Dom harei ni, di dom khu công nghiệp dalam tinh  Đồng Nai yau : Khu công nghiệp Amata, Khu công nghiệp Biên Hòa 2, Khu công nghiệp Bàu Xéo …dom harak  brei thau bruk caong palih ruah urang ngak hu tual bak. Oh lac dom gah jhik, takhaok klik, rilo DN di dom gah karei karei yau bảo vệ, cơ khí, chế tạo máy jeng caong palih ruah urang ngak. Bruk pilih ruah urang ngak nan piah pabak ka bruk ngak akaok thun. Langiu urang ngak phổ thông, dom DN jeng pilih ruah urang ngak hu trình độ trung cấp, công nhân kỹ thuật, đại học, cao đẳng.

Tui Sở Lao động-Thương binh song xã hội Đồng Nai, thun 2016, dom doanh nghiệp dalam tỉnh caong palih ruah labaih 60 ribau urang ngak,  glong jang labaih 30% dut song tuk vak ni thun dahlau, dalam nan gah doanh nghiệp hu phun jien di negar langiu caong pilih ruah rilo di abih, lac 25 ribau urang ngak. Yaom jien bilan bo dom DN ba tabiak dalam palih ruah jeng glong jang dut song dom thun dahlau. Ong Lâm Thanh Thu-Phó akaok pasak tacei ba bruk ngak Đồng Nai brei thau:  “ Urak ni, dom khau tin ka bruk palih ruah urang ngak dok gaok bruk meriak gauk di darak pasa urang ngak. Kayua yau nan ye bruk pathau khan palih ruah urang ngak hu brei thau yaom jien bilan abih tih, dalam nan hu biak rilo janih jien. Dok tui harak pambuak bruk lac labaih 4 triệu. Dut song dom thun dahlau, yaom jien ni glaong jang.

Sa makna prong ngak ka bruk caong palih ruah di DN tagok glong lac kayua negar drei hu tame Cộng đồng kinh tế Asean (AEC), anak tal lac Hiệp định Đối tác xuyên Thái Bình Dương (TPP), nan ye pachreih hu rilo DN mai buh jien tame ngak mbang, peih prong sản xuất. Kuhria dalam 2 bilan akaok thun ni, tỉnh Đồng Nai pachreih hu labaih 460 triệu USD phun jien di negar lingiu buh tapak tame ngak mbang, samu labaih 46% bruk ba tabiak dalam thun. Caong hu chip urang ngak, nan ye dom DN hu ba tabiak rilo bruk ưu đãi biak pachreih urang. Amuk Phạm Thị Thu Dung - Phó giám đốc Công ty Xuất nhập khẩu Hàng Việt – ban sit Biên Hòa brei thau “ Langiu dom quy định tui hukum ngak bruk, DN khol hulin hu rilo ưu đãi karei ngan song urang ngak piah pachreih hu rilo urang ngak. Công ty hu rilo danak dak piah urang ngak patagok, pato pakai urang ngak, palagaih ka urang ngak hu tagok glaong jang.

Bruk palih ruah  caong hu rilo, dalam tuk urang ngak oh pabak hu ginup dok lac bruk kan kandah di rilo DN. Kayua meriak gauk duah urang ngak, nan ye dom DN ba tabiak yaom jien bilan glong. Min piah khik hu quyền lợi, urang ngak brei duah thau, thỏa thuận cambaih song DN ka dom sarak pambuak pagam tal dahlau di tuk mbaoh tangin tame harak ngak bruk./.