Tui takai urang jakar prong thun di xã Xuân Hải, huyện Ninh Hải, tỉnh Ninh Thuận, khol hulin nao aom gaok ong Đạo Thanh Bổ lac urang dang akaok dhar Kapul urang taha bangsa Chăm palei  An Nhơn, xã Xuân Hải. Ong Bổ thun ni labaih 70 thun min daok hadah krak dalam bruk ngak. Ong Bổ brei thau, dhar kapul urang prong thun palei An Nhơn hu 161 urang, jalan ngak di dhar kapul nan lac abih hatung hatai, trách nhiệm song iek praong kỷ luật. Piah ka dom bruk ngak hu siam, urang taha njauk ba akaok nao dahlau dalam yaok bruk ngak. Meng jalan ngak bruk song duik rai cambaih laih yau nan bo rilo thun tapa, dhar kapul urang taha palei An Nhơn hu tong yaom lac dhar kapul khang kajap dalam rilo thun gam. Dom bruk ngak hu di dhar kapul dalam tukvak tapa nan lac: padang sa kalup kapul urang prong thun palei An Nhơn piah dong ka dom urang taha hu labik taom gaok,  labik me-in, pasram dưỡng sinh…. paglong akaok sahaneng ka urang hội, jak ba urang prong thun, bhap bini, dom urang ngak pahla brei taneh, dong 100 triệu đồng padang sang bac,, peih prong jalan palei, hu mbaok tame bruk patruh iek patrun kathaot tapa dom bruk ngak yau: KT trang trại, bein jru nam. Ong Nguyễn Văn Khỏe,  Akaok Kapul urang prong thun  xã Xuân Hải, huyện Ninh Hải, tỉnh Ninh Thuận brei thau:

          “4 dhar kapul urang taha bangsa Cham njauk ndom lac abih hatung hatai ka bruk ngak nan ye bruk karja, bruk kapul nyaom urang ngak siam taong abih. Pagap yau jak ba mik va hu mbaok tame patruh eik patrun kathaot ye urang halan hatain, yaom lac praong thun, min urang ngak bruk biak siam, dom sang nan rilo meng hu trang trại pabe, pabo,limo atau bein jru nam”. 

Ông Đạo Thanh Bổ - akaok dhar kapul urang taha praong thun palei  An Nhơn, xã Xuân Hải khan lac 

Băng tiếng Chăm :

Likau drei ong Đạo Thanh Bổ, khol hulin nao tal palei Văn Lâm 3, xã Phước Nam, huyện Thuận Nam. Tuk tangi sua angan ong Báo Văn Trò ye  rilo urang jeng thau tal ong lac sa urang dang akaok dhar kapul abih hatung hatai ka bruk puk paga. Hu mbaok tame bruk di kapul urang umo taha meng thun 2009, ong tuk halei jeng ba akaok nao dahlau dalam yaok bruk kayua Kapul urang prong thun xã, huyện, tỉnh jao brei. Langiu di nan, ong dok hu tacei ka dom urang hội di drei ngak siam bruk rik jien hội phí hu labaih   106 triệu đồng piah daong ka urang hội  praong thun hu rai duik kan kandah, atau peih bruk nao rivang, brei pandap ka dom urang hội tuk ruak kik, peih dom bruk me-in sambai dalam dom harei lễ, tết… meng nan dui pachreih urang hội dak harei dak rilo. Yaok thun dhar kapul di ong hu 4 tal 5 urang hội mek hu angan umo prong camin hadah, ong muk hadah krah dom pakat.

          Lingiu di bruk iek glang siam ka urang hội, ong Trò daok pambuak bruk song urang hội dalam dhar kapul hu mbaok tame bruk di puk palei yau: pataom hareik harom, khik caga hacih hacih  puk palei, pachreih urang hội brei taneh peih prong 1200m jalan palei, pato pakai anek taco, dam dara jhui ngak suan adat hukum, jhui peih radeih samar jang tốc độ…., rik dong ka bruk tong abih bhap bini jum pataom gauk dak padang rai duik ilamu di labik dok. Ong Báo Văn Trò brei thau 

Băng tiếng Chăm

Rai duik urang Cham harei ni hu salih bahrau, langiu di bruk dong ngak di Đảng song karja dok hu bruk rik dong abih hatai biak njauk pok meyaom di urang umo taha bangsa Cham yau ong Báo Văn Trò song ong Đạo Thanh Bổ. Ni lac dom kreih camin hadah di Kapul urang prong thun tỉnh Ninh Thuận./.  .