Ong Mùa A Sùng dok di xã Trạm Tấu, huyện Trạm Tấu, tỉnh Yên Bái, hu labaih 15 thun ngak taha palei, akaok puk. Ong Mùa A Sùng brei thau:  

Yaok mbang nao Hội nghị taom gaok taha palei, akaok puk, urang hu angan je, mboh bui sambai chreih chrai lo. Mai sang, lin pathau khan ka anek taco dalam sang song mik va dalam palei pan njauk tui sarak di Đảng hukum di karja, jak ba mik va patagok KT, patagok bruk ngak mbang, patruh eik patrun kathaot.

Hát Lừu lac sa dalam dom xã biak kan kandah di huyện Trạm Tấu, ngan song labaih 99%, lac bhap bini bangsa takik. Dahlau deih, bruk di cư tự do, likhah caga oh njauk umo, dom adat cambat klak oh siam dok rah tabiak. Ong Lò Văn Sùm hu pambuak bruk song gah công an nao tal yaok boh sang dalam palei piah pathau khan, jak ba, paglong akaok sahaneng pan njauk hukum di bhap bini.

Ong Lò Văn Sùm brei thau: “Lac urang taha hu angan je dalam palei, hulin hu pambuak bruk song gah công an xã song dom gah, dom kapul nyaom pathau khan jak ba bhap bini pan njauk tui hukum yau oh pablei salih ma túy, oh khik piah pandap patuh khuak, khik iek glai, pathau khan ka mik va pacang me-om val ro menuk ada , athur rong.

Saai Lò Văn Sam daok di palei Hát 1, xã Hát Lừu brei thau, dahlau deih saai oh thau dom adat hukum di karja, urak ni hu taha palei tacei pato, saai thau hu rilo paka, meng nan halan hatain mbaoh tangin tame sinya ngak siam tui dom quy định di karja song di puk palei: “ Mbaoh tangin tame sinya bloh, sang oh khik piah phao ndao, pandap patuh, tacei pato anek taco dalam sang oh ngak suan hukum, patagok KT boh sang. Sa dalam dom rik dong prong abih di dom urang taha palei, akaok puk, urang hu angan je di bhum glong Yên Bái lac samar thau bruk an ninh trật tự di puk palei , langyah tapak dom bruk di puk palei, daong ka gah công an rilo jalan ngak gheih, siam lagaih dalam bruk “ Tong abih bhap bini khik caga an ninh palei negar”

Tỉnh Yên Bái urak ni hu jiak 1.200 taha palei, akaok puk song urang hu angan je dalam bhum urang bangsa takik. Dom thun tapa, dom urang nan hu ngak siam bruk ba akaok nao dahlau, ba dom sarak di Đảng hukum di karja tal mik va urang bangsa takik, lac pasak jum pataom, jak ba bhap bini kham merat patagok KT, patruh eik patrun kathaot, dak padang rai duik ilamu bahrau.

Ông Nguyễn Khắc Long, Phó trưởng ban Ban Dân tộc tỉnh Yên Bái, cho biết:  “Chúng tôi đã có kế hoạch là hàng năm thường xuyên cung cấp thông tin cho đội ngũ này, tạo điều kiện để họ đi tham quan, học hỏi các mô hình phát triển kinh tế trong và ngoài tỉnh để họ có cơ sở cung cấp thông tin cho đồng bào. Việc thứ hai là thực hiện đầy đủ các chính sách đối với đội ngũ này.”

Ong Nguyễn Khắc Long, Phó akaok mban bangsa tỉnh Yên Bái brei thau: “ Khol hulin hu jalan ngak lac yaok thun pabak khau tin ka dom urang ni, ba urang nao rivang iek, bac megru dom bruk patagok KT dalam song langiu tỉnh piah rang thau jalan khan veik ka bhap bini. Bruk ka 2 lac ngak ginup dom sarak ka dom urang ni.

Yua “ phun taha prong” di puk palei, dom urang taha palei, akaok puk, urang hu angan je di Yên Bái njauk lac urang ba akaok nao dahlau. Dom urang nan dok rik dong biak prong dalam bruk dak padang puk paga, palei negar dak harei trei si, haniem phol./.

Đinh Tuấn