Tui dom urang ilamu gah y tế, ieu lac jru ye oh lac jru prang atau jru phun glai jeng meda hu dom bruk oh yau hatai caong khin, meda ba tal jru mek mngak metai manuac. Abih di nyu, pandar jru phun glai gaok mai mbuan hu rilo kan kandah jang jru prang kayua dalam jru phun glai oh lac hu dom jru drei pandar jru ruak bo daok hu rilo asar karei. Mbluak jang nan, dalam jru phun glai hu biak rilo asar jru, kan thau urang ruak njauk dị ứng saong asar halei nan ye bruk jru ruak biak kan jang.

Bác sĩ Hoàng Khánh Toàn, dahlau diah ngak Chủ nhiệm Khoa Y học cổ truyền, Sang iek ruak Trung ương Quân đội 108, jru phun glai ba tal jru mek kayua rilo bruk karei di gauk. Dalam nan, urang ruak njuak dị ứng sa atau rilo asar dalam jru kayua meng rup pabhap. Bruk nan rah tabiak dreih yau gauk ngan saong jru prang, min jru phun glai bhian hu rilo asar yau nan ye kan thau cambaih laic. Urang ruak pandar rilo jru tui hatai atau kayua gru jru brei pandar janih jru meng phun glai bo dalam nan hu sa atau rilo asar jru mek. Kayua asar jru oh siam kayua labik pala, buh rilo asar jru mek, khik piah oh siam, ngak tabiak jru oh njuak jalan atau njom anek ruak, abih di nyu lac dom janih bimao…mbuan ba tal dị ứng. Langiu di nan, urang ruak pandar rilo janih jru sa mbang haong gauk, jru prang gam saong jru phun glai ba tal hlai gauk jeng asar jru mek.

Nan ye, piah pacang caga dom ruak trak kayau pandar jru phun glai, urang ruak brei ngak tui tacei pato di gru jru, juai pandar jru phun glai tuk oh hu tacei brei pandar, oh patagok jru pandar saong dui atah harei pandar. Tuk pandar, meyah mboh ruak karei ye brei  padeih pandar jru chip saong khan brei gru jru thau piah samar langyah.

Gru jru njauk brei tani tanat dalam bruk vak angan dom jru brei pandar hu asar jru mek, tacei pato urang ruak cambaic laic pandar jru, oh pandar jru phun glai gam jru prang, brei pasang iek asar jru tani tanat dahlau di tuk vak angan jru brei ka urang ruak menyum.

Jru phun glai atau jru prang piah jru ruak oh njauk khin menyum ye menyum. Bruk pandar jru brei gap mbiah saong tui tacei patao di gru jru. Urang ruak meyah pandar jru đông y njauk blei di dom labik iek ruak di dom gru jru hu harak adat ngak bruk piah plaik njiak bruk blei, pandar jru sraw meluk dom jru mek, jru pakauk ba tal ruak trak tuk pandar./.

Urang lang: Ai Nghiem - 22/4/2021