Hu mbaok dalam kapul daoh tamia bhap bani Cam meng harei bahrau padang tabiak, rah tapa ralo cuang kandah tavak tave dalam
rai diuk, min labaih 20 thun tapa,
nghệ sĩ ưu tú Đàng Năng Đức jeng ndung bak dalam rup
drei sa hatai ranam ragu daoh bhap bani Cam saong ilamo Cam biak prong. Dom
mbang nao parang me-in di dalam saong langiu tỉnh, sa-ai
yau ba drei tame dalam rai diuk tapa dom kadha daoh bhap bani, kadha
daoh Cam bo sa-ai daoh, nyu njom tame dalam hatung hatai urang mong iek saong tapa nan, urang
thau ralo jang ka bein ilamo adaoh tamia biak karei di urang Cam. Nan lac kadha ngak ka sa-ai hadah mbaok hadah meta, gam
lac pren khang ba sa-ai nao tal dom jak jeng dalam bruk ngak ilamu. Dalam
rai daoh tamia di drei,
Đàng Năng Đức mek hu ralo giải thưởng yau: Huy chương ameh Harei
pataom sap daoh Sơn ca di Lâm Đồng thun
1991; huy chương ameh harei pataom daoh tamia pakat
negar; 3 huy
chương pariak harei pataom daoh tamia bhap
bani pakat negar;
giải A Harei pataom sap daoh ragu daoh
bhap bani thun 2005 saong gam gam mek hu ralo giải A dalam dom mbang pataom daoh
tamia chuyên
nghiệp; harei pataom daoh tamia bhap
bani; Dom harei ilamo Cam pak Hà Nội… nghệ sĩ ưu tú Đàng Năng Đức lac: Naom tal cơ duyên ye urang jeng pambak
tame ralo kadha, kasa sa-ai hu năng khiếu, thau ralo ka gah nan. Ini jeng lac
cơ duyên urang drei duah bruk saong bruk duah urang drei tra. Dahlak ngak bruk
dalam Kapul meng thun 1993, dahlau di nan dahlak hu ngak dalam phong trào ka
huyện, tỉnh Thuận Hải klak. Min dahlak saneng lac, drei lac urang Cam, drei oh
hu mbaok tame ngak ye thei ngak bruk nan, meng nan, dahlak khang hatai hu mbaok
tame bruk chuyên nghiệp, abih di nyu lac gah ilamu daoh tamia Cam.
Jeng yau nghệ sỹ ưu tú Đàng Năng Đức, sa-ai
Thành Thị Diễm Châu jeng hu pambuak pagam haong Kapul daoh tamia bhap bani Cam
labaih 20 thun ini mai. Lac sa gru pato tiểu học, min sa-ai oh nao pato bo khang
hatai nao tui bruk daoh tamia, yaom lac bruk ngak ini gaok biak ralo glaih glar.
Nghệ sỹ Đàng Năng Đức, diễn viên tamia
Thành thị Diễm Châu nan lac 2 dalam 27 nghệ sỹ, diễn viên tamia di Kapul
daoh tamia bhap bani Cam prong tagok meng bruk
daoh tame dalam bhap bani. Ngan haong hatai takre ilamo bnagsa, dom nhạc công, ca
sĩ, diễn viên ranaih hu pataom gauk mai ini, dak padang Kapul adaoh tamia bhap bani Cam Ninh
Thuận. 20 thun tapa, Kapul mek
hu labaih 30 huy chương ameh saong 14 huy chương pariak. Thun 1995, Kapul hu
nao pataom mbaok dalam harei pataom daoh tamia chuyên nghiệp pakat negar pak
bal Huế saong mek hu giải nhất ngan haong dân ca kịch Cam:
“Anai Mơ Hoa saong Cei Trà Mứ”. Langiu di nan, Kapul daok mek hu giải Bông sen
Ameh saong ralo giải karei karei, giải dom danak dak, kadha brei kapul saong cá
nhân tapa dom mbang pakacah, harei pataom. 4 urang hu tỉnh Ninh Thuận pok brei
angan nghệ sỹ xuất sắc. Yaok thun, Kapul hu nao parang me-in duh ka bhap bani
urang bangsa takik, bhum ceik, bhum atah bayah dalam tỉnh dalam dom harei lrija,
roya meng kan
piah khik kajap bruk daoh tamia bhap bani. Kapul daok hu nao parang me-in
pamơrơ dalam dom mabng sinh hoạt chính trị dalam tỉnh saong di pakat negar. Meng
dom bruk ngak hu ngak jeng yau nan, Kapul daoh tamia bhap bani Cam tỉnh Ninh Thuận hu Mentri Ilamo – Padhih saong rivang
ma-in pok brei hala dok pakacah saong ralo harak meyaom,... Bruk jak jeng di
dom danak dak parang me-in di Kapul nan lac kayua kapul tuk halei jeng roh
duah, patagok ilamo bhap bani Cam piah padang ngak danak dak gam haong hatung
hatai kham merat, abih drei pathram di dom nghệ sĩ./.
Viết bình luận