Baok baha sit Linh Quang daok gah dalam baoh ceik, jaik tabhia danao Am Chúa, huyện Diên Khánh, tỉnh Khánh Hoà dalam dom harei puac thun hu rilo phật tử tame tabiak. Dom urang nan mai likau drei Đại đức Thích Giác Văn, daok caga tabiak pulao Phan Vinh, quần đảo Trường Sa ngak Phật sự. Tết ini, Đại đức Thích Giác Văn yam tame umo 50 thun, khik hatai thanh tịnh dahlau harei tabiak pulao. Puac thun 2017, tuk Giáo hội Phật giáo Việt Nam tỉnh Khánh Hòa ieu dom chư tăng halan hatian tabiak quần đảo Trường Sa ye Đại đức Thích Giác Văn halan hatian tabiak pulao tu hành: Tabiak Trường Sa bloh nan ye drei thau hu hatai caong khin di mikva. Ba Phật pháp tabiak ka dom urang nan hu hatai bình an .)

-Thượng tọa Thích Bổn Chủng, Trụ trì baha Linh Quang brei thau, baok baha ini hu meng yaok ratuh thun dahlau, tuk mesruh metak gaok bom đạn khut tayah barau hu ramik pasiam veik dom thun ini. Thượng tọa hu  hatai caong tabiak Trường Sa kuhria Phật sự min oh ka hu nao. Urak ini hu đệ tử lac Đại đức Thích Giác Văn tabiak tu lingiu nan, Thượng tọa Thích Bổn Chủng biak chreih chrei: Hu thầy Giác Văn tabiak nan kol dahlak biak uan tabuan. Kayua kol dahlak ini lac dom urang khik kajap hatai jai jeng mai meng bruk khang hatai jai di dom libik tasik pulao. Hu yau nan kol dahlak meng sahanang hatai piah tu học. Urang Việt Nam kol drei thei jeng sahaneng ka taneh ia, palei negar.

-Rilo ong bhik halan hatian tabiak Trường Sa pataom gauk, khik jalan peih tabiak Phật pháp di baok pulao ini. Baha di dom pulao jeng hu ramik pasiam. Angaok quần đảo Trường Sa urak ini hu 10 Đại đức, dalam nan hu dom trụ trì hu daok di pulao meng 2 thun tagok. Hòa thượng Thích Thiện Phước, Chánh Thư ký, akaok mban Thông tin – Truyền thông Ban Trị sự Giáo hội Phật giáo Việt Nam tỉnh Khánh Hòa brei thau, dom ong bhik halan hatian daok veik jeng brei mboh hatai caong ngak dom bruk hu kein laba ka menuac sia, ka dunya: Dom ong nan halan hatian likau daok veik lac biak siam. Hatung hatai dom ông nan brei ka taneh ia, brei ka urang lin saong bhapbini di pulao. Njauk lac, lingiu nan kurang rilo janih, dom ong nan abih hatung hatian meng daok veik hu lavik yau nan).

-Di libik akaok riyak jhung angin, sap tụng kinh gõ mõ di dom ong bhik yava tagok dalam melam jeng libik pambak tâm linh ka urang lin saong bhapbini angaok quần đảo Trường Sa di negar./.