Pathau mikva saong taong abih gauk!

Meng sa xưởng ngak kayau sit hadei di tuk gah meraong peih paha, tal urak ini Công ty Cổ phần xây lắp Thành An 96 (ieu katut lac Công ty Thành An 96), Binh đoàn 11 jeng sa doanh nghiệp bol bala hu angan je ngan saong jien mek tame yaok thun tagok tal jaik 3 ribau tỉ đồng. Rilo công trình praong dalam taneh ia hu công ty ngak, dalam nan hu dom công trình di danak dak biển đông pulao kaoh. Dom công nhân cuk ao lin di công ty Thành An 96 harei melam njauk pachang mbaok saong ngin riyak tasik praong, padang dom công trình duh ka bruk patagok kinh tế XH, khik kajap an ninh quốc phòng di bhum taphia negar, pulao kaoh. kadha vak di Thanh Hà saong Hoài Nam urang vak di rayo sap ndom VN daok di bhum kreih negar brei thau ka bruk ini, daa mikva saong taong abih gauk tui pang:

 Hadei di sa tukvak padang ngak dalam kan kandah di tasik praong, ngin ribuk, ar pacang riyak khik caga pulao Cồn Cỏ, tỉnh Quảng trị hu padang ngak meng patau saong bê tông yau sa gah tangin khang kajap yar tabiak tasik, pacang me-om ka pulao tiền tiêu. Yaok rituh urang jakar, kỹ sư công ty xây lắp Thành An 96 glaih glar pacang cakak ribuk piah ngak jeng công trình khang kajap ini. Ong Lê Quang Lanh, akaok hội đồng bhap bini huyện pulao Cồn Cỏ oh padauk hu bui sambai lac:

 (Cồn cỏ lac huyện pulao daok di kreh tasik nan ye glut jaleih takai tasik biak praong. Bharau ini rajaei brei ngak ar pacang khik caga takai tasik pambuak haong patagok kinh tế. Kol dahlak palih ruah dom đơn vị bhian ngak dom công trình angaok tasik saong hu năng lực yau Thành An 96 di mintri quốc phòng hu biak ralo công trình di labik ini. Thành An 96 hu phun jien biak praong meda ngak hu siam di labik tasik).

Urak ini, công ty Thành An 96 hu mbaok ngak bruk di dom tỉnh, ban bhum kreih negar saong dalam taneh ia, ngak dom công trình praong, ilamu glaong, kan ngak yau dom công trình di gah hải quân; công trình cáp quang dunya. Abih di nyu lac padang ngak dom công trình di danak dak Biển Đông pulao kaoh ngan saong dom yêu cầu kỹ thuật  biak glaong. Biak ralo công trình hạ tầng di dom pulao tapen tasik meng gah brak tal gah meraong jeng hu plak tangin urang jang Thành An padang ngak. Nan lac dom công trình praong yau: jalan cơ động gah selatan huyện pulao Lý Sơn, tỉnh Quảng Ngãi; dom công trình hạ tầng angaok pulao Cù Lao Chàm, tỉnh Quảng Nam; ar pacang jaleih khik caga pulao Cồn Cỏ, ar pacang riyak Cửa Tùng, tỉnh Quảng Trị; ar pacang jaleih huyện đảo Phú Quý, tỉnh Bình Thuận; Thổ Chu, Phú Quốc, tỉnh Kiên Giang; pabah lamnge Đề Gi, tỉnh Bình Định saong dom công trình kinh tế pambuak quốc phòng di bhum 3, bhum 4 hải quân,bhum 2 cảnh sát tasik. Abih di nyu nan lac công trình ar pacang riyak pambuak saong padang labik dịch vụ hậu cần bruk ngak ikan Vịnh B8ac1 Bộ di huyện pulao Cô Tô, tỉnh Quảng Ninh abih ralo pren yava saong tukvak.  

Đại tá Nguyễn Ngọc Huệ, Bí thư Đảng ủy, Phaok akaok HĐQT Công ty Thành An 96 khan lac, ngak ralo di bhum kreih negar, bala meng langik tasik dak harei dak khang, dom urang lin công ty 96 bhian pasang mbaok saong kan kandah,  hiểm nguy piah ngak bruk. Ong Huệ lac, piah padang dom ar pacang riyak kreh tasik, brei ngak thùng chìm meng bê tông plaik trun tasik, lắp ghép veik bloh tuh cuah tame thùng, ngak jeng ar quai. Yaok thùng ini glaong yau sa tòa nhà, trak tal 350 tấn saong brei đúc angaok baoh taneh bloh pandar sà lan pajeng nao tabiak tasik. Hadei di rilo thun ngak iek, dom urang lin công ty Thành An 96 ngak hu bruk đúc thùng pak angaok pulao, ngak jalan ray piah dui trun tasik, hadei di nan ba tabiak labik lắp ghép. Meng sáng kiến ini, dom jalan ar atah yaok ribau mét hu ngak samar jang. Ong Nguyễn Ngọc Huệ khan lac, ngak angaok tasik, urang lin brei tui bruk thủy văn, adei saai brei pang bruk langik tasik, thủy văn yaok harei:  

 (Dalam tuk padang ngak, bhian tacei pato dom đơn vị tui iek catang, tukvak padang ngak njauk haong bruk di anak meta, ngak njauk tui bruk ba tabiak di po đầu tư. Bruk praong tra nan lac tukvak padang ngak brei  khik kajap an toàn, khik kajap kein laba kinh tế).

Oh ndom hu abih bruk kan kandah dalam padang ngak di urang lin labik tasik pulao, taphia negar. Dom mbang ribuk khang angaok tasik, dom mbang ngin Lào thu lagu labik ceik glai Trường Sơn oh ngak kadun takai urang lin công ty Thành An 96. Dom  saai abih hatung hatai ngak jeng angan je di doanh nghiệp. Dalam 5 thun 2011 – 2015, công ty Thành An 96 ngak hu 422 công trình, yaom abih tih jaik 5.715 tỉ đồng, jien mek tame thun 2015 hu labaih 2500 tỷ đồng. Yaok thun, công ty rik daong yaok rituh triệu đồng ka danak dak patruh eik patrun kathaot, patagok kinh tế XH saong sarak hậu phương quân đội di dom tỉnh bhum kreih negar.

Đại tá Võ Cửu Long, akaok HĐQT Công ty Thành An 96 ndom lac, ngak mbang dalam môi trường merak gauk khang, piah diuk hu brei mek chất lượng, tiến độ saong angan je ngak bruk dang akaok, khik hu kein laba di karja, di kapul nyaom saong dom cổ đông:

 (Kol dahlak parabha bruk khang ka cơ sở, pataom tame  padang kapul urang jakar khik iek peih ngak ginup 7 bruk caong thau. Nan lac “thau jum pataom nội bộ, thau ba bruk ngak, thau padang jalan ngakt, thau hạch toán kinh tế, thau jalan ndom puac daok dang, thau salih barau, thau rik daong saong klah rabha).

Nan jeng lac jalan ba mai jak jeng ka công ty Thành An 96 dalam 20 thun  tapa./.