DOM URANG CAM MEKRE VONG CO

*******

        Yaom lac dom urang ngak nong tapak tape, menek tabiak saong praong tagok di sa bhum taneh hu truyen thong ka kadha daoh bangsa, dan vu dac sac di urang Cam, min sang dua adei saai Lưu Quang Kiệt saong Lưu Quang Chanh di  huyện Ninh Phước, tỉnh Ninh Thuận meng hu hatai mekre dac biet saong daoh vong co Nam Bo. Bo mon nghe thuat ini kaka kajap saong dom ong rilo thun tapa, ngan saong sa phong cach mein ragu ragam daoh tan cổ giao duyên biak tài tử, oh karei hagait dom nghệ nhân đờn ca tài tử Nam Bộ. Dalam dom harei pataom mbaok di sang atau harei tet mai xuan tal, adei saai ông Lưu Quang Chanh daok veik saong gauk, urang paik ragu ragam, urang daoh ngak ka harei mbang tet sang mboh jaik taphia, pandao. Dalam tuk lingik di bilan xuan pandao, daa mikva saong grauk yut gam taom gaok saong dua nghe nhan Cam ini piah pang dom urang ini parabha ka hatai mekre vọng cổ, đờn ca tài tử tapa kadha vak di Thúy Linh – urang vak di rayo sap ndom Việt Nam daok di ban raya Hồ Chí Minh :  

Mikva saong grauk yut barau pang trích đạon kadha vọng cổ “ Trúc lam phương tử” di soạn giả Viễn Châu, kayua dua adei saai sa hatian urang Cam Lưu Quang Chanh saong Lưu Quang Kiệt daoh mein .

Xuân ini , Ông Lưu Quang Chanh labaih 80 thun, min jeng daok minh mẫn, hadar yaok nốt nhạc di mbaik ragu ragam kìm saong melam halei jeng yau nan, ông gam saong adei likei drei lac Lưu Quang Kiệt paik đàn daoh, hu var dua 2 ông paik đàn daoh luac melam. Sap đàn, panuac daoh kadha cổ nhạc pambuak pagam gauk ngak ka hatai urang pang mboh biak thư thái . Ông Lưu Quang Chanh brei thau, mbaik  đàn kìm kak kajap haong  ông labaih 60 thun. Ong hu megru mein kadha bản cổ nhạc meng daok sit. Hu paik đàn daoh cổ nhạc, ông tuk halei jeng bui sambai, pren yava khang, pachreih ba anek taco ngak mbang, rik daong dak padang palei negar ginup meda.  Ông Lưu Quang Chanh cambaih : " meng 18 thun hu mekre dan co Biet Nam, mekre saong dahlak jeng bac paik. Gam saong ca tu di nyu, ragam capi ngak ka urang mbuan si mebhuk. Chreih biak chreih yau nan ye dahlak biak mekre"

Hu truyền thống paik đàn daoh vọng cổ di sang, yau nan ye, nghe nhan Lưu Quang Kiệt, adei hatian nghệ nhân Lưu Quang Chanh jeng thau kajap nhịp, phách bài bản saong mein thành thục đàn ghi ta phím lõm. Ông pataom tame mein dalam kalup kapul Đờn ca tài tử di pasak ilimo tỉnh Ninh Thuận. Yaom lac rilo bruk ka hamu taneh, min tuk kalup kapul hu danakdak meda, ông rami ramik bruk hamu taneh pataom tame mein pabak bruk pang maong nghệ thuật di bhapbini dalam tỉnh. Dalam thun barau blaoh,  ông lambaok gam haong 10 nghệ sỹ di kalup kapul ini pataom gaok di Festival đờn ca tài tử pakat negar mbang yaka sa, peih ngak di tỉnh Bạc Liêu. Kadha “ dom kadha caong khin” di ông hu alin harak meyaom di mintri ilimo – padhih saong  du lịch. Bruk meyaom oh lac glaong min ini lac bruk lambaok saong hadah mbaok di ông, kayua dom urang pataom tame, tok hu ông lac urang Cam. Ông Lưu Quang Kiệt ndom : " jeng hu truyen thong sang, dahlau thiah dalam sang urang mein bo ini paje, meng dom saai praong thun. Meng di nan, dom saai jeng hu pato daoh, paik capi hasit saong jeng biak mekre bo mon ini"

Harei nao ngak hamu, melam mai, dua ông Lưu Quang Chanh haong Lưu Quang Kiệt daok haong gauk di mblang trak piah paik đờn daoh cổ nhạc. Jeng yau nan, tuk tết mai xuân tal, dom ragu ragam lamal, uyển chuyển, ngak mebhuk hatai menuac urang di mbaik đàn kìm, di mbaik đàn ghi ta phím lõm gam saong sap  daoh vọng cổ hu pok tagok, ngak ka harei raok tết, bui sambai xuân di sang dom ông saong mikva palei negar jeng pandao, bui sambai./.