Bruk dom urang halan hatian hu mbaok tame brei klauk iek vaccine lac bruk caik veik makna biak praong di gah ilamu dalam negar jeng yau gah y tế dalam bruk mesruh pacang jit Covid-19. Meng akok thun 2021, tuk jit Covid-19 birau tamuh tabiak di dunya, dom urang ilamu Viet Nam hu ba tangin tame roh duah, ngak tabiak vaccine Covid-19. Hadei di dom bilan, vaccine pacang Covid-19 akok meti di Viet Nam ngak, lac Nano Covax hu ba tame klauk iek di manuac hu biak rilo urang halan hatian brei klauk. Dalam adit camereip tuk Học viện Quân y pambuak saong Công ty Nanogen peih bruk palih ruah, hu labaih 200 urang halan hatian brei klauk jru, ralo meng lac dom urang umo dam dara.
Bruk klauk iek angaok menuac vaccine pacang Covid-19 di Viet Nam nyauk tui dom bruk ba tabiak catang di Gah Y tế dunya, Mentri Y tế saong Hội đồng đạo đức piah khik siam mekre salamat glaong abih ka urang hu mbaok tame. Yau nan min, bruk klauk janih vaccine birau halei tame rup pabhap jeng kan hu siam taong abih ka urang hu klauk jru. Kayua yau nan ye, dom urang halan hatian meda lac daok mek prein yava, gaok mai lac bruk metai lahik di drei piah duh ka bruk roh duah ilamu. Meda pagap dom urang nan yau Yuan lac người hùng, abih hatai ka bhap bini, ka prein yawa di bhap bini min oh thei thau kayua tui bruk ba tabiak di karja angan dom urang brei klauk iek nan njauk khik kandauk.
Bruk klauk iek di manuac birau peih tabiak saong anak tal daok rilo kan kandah min bruk ngak iek vaccine Nano Covax hu bhap bini biak caik hatai saong rilo dam dara pachreih tui. Ndom biai haong mbao chí, Trung tướng, GS-TS Đỗ Quyết, Yam ndoc Học viện Quân y brei thau: “ Tui jalan maong iek jit ruak Covid-19 lac kalin khamang, khol dahlak iek bruk ngak iek mbang ini saong dom urang halan hatian hu mbaok dalam sa chiến dịch, sa mbang mesruh praong nan ye brei ngak tani tanat piah mek hu jayak jeng yau khik hu salamat glaong abih ka urang ngak iek”. Urang dang akok Học viện Quân y jeng hu payua panuac dhar phol biak ralo tal dom urang halan hatian brei klauk iek kayua “ urang oh karei hagait urang lin, halan hatian tame mesruh biak kan kandah saong virus SARS-CoV-2”.
Bruk ngak iek hu yau halei daok brei hu tukvak min meng bruk ba drei brei ka bhap bini di dom urang ranaih umo daok halan hatian klauk iek, khol drei jia lac bruk mesruh pacang kol khamang oh mboh di meta lac virus SARS-CoV-2 meda hu jak jeng siam mekre, tapa nan samar hu jru vacccine siam, piah pacang caga hu jit ruak./.
Urang lang: Aí Nghiêm 11/1/2021
Viết bình luận