anek saik pacang khau trang 

Di ban raya HCM, Sở Pato Megru tacei brei ngak tui Bộ tiêu chí taong yaom siam mekre salamat dalam pacang caga jit Covid-19 di dom sang bac. Dom labik pato pakai brei pasang iek, taong yaom ka nyu njaukk, pathau khan tagok Sở atau  Phòng pato megru quận, huyện saong jabat y tế pak nan piah patrun, patakik bruk njom mbak, khik siam mekre salamat ka anek saih.

Di sang bac THCS Huỳnh Tấn Phát (Quận 7), brei padeih căn-tin saong oh brei bac bán trú piah plaih pataom rilo menuac. Min tui gru Nguyễn Đức Dũng, Akaok sang bac THCS Huỳnh Tấn Phát, bruk brei daok atah di gauk ini daok hu rilo kan kandah njauk pasiam veik:

"Bruk kan kandah lac gah amaik ame di anek saih dalam bruk ba saong raok anek di drei, caga var huak jala pandiak ka anek. Daok gah sang bac gaok kan kandah di labik bayar jien pato lingiu tuk ka gru pato, prein yava di gru pato oh siam meyah pato lavik saong oh hu vaktu piah pasram pabak ilamu ka dom adei".

Dreih yau nan, sang bac THPT Lê Quý Đôn (Quận 3) dahlau di nan hu peih bruk pruh jru pametai anek ruak dom duk bilik bac, hu ia jru rao tangin dalam yaok tal bac, caga pandap dut iek pandiak rup pabhap saong jamriak khai báo y tế. Lingiu di bruk brei thau tapa dom tờ rơi, pano, áp phích ka Covid-19, sang bac daok hu ngak dom kadha chiếu brei ka anek saih maong iek saong thau jalan pacang caga jit hu siam mekre.

Di Bình Phước, rilo sang bac hu caga ginup pandap pacang caga jit ka anek saih yau jamriak duk pandiak rup pabhap, ia jru rao tangin... Dalam tuk nan, di Bình Thuận, gah pato megru tỉnh hu tacei dom sang bac puh ramik haci hacih duk bilik bac, labik ngak bruk, pandap pato bac… ngak yau nan dalam luac tukvak bac da-a.

Daok di tỉnh Bà Rịa – Vũng Tàu, taong abih anek saih dom tal bac hu mai bac veik hadei di tukvak padeih suai lavik piah pacang jit, ta-eng uraniah mầm non daok brei padeih mbiah tal tuk hu pathau khan bahrau. Anak meta, Bà Rịa – Vũng Tàu oh peih bruk bac bán trú, daok sang bac chuyên hu dom tal bac nội trú, gah pato megru hu jalan tacei pato dom sang bac piah khik hu siam mekre salamat. Ong Nguyễn Văn Ba, Phaok Yam ndok Sở Pato Megru tỉnh Bà Rịa – Vũng Tàu daok brei thau lac:

"Dalam vaktu ini, dom sang bac oh peih bruk pataom gauk me-in rilo menuac. Anek saih padang glaih kreh var bac oh brei tabiak me-in lingiu mblang bac.

Sa-ai Nguyễn Công Danh, hu anek bac tal 6, sang bac THCS Trần Bình Trọng, tỉnh Bình Dương brei thau, bruk kuhria caga tani tanat di gah Pato Megru saong di yaok sang bac hu ngak ka dom amaik ame di anek saih sahanang hatai brei anek di drei nao bac veik

"Bruk tacei pato ka anek bhik yau ye dalam katap brei hu ia jru rao tangin, hu khan pacang mbaok ka anek saong tacei pato anek ngak njauk tui adat di sang bac. Meng bruk tacei pato di amaik ame, dahlak sahneng lac dom anek saih meda ngak siam bruk pacang jit ka rup drei"

Dalam tuk jit ruak jeng daok rah tabiak, tuk ini oh njauk lac ta-eng gah pato megru, gah y tế… bo taong abih dom cei gru, ani gru, taong abih amaik ame di anek saih njauk tacei pato anek bhik di drei bhian randap haong bruk pacang jit, piah ka sang bac hu jeng labik siam mekre, salamat./. 

Urang lang: Mousaphuong -10/5