Đồng Nai : Doanh nghiep duah jalan jhul urang praong thun padheih bruk.

    Sa công nhân ngak bruk hu 15 tal 20 thun, doanh nghiep njauk bayan jien bilan labaih kurang pluh trieu yaok bilan. Hu dom bruk, meyah tuyển sa công nhân ranaih umo, ngak hu bruk sumu gauk, min  jien bilan bayan takik jang meng 2 tal 3 mbang. Kayua yau nan ye nyu ngak ka dom doanh nghiep hu jien dau tu di taneh ia lingiu ( FDI) di Đồng Nai duah jalan jhul urang ngak praong thun padheih bruk, piah salih tapa urang ngak ranaih umo jang. Bruk ini hu brei thau tapa kadha vak ala ini di Xuân Lượng – urang vak di rayo sap ndom Viet Nam daok di ban raya Ho Chi Minh:

    Saai Phạm Thị Hằng daok di phường Tân Phong, ban sit Biên Hòa tỉnh Đồng Nai hu labaih 20 thun ngak bruk ka Công ty Pouchen Việt Nam hu abih tih phun jien meng Đài Loan (Trung Quốc), lac labik gia công takhaok kalik di xã Hóa An, ban sit Biên Hòa. Puac thun 2016, saai hu cong ty pachreih dom urang ngak praong thun padheih bruk, pagam tui sa paok jien daong sa mbang, meyah urang  ngak bruk ginup 15 thun meda hu daong 12 bilan jien bilan, lingiu di nan yaok thun ngak bruk hu pabak brei 1 bilan jien bilan. Hadei tuk sahaneng kuhria siam hai oh, saai Hằng njauk hatai padheih bruk sớm yaom lac saai barau umo 38 thun, taduan hu paok jien labaih 210 triệu đồng, sumu 18 bilan jien bilan jaik di abih, yaok bilan 12 triệu đồng. Labaih 210 triệu đồng meda ndom lac paok jien praong, min saai Hằng oh ka hu bruk ngak hagait ka harei hadei. Bloh oh ka tal meteh thun, paok jien abih nao biak rilo. Saai Hằng brei thau: Bruk njauk biai nan lac áp lực biak rilo. Meyah oh áp lực lac jeng oh ka padheih. Công nhân kol dahlak yaom jien nan lac biak praong, min meyah duk saong raidiuk urak ini lac oh hadom. Drei padheih nyu daong hasit ka drei min. Urak ini daok di sang iek anek min, anek praong asit tra drei nao duah bruk hagait karei piah ngak.

Di Đồng Nai oh kan piah duah gaok dom urang ngak padheih bruk aval saong paok jien daong dom ratuh trieu dong yaom lac dom urang nan daok dalam umo thun ngak bruk, rilo meng lac công nhân ngak gah jhik, pet, kalik takhaok. Dom urang ini jeng oh ka hu bruk ngak karei saong oh thau ngak hagait haong paok jien ini.

Tui kuhria mboh di gah chức năng Đồng Nai, urak ini hu dom công ty daok tui jalan ngak ini, yau: Công ty Pouchen Việt Nam hu jaik 800 urang ngak, Công ty Changshin Việt Nam labaih 400 urang, Công ty Splendour jeng hu jaik 400 urang ngak njauk sanya padhieh bruk saong taduan mek pok jien daong. Langiu di nan, daok hu dom doanh nghiệp daok kuhria ngak tui jalan ini di anak tal.

Mban khik ramik dom khu công nghiệp Đồng Nai brei thau, makna praong di bruk ini lac bruk glaong bair rilo di jien bilan di urang ngak livik thun saong urang ngak barau. Tui hukum, jien bilan tối thiểu vùng yaok thun jeng hu tagok, dom doanh nghiep yaok thun jeng xét tagok bậc lương, ngak ka lương di dom urang ngak livik thun tagok glaong dalam tuk nan năng suất ngak oh tagok rilo jang atau tagok min oh rilo, hu tuk daok trun kayua thun praong. Meyah padheih hợp đồng saong urang ngak livik thun saong mbaoh tangin tame hợp đồng saong urang ngak ranaih meda hu rilo kein aba jang, yau ye: pren yava, năng suất lao động saong praong abih lac yaom jien bilan bair jang biak rilo.

Sở lao động – thương binh saong Xã hội tỉnh Đồng Nai brei thau: lingiu bruk jien bilan ye makna praong bo dom doanh nghiep langyah ka bruk kakak trun urang ngak praong thun lac kayua đơn hàng trun takik, blei jamraik cong nghe glaong brei hu dom urang ngak ranaih hu pato pakai…Ini lac dom makna njauk ngak, min meda tamuh tabiak dom kan kandah hadei di nan ka urang ngak padheih bruk. Phó Giám đốc Sở Lao động – Thương binh – Xã hội Đồng Nai Phạm Văn Cộng lac: Meyah makna biak di nyu lac kayua salih barau cong nghe atau kayua đơn hàng trun takik bo njauk kakak trun urang ngak bo cong ty ngak yau nan dahlak mboh bruk nan oh hu hagait piah biai. Huac lac hu makna hagiat karei hai oh, min kol dahlak oh ka mboh makna karei. Kaol dahlak jeng hu kakei urang ngak plaih padheih bruk bloh, taduam mek sa paok jien pandar cai abih blaoh  nao duah bruk ngak nan lac kan kandah ka rup drei saong kan kandah gam ka xa hoi hadei ini.

Anak bruk ini, dom pakat  công đoàn tỉnh Đồng Nai hu pasang iek, pandar doanh nghiep peih ngak njauk adat, taphia nan pathau khan piah urang ngak thau cambaih dom quyen lợi di drei, meng di nan padhieh atau ngak bruk veik. Ông Nguyễn Mỹ Hòa Giang, Phó Chủ tịch Liên đoàn Lao động ban sit Biên Hòa, tỉnh Đồng Nai brei thau: Tuk bo urang ngak harak likau padhieh bruk jeng hu công đoàn tacei brei thau ka dom sarak ini. Tapa nan, urang ngak thau hu ginup dom sarak ye urang ngak meng ngak harak likau padheih.

Yaom lac urang ngak praong thun padhieh bruk tui sarak pachreih ba di doanh nghiep di Đồng Nai oh ka rilo. Min, meng jaik 1 trieu urang ngak dalam tỉnh, dak harei dak hu rilo doanh nghiep caong pandar sarak ini, rilo panuac duh hatai lac kan si plaih hu dom bruk jhak tal an sinh xã hội, nan ye ieu gah chức năng njauk hu dom jalan ngak siam jang piah khik caga kein laba ka urang ngak dalam suai livik./.