Khin hu sa pok jien mbaok chip, ong Võ Văn Lập, dok di palei  4, xã Xuân Tâm, huyện Xuân Lộc, tỉnh Đồng Nai  ieu phone tal laik phone angaok blah baar quảng cáo brei mesraiy jien thủ tục samar drah  song yaom jien mesraiy lac 20 triệu đồng, sinya bayar dalam 25 harei. Hadei di tuk ndom biai tapa điện thoại, dom tuk hadei, ong Lập taduan hu jien  min dok  18 triệu đồng min, kayua 2 triệu jien “radaih nao mai” njauk kaoh chip tame jien phun. Hadei di nan, yaok harei ong Lập bayar ka po sraiy 1 triệu đồng. Tuk ni, ong Lập meng thau drei taduan “boh phik ”:

Khol nyu yar 20 triệu bayar dalam 25 harei, yaok harei 1 triệu. Min tuk yar jien nyu yar 18 triệu min. Nyu lac nyu mek 2 triệu jien  phí ngak hagait nan di nyu. Yau nan nyu yar  18 triệu bo bayar jeng 25 triệu, yaok harei  1 triệu

Dreih yau ong Lập, di huyện Xuân Lộc hu biak rilo menuac sập bẫy tín dụng “đen”. 

 “Brei mesraiy oh cang thế chấp”, “ tok ieu phon  lac hu jien, thủ tục samar drah”… lac asal kadha  vak angaok dom blah baar  hu tauk bak angaok dom gheng  điện, angaok daneing  di dom canah  4, drak pasa, gaok mai tờ rơi hu ba brei  công khai. Piah mesraiy jien, urang mesraiy tok ieu phone brei thau yaom jien khin mesraiy, hadei di nan kol brei mesraiy ieu urang nyim yar dom janih harak gar yau: Chứng minh nhân dân, sổ hộ khẩu, đăng ký kết hôn…, atau brei thau angan po laik  phone lac mesraiy hu jien. Hadei di tuk taduan jien, urang mesraiy njauk bayar jien liba saong jien phun tui harei, yaom liba hu kuhria  20% dalam  40 harei, salih tabiak  samu song yaom liba  15%/bilan  atau  150%/thun, gaok mai jien liba tagok tal  300%/năm.

Tuk vak tapa, Công an huyện Xuân Lộc taduan hu rilo harak đơn pathau khan di dom urang mesraiy trak liba. Rilo urang oh bayar hu sre kayua yaom liba biak glong nan ye njauk kol brei sraiy ieu phone khủng bố, đe dọa, uy hiếp tinh thần.

tapa duah thau di  công an, mboh lac, di Xuân Lộc hu labaih  100 urang mesraiy jien dii kol brei mesraiy trak liba song yaom jien tagok tal labaih 1 tỷ đồng; rilo urang njauk kol côn đồ hành hung kayua oh bayar sraiy truh, hu urang klaak sang nao labik karei piah nduac sraiy.

Dalam bilan 10, Công an huyện Xuân Lộc hu ba yaok pluh kol gah brei sraiy mai trụ sở ngak bruk hadei di tuk rah tabiak  rilo bruk  côn đồ tấn công, tong paoh urang mesraiy  oh bayar jien hu. Di jabat  công an, ja Phan Văn Thiều (palei tỉnh Hưng Yên) taduan lac hu tong paoh urang mesraiy:

Yaok harei urang sraiy dok di labik halei ye khol hulin nao tal labik nan piah mek jien. Urang halei oh bayar ye kol hulin preo puac. Harei nan khol hulin ndok sre ye gaok saai nan pak ni, dom adei saai tangi su.  : “Diễm loi oh bayar kol kau jien ha  ? Saai nan dang tagok puac  veik khol adei. Hu menuac pacang khak,, hu urang puac veik, ye adei pal gaiy tong  saai nan .

Tapa duah thau, gah chức năng mboh lac di huyện Xuân Lộc hu dom nyaom urang brei mesraiy trak liba. Yaok nyaom  hu meng  3 tal 6 urang,  tong abih jeng  lac menuac mai meng dom tỉnh karei  yau  Hà Nội, ban raya  Hồ Chí Minh, Hải Phòng, Nam Định, Hưng Yên…, dom urang nan tal  huyện Xuân Lộc pah balik trọ piah peih bruk brei mesraiy jien suan adat hukum .

Thủ đoạn di dom nyaom ni lac dahlau di tuk brei mesraiy (dahlau di tuk brei mesraiy) hu brei menuac mai pasang iek, taong yaom rai duik boh sang, khả năng bayar sre di urang mesraiy bloh meng brei mesraiy. Yaok harei, urang mesraiy bayar jien góp tukvak  18 tuk, bayar suai jang njauk urang  “hỏi thăm” chip. Meyah urang oh hu jien bayar, njauk  kol nyu đe dọa, hành hung, bắt cóc, ngak pamalau atau đe dọa urang dalam sang  di urang mesraiy piah kateik greik  pablei drap ar, sang danaok piah bayar sre  ka kol nyu . Thượng tá Cao Xuân Hoa – Phó trưởng Công an huyện Xuân Lộc brei thau:

Khol nyu brei mesraiy takik di abih lac  3 triệu, glong di abih lac  30 triệu đồng. Dom urang halei oh hu jien bayar ye khol nyu  đe dọa, mai tal sang siết sre,  gaok mai ẩu đả, tong gauk , pacap  urang mesraiy njauk bayar jien.

Công an huyện Xuân Lộc hu panuac kakei, bhap bini njauk paglong  hatai sangka, jhui  “mắc bẫy” di kol brei mesraiy trak laba . Anak tal, gah chức năng gam gam peih dom mbang pasang iek, cap mek bruk tín dụng “đen” di tỉnh, oh brei ka kol lợi dụng rai duik kan kandah song bruk kurang thau di bhap bini piah ngak bruk suan adat hukum./.