Di bhum tenerran krong CL dak harei dak glut jaleih trak 

UB bhap bini Ban raya HCM kakei cử tri khan ka y tế dalam 24 mon  dahlau di tuk nao tal labik palih ruah. Dom labik palih ruah brei peih ngak ka siam bruk nan, cambiac laic ba-ar brei thau gah y tế saong caga mã QR Code piah brei thau y tế samar jang, takik gar tavak rilo manuac. Tui bruk ba tabiak di Ub palih ruah Ban raya HCM, dahlau di tuk buh phieu, cử tri brei thau y tế saong brei atah di gauk labaih 2m piah tame buh phieu, nao tui sa gah. Cử tri tuk nao buh phieu brei cuk pataih pacang pabah, oh pataom gauk. Bruk brei thau y te hu pasang iek di labik pabah mbang tame tabiak di labik buh phieu.

Ủy ban pilih ruah ban Vũng Tàu, tỉnh Bà Rịa – Vũng Tàu bahrau brei  klaak angan 1 ứng cử viên Hội đồng bhap bini phường 3 ngan haong ong Phan Văn Thông, Giám đốc công ty TNHH khaki ramik saong pablei salih taneh riya T.L kayua oh khan tapak bruk di rup drei. Ong Thong bhian njauk 20 thun guk ka duas “pachot meblah mek drap ar” saong “ba hối lộ”, daok guk blaoh, min oh khan brei thau dalam harak ứng cử. Bruk nan hu cu tri mboh hadei di tuk UBND phường 3, TP Vũng Tàu tauk angan dom urang ứng cử .

Dom tỉnh ban dalam bhum taneran kraong Cuu Long likau Rajaei brei daong 8.143 tỷ đồng piah ngak ar pacang di 76 labik glut jaleih trak atah abih tih 140 km. Cà Mau lac tỉnh glut jleih trak abih. 10 thun tapa, riyak tasik ba theik labaih 1.000 ha taneh, glai phun pacang di tỉnh ini. Daok ar tasik Đông atah 150 km, dalam nan hu 40 km glut jaleih di dom huyen Năm Căn, Ngọc Hiển, Đầm Dơi, tỉnh Cà Mau, yaok thun lih tame dalam  taneh meng 30 tal 40 m. Di An Giang, hu 53 labik mbuan glut jaleih ngan saong atah abih tih 170km, mbuan ngak kan kandah ka labaih 20.000 baoh sang bhap bini.

Jabat Cảnh sát pasang iek Công an tỉnh Bình Thuận daok ngak cambaih asal di labaih 12 ribau lít xăng manyek oh hu harak gar di 1 doanh nghiệp di dalam ban sit Tân Nghĩa, huyện Hàm Tân, kayua ong Nguyễn Huy Đạt (umo 50 thun) daok di phường Linh Trung, ban Thủ Đức, TPHCM ngak po. Urak ni abih tih dom xăng, manyek nan hu niêm phong saong payua mau nao pasang iek. Jabat jakar daok peih praong bruk pasang iek.

C.A tỉnh Long An birau ngak salah blaoh bruk dut iek di labik gaok bala, dut iek urang likei njauk asau kaik metai. Bruk nan rah tabiak di hare i kabroi 21/5, tuk sa-ai Hồ Thanh Hải umo 37 thun, daok di xã Mỹ Bình, huyện Tân Trụ ba tui asau Pitbull ytrak 60 kilo tame kuan café jaik sang. Di labik ini, asau nyu sadau tame kaik ayut sahabat di sa-ai Hải. Po nyu tame paklah min asau kaik gam po rilo labik. Gah chức năng daok ngak bruk saong sang raong asau piah langyah tui hukum karja.

Israel saong Hamas harei 21/5 mbaoh tangin tame sanya padeih cuh, padeih 11 harei mesuh metak gauk bia khang ngak ka 230 urang Palestine haong 12 urang di Israel metai, yaok rituh urang njauk rambuac, yaok ribau urang di Dải Gaza lahik sang danaok. Dua gah gam tabaik panuac lac drei jayah, yaom lac harak adat brei padeih cuh ni hu ngak ka dom bruk di labik ni mai gilac yau dahlau di tuk ka oh hu bruk mesuh rah tabiak. Israel brei thau brei ka dom pandap tame Dải Gaza meng harei 21/5.

Hãng tin AFP brei thau dom urang padang ngak hukum Nghị viện châu Âu buh phieu brei tapa bruk iew EU pachreih tui bruk klak quyen sở hữu trí tuệ di vaccine, mac jamraih, pandap y te saong jalan taong ruak Covid-19. Bruk ba tabiak di Ấn Độ saong Nam Phi payua tagok Gah pablei salih dunya WTO. Rajaei Tổng thống Mỹ Joe Biden di akok bilan 5 thun 2021 hu brei thau njauk tui bruk nan saong meda ndem biai nao mai dom điều khoản di WTO. Dom taneh ia chau Au daok neh rabha ka bruk sở hữu trí tuệ di vaccine  Covid-19. Dalam tuk dom taneh ia pachreih tui, dom taneh ia krei yau Pháp, Đức lac njauk brei khik ramik bruk ngak hu jak jeng di dom hãng jru.

Rajaei bang California - Mỹ kakei bhap bini oh in ấn, pablei salih atau pandar thẻ brei adat klauk vaccine Covid-19 ja. Tui adat di bang California, abih tih bhap bini jeng hu klauk vaccine caga Covid-19 oh mek jien saong taduan harak adat. Harak ni hu yaom ngan haong bruk diukrai di bhap bini dalam di tuk jit praong ka oh pacing cakak hu abih, kayua yau nan ye drei med aba tabiak harak adat piah tame dom labik ieu kakei njauk hu harak adat hu klauk jru. Langiu di nan, dom negar di Liên minh Châu Âu jeng hu ba tabiak panuac lac brei ka tuai damaui Mỹ hu klauk vaccine caga Covid-19 hu tame negar di bilan pandiak ni./.

Urang lang: Thu Thảo -Ái Nghiêm-22/5