Pathau mikva saong taong abih gauk! Peih ngak Chỉ thị 05–CT/TW harei 15/5/2016 di Bộ Chính trị ka bruk “Jhul khang bruk bac megru saong ngak tui jalan hadah krah siam mekre di Hồ Chí Minh”, dom tỉnh, bal gah meraong hu ba tabiak ralo jalan ngak pagam haong peih ngak Sarakt Nyaom roya Đảng, njauk haongbruk di puk palei.

      Tui taong yaom di Jabat thường trực Ban Tuyên giáo Trung ương daok pak Bal raya Hồ Chí Minh, bruk bac megru, peih ngak, quán triệt Chỉ thị 05 hu dom  tỉnh, bal gah meraong sangka pal akaok, tacei jalanpeih ngak catang, njauk tui tukvak, chất lượng ba tabiak. Ralo tỉnh, ban hu palih ruah dom kadha praong, nổi cộm, bức xúc, peih bruk ndom biai nao mai haong bhap bani piah pataom tame pal akaok, tacei pato langyah, jeng yau xác định asal kadha đột phát. Ralo mô hình siam, jalan ngak kein laba hu peih ngak, pambak prong. Pagap yau klup kapul “Kayua harei hadei ka uranaih” di bal sit Cần Giuộc, huyện Cần Giuộc, tỉnh Long An. Piah samar pacang cakak bruk anek saih klaak bac, nao bal glai bal klo, ma-in game, klup kapul pambuak haong Kapul pachreih bac nao tal yaok baoh sang hu anek saih klaak bac piah daong brei tapuk siphau saong jien bac; pambuak haong dom sang bac pasang iek veik  duah mboh dom anek nghiện game, hadei di nan nao tal dom quán net dalam ban sit piah thuyết phục dom adei nao bac veik. Yaok melam klup kapul peih bruk tacei pato, kèm cặp ilamo saong alin brei pandap piah pachreih dom adei. Meng jalan ngak “hajan suai njaom lavik” nan, hadei di 5 thun, klup kapul hu tacei pato ka jaik 250 adei hu nghiện game mai veik sang bac, anek saih ngak suan adat hukum saong padeih bac trun ralo, ralo adei pakacah hu tame dom sang bac đại học, cao đẳng… Sa-ai Lê Phát Phước, Akaok klup kapul “Kayuai harei hadei ka uranaih” lac: khaol dahlak bhian pasang iek veik bruk pato pakai di kalup kapal ka yaok adei  piah tapa nan khan brei ka amaik ame di dom adei thau piah khik iek ka nyu siam jang. Tapa tukvak khik iek pato pakai tacei ba dom adei jeng mboh hu siam. 

      Pak bal raya Hồ Chí Minh, kadha praong di bruk peih ngak Chỉ thị lac bruk jak ba, dak padang jalan duh ka bhap bini di urang jakar, langyah samar drah dom bức xúc di bhap bani, thau dom bruk njauk ngak yau ye bruk an ninh trật tự, langyah bruk gar radaih, pacang ia dauk, vệ sinh an toàn pandap mbang menyum, salih bahrau hành chính, patrun ô nhiễm môi trường… piah langyah, ngak ka pasiam. Amuk Võ Thị Dung, Phó Bí thư Thành ủy bal raya Hồ Chí Minh  lac: Chỉ thị 05 ngan haong đảng atau bhap bani ye thei jeng njauk hatai. Bhap bani caong khin urang jakar urang đảng njauk bac megru tui Wa meng hatung hatian di drei. Dahlak caong khin Trung ương hu ralo salih karei meng bruk ngak cambaih laih di dom urang dang akaok piah daong palaghaih  ka puk palei hu salih bahrau.

       Dom puk palei thau lac: peih ngak Chỉ thị 05 njauk brei siam lagaih, kein laba, plaih hình thức; pambuak bruk peih ngak Chỉ thị 05 haong dom kadha di puk palei. Tỉnh Bình Thuận hu tui kajap Chỉ thị 05 peih bruk bac megru thau cambaih; dom pakat ủy, jabat, đơn vị  dak padang danak dak bruk ngak. Bruk peih ngak Chỉ thị 05 tuk halei jeng hu pambuak haong Nghị quyết Trung ương 4, langyah dom kadha bức xúc di bhap bani. Tỉnh thau lac 3 bruk njauk ngak chip nan lacramik veik tác phong ngak bruk, ndom takik ngak ralo, nyaom biai gap, chất lượng patagok. Paglaong chất lượng phê bình saong tự phê bình jeng yau daok jaik bhap bani, langyah dom bruk suh sah di bhap bani. Urang jakar ngak siam kadha oh menyum alak, bia dalam harei ngak bruk, oh vi phạm giao thông. Ong Huỳnh Thanh Cảnh, Phaok Bí thư Thường trực Tỉnh ủy Bình Thuận lac: khaol drei peih ngak Chỉ thị 05 piah dak padang Đảng hacih sa-at khang kajap oh lac padeih pak nan bo njauk ngak habar pal akaok piah bruk ngak mbang pala drak cak rok patagok, rai diuk salih bahrau ye bhap bani meng jia. Yau nan oh neh rabha Chỉ thị 05 haong dom sarak karei, abih di nyu lac dak padang đảng ngan haong dom danak patagok kinh tế xã hội saong langyah dom bức xúc di bhap bani. 

     Pak nyaom biai giao ban peih ngak Chỉ thị 05 bhum gah Meraong rah tabiak pak Long An bahrau ini, ong Mai Văn Ninh, Phaok akaok ban thường trực Ban Tuyên giáo Trung ương taong yaom bruk peih ngak Chỉ thị 05 hu dom tỉnh, bal ngak siam, asal kadha njauk haong bruk di anak meta, hu palih ruah dom khâu đột phá, ba tabiak jalan langyah dom kadha praong, ralo puk palei ngak hu siam, biak siam, hatai jia di bhap bani hu patagok. Njauk paglaong labik dang di urang pan akaok, mong tapak tame dom khuyết điểm piah pasiam veik. Ong Mai Văn Ninh lac: Bac megru Wa hu ralo kadha piah ngak, njauk thau pilih ruah kadha hagait piah ngak, saong tuk palih ruah blaoh ye drei kham merat ngak ka bahu, juai hava palih ruah dom kadha prong ralo bo ngak oh hu. Jalan ngak puac di abih nan lac jhul kadhul likuk suy thoái gah tư tưởng, đạo đức, jalan diuk rai saong jhul patagok bruk chính trị di puk palei tagok)

     Bruk peih ngak Chỉ thị 05 hu ngak brei salih bahrau bruk ba akaok nao dahlau di urang jakar, urang đảng, jalan ndom puac daok dang di urang jakar duh ka bhap bani, daong ngak brei patagok bruk gul pataom, yasa dalam Đảng, patagok hatai jia di bhap bani ngan haong Đảng, haong Karja./.