# Pandap hana meng menyek:      

         Juai mboh lapa tian bo samar nduac nao tal dom cửa hàng pablei pandap mbang ngak blaoh. Dom janih pandap mbang nan rilo menyek suai ralai jang dut saong protein saong carbohydrate, kayua yau nan bo tiannjauk ngak bruk biak glaih tuk drei daok khin ndih.

          #Pandap hăng:

          Hu rilo makna piah plaih mbang pandap hang. Pagap yau, nyu meda ngak pachreih dạ dày saong ba tal ợ pandiak, ngak ka drei kan ndih jang, tui blah mbao RD. Bruk nan jeng palagaih ka dom histamin tame rup pabap, bo histamin nyu ngak brei medeih.

# Caphe:

Bruk ini thei jeng thau, min bruk njauk biai nan lac drei takik menyum caphe dahlau di tuk nao ndih. Dom chuyên gia kakei lac, ngan saong caffeine, juai menyum hadei di tuk biar harei laik sup.  

# Chocolate:

Chocolate lac sa pandap hu caffeine karei langiu caphe. Sa ounce (28g) chocolate hu labaih 23 milligram caffeinne, sumu ¼ caffein di sa cavan caphe.

#Alak:

Puac harei menyum 1 tal 2 ly alak vang bhong meda ngak ka drei mboh khin ndih, min ndih oh bingi. Biak mai, tuk caik akok di patan blaoh, gan di drei jeng daok ngak bruk piah jhul alak tabiak truh rup pabap. Tui dom chuyen gia, gan saong tim hu pambuak saong gauk, saong tim nduac samar ayut mbuan medeih saong kan ndih hu veik./.