Dom janih jru njaom mbuk ja hu rilo angaok darak pasar 

Nao tapa dom darak, oh kan piah blei hu sa klaok jru njaom mbuk. Jru nyaom mbuk yaom hadom jeng hu. Di labik darak tạm quận Thủ Đức (TP.HCM) hu pablei biak rilo janih jru njaom mbuk, yaom jien tui suai lavik di sambo màu mbuk, meng dom pluh ribau tal dom rituh ribau (hu gam pandap piah njaom).Tok buh tabiak  35.000 đồng ye hu mbuk nâu bhong yau hatai caong khin.

  Sa-ai Vy Vy (po sa tiệm ngak mbuk lavik thun di angaok jalan Lê Văn Sỹ, Q.3) khan lac: “Ngak khut mbuk rilo di abih nan lac tuk drei tẩy màu. Dalam dom janih jru njaom mbuk halei jeng hu chất tẩy nan ye dom tiệm ngak mbuk tuk halei jeng pabak  tame chất phụ gia piah pacang khik, pasiam veik, ngak brei ka mbuk đàn hồi, patrun patakik hóa chất njaom tame mbuk. Hu dua janih jru njaom: sa nan lac janih pandap darak, pandap Trung Quốc, rilo hóa chất biak jhak; dua tra lac janih di dom  công ty, hu angan je di Hàn Quốc, Nhật Bản....

Sambo màu dak mbak lac jru dak jhak, ngak khut mbuk. Tuk vak njaom mbuk bhian meng 45 minit tal 1 tuk, hadei di nan xả meng aia chip. Njauk nao tal dom thợ thau rilo piah hu tacei pato, piah thau mbuk khang siam atau lamin klaoh, hu khut mbuk halei oh, sambo màu halei lagaih haong sambo kalik. Njauk nao tal dom tiệm ngak mbuk prong, hu ilamu glaong, hu angan je saong thau rilo ka jru njaom mbuk, jalan njaom, pandar janih jru siam piah takik khut mbuk. Nan oh ka ndom tal bruk oh thau jalan brei ka chất oxi tame hóa chất, oh thau jalan srau sambo màu, ye màu mbuk nyu tagok oh yau hatai caong khin, oh thau cambaih mbuk nyu khang atau lamin, pandar janih hóa chất lap jien mbuan ba tal dị ứng, pandung kalik akaok.

Bác sĩ Võ Thị Bạch Sương (chuyên khoa da liễu, Sang ruak Đại học Y dược TP.HCM) brei thau: bruk blei jru njaom mbuk mai sang njaom eng nyu abih takik tukvak jang saong abih takik jien ndo jang. Min meyah blei njuak jru oh siamnyu ngak ka mbuk oh siam oh tagok sambo  yau hatai caong bo daok ngak jak tal kalik akaok.

Dalam jru njaom mbuk hu biak rilo chất hóa học, chất khik ka sambo oh par nan ye mbuan ba tal dom tác dụng phụ yau dị ứng, katal kalik akaok, tamuh mul, ndaih baoh aia, viêm nang balau, viêm nang mbuk, tagok sắc tố sambo màu kalik, tablok kalik. Gaok tuk mai caik suai lavik mbuan ba tal ung thư. Nan oh ka ndom tal jru nyaom mbuk mbuan ba tal viêm kalik dị ứng, viêm kalik kích ứng.

Bác sĩ Võ Thị Bạch Sương kakei lac: Tuk  njaom mbuk eng, njauk duah blei dom janih jru hu blei adat brei pablei, pandar njauk tui tacei pato angaok bao bì. Njauk pandar iek dahlau, khik veik jru njaom angaok mbuk tui njauk tuk vak quy định. Ngak iek dahlau saong oh pandar meyah kalik mbuk nyu dị ứng atau daok tổn thương... Tuk hu dom triệu chứng angaok nan njauk nao tal bác sĩ da liễu chip piah hu chẩn đoán saong điều trị dak samar drah dak siam./.

 Urang lang: Jasi-9/1