Trung tướng Nguyễn Tân Cương, Phaok tổng tham mưu trưởng Bol lin bhap bani Việt Nam (Mentri Quốc phòng), pok brei bingu saong pachreih dom bol lin hu ngak siam bruk ngak di

Dalam vaktu ngak bruk, Sang iek ruak Dã chiến pakat 2 ka 1 ngak ginup dom mbang pato pasram tui panuac di phái bộ, lac: Pato pasram ka bruk ngak di phái bộ, siam mekre, salamat, pacang caga jit, likei kumei samu gauk, pacang lạm dục tình dục, pasram bruk cấp cứu rilo menuac… Lingiu di nan, Sang iek ruak Dã chiến pakat 2 ka 1 jeng brei urang jakar hu mbaok tame pato pakai ka urang jakar, menuac ngak di Liên hợp quốc ka chuyên môn y tế.

Di bhum mesruh gauk, njauk dang anak rilo kan kandah ka bruk mbang ngui, daok dang, ia menyum, ruak pandiak dom bhian hu di Nam Sudan min meng bruk jum pataom, daong gauk di rilo chuyên gia pak ini, bo dom urang jakar, urang lin Sang iek ruak Dã chiến pakat 2 ka 1 ngak hu siam bruk hu mbaok tame khik ramik hòa bình saong hu Liên Hợp Quốc taong yaom glaong. Hadei di labaih 12 bilan taduan mek Sang iek ruak Dã chiến pakat 2 meng Negar Anh, Sang iek ruak Dã chiến pakat 2 ka 1 hu taduan raok saong iek ruak ka abih tih 2.022 mbang urang ruak, dalam nan hu 62 mbang blac raih, pajeng ba meng kapal haoh nao sang iek ruak praong 7 mbang. Thượng uý Nguyễn Đức Trung brei thau: Kol drei hu dom đơn vị ayut daong biak rilo, meng ilamu tal dom janih jru piah iek ruak ka urang saong piah caga ka rup drei. Piah yam tapa dom kan kandah, abih gauk jeng bac megru, klah rabha ilmau brei ka gauk, nan ye dalam sa tukvak katut panak, bruk ngak hu siam tagok mboh di anak meta.

Lingiu di nan, Sang iek ruak Dã chiến pakat 2 ka 1 hu pataom tame ngak pasiam cơ sở hạ tầng doanh trại, patagok sản xuất, pasiam cảnh quan môi trường, saong peih rilo bruk giao lưu văn hóa văn nghệ, thể dục, thể thao, padang dom kapul tamia, kapul bóng chuyền, bóng bàn... Sang iek ruak Dã chiến pakat 2 ka 1 jeng hu dang tabiak peih rilo mbang pakacah thể thao giao hữu haong dom kapul ayut dalam phái bộ, hu mbaok tame dom mbang pakacah kayua phái bộ peih tabiak saong mek hu rilo siam mekre. Dalam bruk đối ngoại, Sang iek ruak Dã chiến pakat 2 ka 1 padang hu talei rohim siam mekre haong urang dang akaok Căn cứ Bentiu, Akaok jabat y tế Phái bộ UNMISS, urang pan akaok dom jabat saong dom đơn vị đóng quân di Bentiu. Dalam luac vaktu ngak bruk, Sang iek ruak Dã chiến pakat 2 ka 1 hu taduan raok labaih 50 kapul tuai damuai.

Sa kadha praong njauk ndom tal dalam bruk ngak di Sang iek ruak Dã chiến pakat 2 ka 1 lac talei rohim pambuak bruk haong menuac sia pak nan, sang iek ruak ba drei tame haong bhap bini, abih drei daong tuk gaok bruk, iek praong ilamu di rahra pak nan, oh phân biệt đối xử, gam saong bruk yaih khan, brei thau ka taneh ia, anek menuac, ilamu Việt Nam, Bol bala bhap bini Việt Nam. Sang iek ruak Dã chiến pakat 2 ka 1 hu rilo mbang peih dom bruk taom gaok, ndom biai nao mai, alin hadiah pandap ka menuac di labik khik caga rahra (POC), tuk halei jeng caik veik dom siam mekre dalam hatai di menuac sia pak nan.

Ngak hu biak siam bruk hadei di mbang camereip di Nam Sudan, mai veik taneh ia, dom urang jakar, urang lin Sang iek ruak Dã chiến pakat 2 ka 1 biak bui sambai, biak hadah mbaok meta.

Lac 1 dalam 10 urang kumei lin di Sang iek ruak Dã chiến pakat 2 ka 1, Thiếu uý Phạm Thị Thuỳ oh padauk hu bui sambai tuk drei saong ayut ngak hu siam bruk praong glaong bo Đảng, Karja saong Bhap bini jia hatai jao brei. Thiếu uý Thuỳ drut drui lac: Tuk kapal haoh par trun ye adei sa-ai dalam kapul thei jeng uan tabuan kayua drei ngak hu siam bruk bloh mai veik.  Hadei di 1 thun daok di Nam Sudan, hu biak rilo drut drui, rilo kan kandah, min yam tapa hu abih. Taong abih gauk dalam sang iek ruak thei jeng mboh hadah mbaok meta.

Meng dom bruk ngak hu nan, Sang iek ruak Dã chiến pakat 2 ka 1 hu Phó tổng thư ký Liên hợp quốc payua thư tal Rajaei Việt Nam pok meyaom, urang dang akaok gah quân sự phái bộ Liên hợp quốc di Nam Sudan pok harak meyaom brei kapul saong 4 urang biak naih gheih. Sang iek ruak Dã chiến pakat 2 ka 1 biak biai ngak hu siam bruk praong bo Đảng, Karja, Quân đội saong Liên hợp quốc jao brei, rik daong pabak pasiam rup binguk  “Bộ đội Wa Hồ” dalam saman bahrau./.

Urang lang: Musa Phương – 22/12