“ Đạn siuk patuh khang taong tame khang lo. Jalan takaik  nyu dalam, kan talaih talei nyu. Dahlak mbaiy tapa ndem saong sa-ai Sáu: Sa-ai Sáu talaih talei thun ka dahlak. Birau ndem blaoh, sa-ai nan palao phao trun, saong sumu prew tagok hu sa sap “ HCM muôn năm”, sa-ai nan plang nao. Meta jeng daok plan nao gah anak.

Nan lac dom hagait daok hadar miat dalam akok di di urang kumei biệt động thành Lê Hồng Quân, angan biak lac Nguyễn Thị Huyền Nga, akok Tiểu đoàn Nữ biệt động Lê Thị Riêng dalam mbang taong luac abih di Tieu doan pak jalan hẽm 83 Đề Thám, dalam mbang  taong tame  ka 2 di Tết Mau Than 1968. Bruk mesruh gauk dalam jalan praong oh ka tal 1 met metai nan nyu jeng bruk metai lihik khang tuk kol khamang tuh ttame biak rilo. Akaok tieu doan Le Hong Quan brei dom adei sa-ai nduac tabiak truh kol khang   piah khik tamo lực luong. Daok klau urang halan hatain daok veik piah pacang ka dom adei sa-ai nduac tabiak.

Tuk nan, muk Quan njauk rambuac abih sa gah tangin, amuk eng drei kaoh klak tangin pandik, papaok bloh mesruh veik. Mbiah tal tuk abih đạn saong oh daok prein yaw kayua lahik rilo darah, amuk njauk kol nyu chap mek. Min, yaom lac kol nyu taong paoh oh thau drei jan, metai dang anak meta, min amuk oh peih papah dalam luac 7 thun.

Patuah hu daok diuk hadei di harei yasa taneh ia, amuk njauk ruak kik, pandik pandua bak rup kayua  kol khamang taong paoh dahlau daih. Lac urang thương binh ¼ min amuk nao grauk labik piah tangi sua, sang ka daong ka dom baoh sang ayut sahabat ndong ndoi di drei, urang amaik taha, amaik VNAH hu 3 urang anak liet si.

Jeng khang hatai mesruh matak oh alac likei atau kumei, oh huac glaih glar kan kandah, amuk Vũ Minh Nghĩa, dalam angan Chính Nghĩa lac sa urang kumei duy nhất dalam 15 urang taong tame Dinh Độc lập dalam Tết Mau Than 1968 hadar veik mbang taong di harei 2 bingun Tet 1968. Yaom lac tuk hu brei bruk taong tame Dinh Độc Lập, abih urang dalam kapol mboh biak tatuah drei, dut saong kol lin khamang drei takik jang nyu biak rilo. Hadei di mbang mesruh nan, đơn vị metai labaih meteh kapol saong kol nyu thau nan ye oh daok hu daong,njauk kol khamang chap mek. Min amuk jeng khang hatai ngak siam bruk di drei. Muk Nghĩa khan lac:

“ Khol dahlak biak hadah mbaok meta hu Đảng, Karja jao brei labik mesruh hu makna biak praong di Bai Gon. Khol dahlak chap tangin gauk, thề mesruh tal asar siuk puac di abih. Nan lac dom hagait dahlak daok dar dalam mbang mesruh nan.”

Oh lac dom urang biet động Bai Gon yau muk Quân, muk Nghĩa, atau urang kumei hu pasram rup dalam mbom siuk, diuk metai saong kol khamang, bo dom rai rah urang kumei Bai Gon – Gia Định, dom urang kumei Tây Nam bộ, oh hu pan phao taong kalin min sa hatung hatai nao tui cách mạng, rik prein yawa biak rilo ka bilan xuan Mau Than thun nan.

Nan lac thaok binguk dom amaik dalam Hội Mẹ chiến sĩ caga pandap mbang ka dom chiến sĩ tabiak mblang mesruh, dom adei sa-ai  daok di sang jik hala dok piah caga Tết Mau Than. Nan lac dom urang kumei xung phong mek rup drei ka đồng đội njauk rambuac nao tapa atau jalam phao brei ka dom mbang mesruh tame labik di kol khamang dalam Bai Gon. Urang kumei dan cong hỏa tuyến duah jalan pajeng  vũ khí tui ribaong kraong tapa mblang hamu ba kadauk rah labik tapen Bai Gon piah mesruh. Dom kumei dara Bai Gon nao naong ba phao ndao hu jeng dalikan. Rilo urang birau umo 15, 16 thun, lac umo siam abih di anek kumei. Taong abih hu mbaok tame caong khin daong  ka bol lin drei mesruh hu jayak samar, yasa taneh ia.

Yau amuk Nguyễn Thị Khỏi, dân công hỏa tuyến di Vĩnh Lộc, huyện Bình Chánh, sa dalam dom urang dân công hỏa tuyến daok diuk dalam rilo urang pajeng ba phao ndao tapa bein menaih, kol khamang thau saong palaik mbom trun ngak brei 32 urang metai di bhum taneh patuh apui siuk Vĩnh Lộc. Tuk nan, gam saong dom urang umo ia bulan bauk baoh, oh pang dom baoh panuac palua bingi yamen di kol khamang, tuk halei jeng abih hatai nao pajeng ndan, jalam phao ka cach mang. Amuk Khỏi lac: Amaikame , dom cei di muk nao tui cach mang abih. Cei Tư lac lin dac cong var kalk rup drei ye, sa-ai Ut njauk guk Con Dao, amaik ame daok guk kayua raong kadauk urang jakar cach mang. Muk Khỏi  lac anek kacua, ba thư ka bộ đội, gam dauk trun dauk tagol gam kuhrai ka 4 urang adei. Tuk nan, dalam hatai amuk saong dom urang kumei dân công hỏa tuyến mboh biak căm thù kol khamang

Dom dalikam nan 50 thun bloh, suai lavik yau nan bo mboh yau bahrau harei kabroi min. Dom adei sa-ai “ Khin bebat, tự do, taong ka Mỹ nduac, taong ka nguy jaleih” yau panuac iew di Wa Ho dalam Tết Mau Thân 1968 hu daong ngak jeng bản hùng ca cách mạng praong hadah hadai di bangsa. Urak ini, dom pandik harao dalam rup di chiến sĩ kayua njauk siu tuk mesruh jeng daok, min piah hu bilan Xuan yau harei ni di taneh ia, ye dom thun bilan nan oh damen umo thun dara di dom amaik, dom sa-ai./.