Tabiak meng bhum 3 Hải Quân, gilai 390 hadei di 12 tuk nao tapa riyak glaong meng 2 tal 3m, ba khol dahlak tal pulao Lý Sơn, tỉnh Quảng Ngãi.. Biak patuah, kol dahlak hu taom gaok  dom bác sĩ, y tá  daok ngak bruk di Balai y tế quân dân y. Sa-ai Nguyen Thị Hoài, daok di pulao Lý Sơn lac:

" Meyah oh hu Pasak y tế ini, dom urang njauk rambuac brei ba tame baoh taneh ye biak kan kandah. Pasak ini daong iek ruak ka rilo urang nao tasik gaok bala di tasik, hadei di nan ba tame baoh taneh. Dahlak mboh nan biak siam."

Đại úy, Bác sỹ Nguyễn Bằng Lực, hu tabiak pulao ngak bruk labaih 1 thun ini mai. Lac urang iek ruak naih joi, sa-ai hu cấp cứu iek ruak ka rilo urang nao tasik gaok bala. Đại úy Nguyễn Bằng Lực caong khin ngak hu rilo bruk jang daong khik caga quyền ngak pô tasik di negar drei. Ngan saong sa-ai, bruk ngak dak kan kandah, drei brei kham merat rilo jang piah ngak siam bruk di drei. Nan lac jalan diukrai njauk pasram gam gam di sa urang lin quân y:

" Bilan hangin, tasik riyak khang, gilai kapal nao mai kan kandah, hu dom bruk njauk langyah gah ngoại khoa ye khol dahlak  brei blac riah ka njauk. Brei hu bac si blac raih, bac sĩ gây mê. Min, pandap panda jamriah iek ruak daok kurang rilo."

Trung úy, y tá Nguyễn Công khan lac, hadei di 5 thun ngak bruk di Pasak y tế quân dân y, sa-ai mboh biak anit pulao Lý Sơn. Hatung hatian tapak tapaiy di bhap bini angaok pulao ngak ka sa-ai khin daok veik suai livik di bhum taneh ini. Yaom lac angaok pulao daok rilo kan kandah, min urang lin palei daok di Hà Tĩnh ini tuk halei jeng mboh hadah mbaok meta kayua drei hu rik hasit prein yawa, gam saong pulao cakrok patagok kinh tế -xa hoi, khik kajap an ninh- quốc phòng saong daong cưu hộ, cứu nạn hu siam mekre. Pasak y tế quân dân y di pulao Lý Sơn urak ini daok taik tahak. Bruk iek glang pren yava ka labih 22.000 sang saong yaok rituk urang lin gaok biak rilo kan kandah, abih di nyu nan lac tuk tasik hu riyak khang. Yaok ca cấp cứu njauk pajeng meng gilai, abih rilo jien, meng 20 tal 30 trieu dong. Trung úy, y tá Nguyễn Công brei thau: Khol dahlak daok atah baoh taneh, langik tasik biak kan kandah. Sa thun 12 bilan  ye hu tal 4,5 bilan tasik riyak khang. Tuk urang lin atau bhap bini di  pulao ruak njauk cấp cứu ye biak kan kandah, glaih glar. Kayua pandap iek ruak klak, urang y bac si takik ngak bruk iek ruak kan kandah yau nan ye biak glaih glar tuk pajeng ba tame bhum taneh.

Đại tá Huỳnh Trọng Thủy, Phó Chính ủy Bộ Tư lệnh Bhum 3 Hải Quân brei thau: Urak ini pulao Lý Sơn daok jhul pakhang bruk cak rok patagok du lich. Meng di akaok thun birau, pulao hu raok labaih 2.000 tuia dulich, sumu tuia mai dalam thun 2017. Kayua yau nan ye, Pasak y te quan y di pulao njauk hu buh jien tame, piah blaic raih sit hu, pabak bruk iek ruak ka mikva saong urang jakar, urang lin di pulao jeng yau tuai mai rivang, abih di nyu lac bilan tasik riyak khang, langik jhak. Nan jeng lac bruk ngak daong patrun patakik kan kandah ka bhap bini, piah urang jakar, urang lin sahanang hatai ngak bruk di kaoh pulao. Meng bruk ngak di drei, đơn vị brei parilo menuac ngak, pandap panda piah iek ruak dalm tuk yau urak ini.

Dalam thun 2018, Pasak y te quan dân y Lý Sơn meda hu pabak brei rilo pandap panda jamriak y te saong pabak ilamu iek ruak ka dom urang jakar, y tế di  pulao. Meng dom kham merat di urang jakar, urang lin, anak tal, bhap bini daok di pulao Lý Sơn meda hu iek ruajk siam jang. Nan jeng lac bruk caong khin di dom urang daok ngak bruk di labik akok riyak, jhung ngin ini./.