ruak mãn tính nyu tamuh tabiak, mbuan ngak brei kanjah jhak ka urang amaik saong anek kamal meyah metian di umo ini.

Langyah jang ka bruk ini, bác sĩ Mỹ Nhi brei thau, urak ini ruak me-ik saradang, tagok huyết áp dak harei dak rilo saong ngak brei oh siam tal urang amaik tuk metian. Urang kamei njauk dua janih ruak ini kan si metian hu, meyah hu metian jeng mbuan ba tal dom janih ruak yau: anek kaman metai dalam hatian, anek kaman metai hadei di tuk menek tabiak, jaoh jo meng tuk menek; dalam tuk urang amaik meda njauk ruak tabiak darah glo akaok, tai biến jalan rak darah di glo akaok saong trak abih meda ba tal metai lahik. Bác sĩ Mỹ Nhi kakei lac: “Umo ameh piah menek bhian ala 35 thun, tuk nan noãn nang daok siam, noãn nang jeng daok rilo, mbuan metian jang saong urang amaik jeng takik njauk ruak, pren yava siam jang piah gam nao ngak gam iek anek siam di abih”.

Njauk hatai haong jalan saneng ini, PGS-TS Huỳnh Nguyễn Khánh Trang, Akaok Khoa Sản bệnh, sang iek ruak Hùng Vương, brei thau, metian saong menek hu pagap yau “bruk pakacah nduac marathon” di urang kamei, umo tuk daok sit, pren khang di abih ye pren yava di anek kaman dalam tian jeng siam di abih. Saong umo meng 25-35 hu mong yau “tukvak ameh” piah ka urang kamei menek, kayua ini lac tukvak pren yava di urang kamei khang kadang di abih, metain jeng siam di abih. Daok hadei di umo 35, pren yava di urang kamei oh daok karo ngak ka  chất lượng anek kaman dalam tian trun biak rilo. Tui nan, urang kumei metian talabuh, anek maman njauk jaoh jo di urang kamei metian hadei di 35 thun glaong jang 4-5 mbang dut haong umo meng 25-30.

Taphia di nan, urang kamei prong thun jeng mbuan njauk dom janih ruak karei. Cambaih laih lac sa urang kamei umo 25 thun metian meyah oh patuah njauk ruak pambuak tal metian jeng mbuan yam tapa jang sa urang kamei umo 38 thun njauk ruak ini. Kayua nan ye, siam di abih, urang kamei njauk menek anek kacua di umo 30 saong menek anek ka dua hadei di 5 thun piah ba mai siam mekre di abih ka urang amaik gam urang anek./.

Urang lang: Jasi-28/5