Rai diuk siam mekre saong hacih sa-at di angaok dom jalan dalam palei nan lac bruk hu caik hatai dahlau di abih tuk nao tal xã palei pala bahrau tapen tasik Mỹ Long Bắc, Mỹ Long Nam saong bal sit ilamo Mỹ Long, huyện Cầu Ngang, tỉnh Trà Vinh. Hu yau harei ini, langiu di bruk ba tangin tame ngak samu gauk, bruk njauk hatai glaong di bhap bani daok hu bruk rik daong oh takik meng gah biên phòng daok pak nan dalam bruk ba tabiak dom jalan ngak siam lagaih, daong ka karja puk palei samar mek hu saong khik kajap dom tiêu chí palei pala bahrau jeng yau ilamo.

Đồn biên phòng Mỹ Long daok dalam Bộ chỉ huy Bộ đội Biên Phòng tỉnh Trà Vinh, khik iek 2 xã Mỹ Long Bắc, Mỹ Long Nam saong bal sit Mỹ Long, huyện Cầu Ngang. Langiu di bruk chính trị, trật tự an toàn xã hội, khik iek chủ quyền tasik, gah biên phòng daok hu pambuak bruk khang kajap haong dom ban ngành kapul nyaom puk palei; pambuak haong Kapul urang kamei xã pathau khan tal yaok baoh sang padang ngak phong trào "5 oh 3 hacih". Tapa nan, akaok saneng di mikva hu salih bahrau saong abih hatai ba drei tame ngak, rik daong ka puk palei samar mek hu dom tiêu chí ilamo, an ninh trật tự, môi trường… dalam bruk padang ngak palei pala bahrau. Sa-ai Nguyễn Thùy Dương, Akaok kapul urang kamei xã palei pala bahrau Mỹ Long Nam lac: Labik Mỹ Long Bắc, Mỹ Long Nam saong bal sit Mỹ Long hu đơn vị biên phòng, tapa bruk pathau khan dak padang rai diuk ilamo, ngak ka mbaok meta di xã hadah hadai laneng lanoi, tal tukvak ini ba mai ralo siam mekre. Daok bruk cakrok patagok kinh tế, Đồn biên phòng jeng hu daong ka urang kamei kathaot patagok bruk ngak mbang kinh tế sang.

Dalam tuk nan piah daong ka mikva patagok jien mek tame, Đồn biên phòng kham merat jak ba mikva salih jalan ngak mbang, pandar ilamo kỹ thuật tame dalam bruk pala drak, daong ba gauk patagok kinh tế. Ngan haong dom baoh sang sarak karja, baoh sang kathaot gaok kan kandah, urang daok sa drei, Đồn kham merat pambuak haong karja palei sangka iek glang meng dom bruk ngak yau nao rivang, alin brei pandap, iek ruak, pasiam veik sang danaok, daong mikva pala drak, yuak padai brah, paik njam patam. Mai meng nan bo rai diuk mikva hu salih bahrau, mbaok meta puk palei dak harei dak hadah hadai saong hatai jia di bhap bani puk palei brei ka gah biên phòng dak harei dak rilo jang. Ong Lê Văn On – sa urang daok pak xã Mỹ Long Bắc bhian hu bộ đội biên phòng daong brei, khan lac: meng nan mai adei sa-ai lin Đồn hu talei rohim biak siam haong bhap bani, bhian mai daong ka mikva, kak kajap talei rohim. Tuk urang lin atau bhap bini thei hu bruk hagait ye nao mai rivang gauk”.

Daok urang taong ikan angan Trần Văn Cước daok di bal sit Mỹ Long – sa baoh sang ngak ikan brei thau: ngan haong ong, tuk kan kandah jang yau tuk kaya meda ong jeng taduan hu bruk daong di bộ đội biên phòng pak ini. Tui ong, dut haong dahlau diah bruk nao tasik livik harei oh daok kan kandah saong nao tasik livik harei dak hu laba ralo, siam laghaih yau nan mai meng talei pambuak bruk di bộ đội biên phòng haong bhap bani: Dom adei sa-ai biên phòng hu daong ralo bruk brei ka baoh sang dahlak yau tacei jalan ngak mbang ngak huak, dom bruk  taong mek ikan angaok tasik, brei thau ka jalan ngak di Đảng. Hu yau nan bo sang dahlak meng tabiak truh kan kathaot”.

Trung tá Lê Phước Hùng, Chính trị viên Đồn biên phòng Mỹ Long khan lac, urang taong ikan oh njauk lac ngak mbang taong ikan di tasik saoh, bo dalam tuk taong ikan daok lac sa “cột mốc biên giới sống” angaok tasik, rik daong tame bruk khik caga taneh ia, palei negar: Bộ đội biên phòng Mỹ Long bhian peih bruk pathau khan, jak ba bhap bani tui jalan ba di Đảng saong karja. Ka dua tra pambuak haong dom jabat hu liên quan pathau khan, duah thau bruk angaok tasik yau bruk hu kapal negar lingiu mai taong mek ikan suan adat hukum angaok bhum tasik ye mikva samar khan brei ka Biên phòng thau piah hu jalan langyah”.

Meng dom bruk ngak bak trách nhiệm, abih hatai jai di gah biên phòng bo ralo baoh sang di xã bhum atah bayah Mỹ Long Bắc, Mỹ Long Nam yam tagok ngak kaya meda, jien mek tame kuhria rah tapa tui akaok manuac hu jaik 30 triệu đồng sa thun, glaong jang jaik 3 mbang dut haong tukvak oh ka padang ngak palei pala bahrau. Ta-eng bal sit Mỹ Long, baoh sang kathaot daok tok labaih 4%,  dom kapan gilai công suất prong meng 90 mã lực dak harei dak ralo, an ninh địa bàn dak harei dak grap tanat, daong ka bal sit mek hu tiêu chí ilamo 3 thun gam. Ong Nguyễn Thanh Tuy - Bí thư gam lac akaok Ủy ban bhap bani bal sit Mỹ Long lac: Biên phòng urak ini langiu di bruk khik ramik an ninh trật tự daok hu daong ka bhap bani dom bruk mikva caong khin yau pacang caga ribuk aia sua, padang ngak sang uranam ka bhap bani, padang ngak jalan… blaoh gam haong karja palei nao jak ba padang ngak palei pala bahrau. Meng nan bo hatai jia di bhap bani brei ka Biên phòng biak glaong”.