Taduan hu ilamu meng sang danaok drei, meng umo daok sit, Thập Ariya takre bac akhar huroh Cam, khik ramik damnei, ariya Cam meng kan. Labik halei hu taong ginang, pah baraneng, puac ariya atau daoh dom kadha daoh bhap bini nan lac sa-ai brei hu mbaok di labik nan piah bac. Meng bruk kham merat tari tarieng bac megru hadah krah hu yau nan sa-ai sami samar thau, ndom hadal saong daoh biak bingi pang. Thun 1993, sa-ai hu tame Kapul ilamu nghe thuat bhap bini Cam. Meng nan mbiah tal ini, ca si Thap Ariya ngak hu rilo bruk rik tame daong Kapul, hu mbaok tame dom mbang pakacah mek hu giải glaong yau: thun 1995 saong 1998 sa-ai mek hu huy chương ameh pakat negar tuk nao daoh tamia Sân khấu hội diễn chuyên nghiệp; thun 2005 Thập Ariya mek hu giải A di mbang Jum pataom daoh bhap bini pakat negar tapa kadha daoh: Mek Jan. Oh lac daoh bingi pang, sa-ai Thập Ariya daok patao veik dom kadha daoh bhap bini Cam, ariya pato main dom alat ragam bangsa Cam brei ka dom anek saih, dam dara di palei. Meng thun 2000 mbiah tal ini, sa-ai Thập Ariya peih hu 10 tal pato daoh kadha Cam, ariya Cam; 3 tal bac alat ragam cam ka jaik 100 mabng anek saih, dam dara di palei. Meng tal bac di sa-ai, dom dam dara oh lac thau main alat ragam, puac ariya naih gheih bo daok hu mbaok tame pakacah di dom mbang daoh bhap bini, main alat ragam pakat tỉnh, pakat negar saong mek hu rilo harak meyaom. Thập Ariya sahaneng yau ini:

       Taong yaom ka nghe si Thap Ariya, ong Dương Tấn Đức - Akok kapul nghe thuat bhap bini Cam tinh Ninh Thuan brei thau...:

Tame tal xã Phan Hiệp, huyện Bắc Bình, tỉnh Bình Thuận, tangi sua sa-ai Đặng Cựu Long An ye thei thei jeng thau, kayua sa-ai nan lac sa urang abih hatung hatian ka bruk khik ramik saong patagok dom ilamu nghe thuat bhap bini Cam. Taduan khol dahlak dalam baoh sang sit di sa-ai, menyum cavan ia ce di harei akok thun birau sa-ai Long An brei thau: sa-ai mboh biak hadah mbaok meta kayua urang Cam hu biak rilo ilamu nghe thuat siam gheih jeng yau rilo urang naih jak, nghe nhân thau ka makna ilamu bangsa. Yaom lac, kayua kinh tê daok gaok rilo kan kandah, jeng ye, oh hu labik halei piah parang main yau nan ye rilo urang gilac veik mai ngak hamu apuh meng nan van nghe bhap bini dak harei dak lahik nao. Meng bruk takre, caong khin taduan hu saong patagok ilamu nghe thuat bangsa drei, meng thun 2011 mbiah tal ini, sa-ai An dui pataom saong pato veik dom kadha tamia, main dom alat ragam ka labaih 30 urang nan lac dom dam dara, sinh viên Cam di palei. Langiu di nan, sa-ai daok paneh tabaik, dauh pataom yaok rituh kadha tamia Cam, kadha daoh Cam; roh duah labaih 10 le hoi bhap bini Cam pia ka dom urang di Kapul nghe thuat bhap bini Cam “Hoa Nắng” daoh, tamia. Ngan saong dom urang dien vien daok ranaih umo gam saong dom kadha biak gheih hu yau nan yaok mbang tal tuk roya, tết atau hu bruk pahadar gait praong dalam tỉnh jeng yau khu vực, Kapul daoh tamia bhap bini Cam “Hoa Nắng” bo hu sa-ai Long An ba akaok tame pakacah nan mek hu giải glaong.Yau ye: Huy chương vàng saranai di mbang pakacah oh chuyên tỉnh Bình Thuận; giải A kadha tamia “ Rija negar” di harei Ilamu, the thao saong Dulich bhum urang Cam pakat negar di tinh Ninh Thuan thun 2012; giải A liên hoan daoh bhap bini pakat negar thun 2014. Abih di nyu dalam tuk Tết Nguyên đán 2016, Kapul daoh tamia bhap bini Cam “Hoa nắng” hu mbaok tame jaik 10 mbang nao daoh tamia duh mikva bhum atah bayah, bhum ceik car dalam tỉnh. Dom giải thưởng glaong kayua kapul daoh tamia bhap bini Cam “Hoa nắng” xã Phan Hiệp bo kayua sa-ai Đặng Cựu Long An rik tame biak ralo dalam bruk khik ramik, patagok dom ilamu phi vật thể dalam bhap bini Cam tỉnh Bình Thuận. Sa-ai Long An brei thau: “ Dahlak  takre daoh tamia Cam meng sit mai…”

Tui dom lagu lagam daoh birau gam saong  ruk cak rok di xa hoi, kadah daoh bhap bini, damnei meng kan daok mbon lahik nao. Min ngan saong hatung hatian takre ragam daoh, hadah mbaok meta ka dom ilamu meng ka di ong muk drei, 2 urang nghệ sỹ Thập Ariya saong Đặng Cựu Long An tuk halei jeng ba abih hatai jai di drei ka bruk khik ramik saong patagok dom ilamu daoh tamia di bangsa drei. Nan lac bruk ngak ndung bak ilamu, khin brei pambak praong dalam bhap bini Cam./.