Tui urang lambaok Cty Pousung di Khu cong nghiep Bàu Xéo, huyen Trảng Bom, tỉnh Đồng Nai, urak ini công ty ini daok gaok kan kandah ka bruk palih ruak urang hu rilo ilamu tame ngak. Yaok pluh labik ngak di ky sư dom gah yau điện, cơ khí, tự động hóa oh ka duah hu menuac yaom lac doanh nghiep hu tabiak panuac brei thau lac caong palih ruak  meng lavik paje.  Langiu bruk biar glaong meng ilamu dalam sang bac saong bruk ngak tapak, ye oh thau sap negar langiu nan lac sa dalam dom kan kandah praong urak ini. Piah duah hu kỹ sư gam ngak siam bruk, gam menyai hu sap negar langiu nan oh lac mbuan. Ong Lê Nhật Trường, Akok jabat Nhân sự, Cty Pousung brei thau: 

"Dom cty daok salih birau ky thuat yau nan ye brei hu ilamu. Piah jao brei ilamu cong nghe ye khin hu manuac naih joi piah pasram megru ilamu nan. Sang mac Pousung khol dahlak khin brei hu rilo manuac naih joi ilamu ky thuat, saong thau sap negar langiu. Urak ini, khol dahlak daok kurang manuac ngak gam thau sap negar langiu."

Tỉnh Đồng Nai urak ini hu 7 kadha brei pataom ngak dahlau dalam bruk patao pakai urang ngak hu ilamu glaong, dalam nan hu kỹ thuật glaong, tapa bac đại học atau hadei đại học. Tui kuhria dahlau tal thun 2020, meda hu labaih 90 ribau urang ngak hu ilamu glaong, dalam nan  hu labaih 1 ribau urang hu ilamu sumu dom negar langiu. Ini lac urang ngak bo rilo doanh nghiep daok kurang, duah bang sup meta jeng oh ka duah hu.

Dom doanh nghiep lac, meyah duk saong jien bilan di Đồng Nai saong Ban ray Ho Chi Minh atau dom tỉnh ban karei ye Đồng Nai oh alah hagait. Min dom abik main giải trí, labik daok, iek glang prein yawa…ye kan hu yau Ban raya Ho Chi Minh yau nan ye urang ngak klak Dong Nai nao. Ong Phạm Văn Công, Phó akaok Sở Lao động , Thương binh – Xã hội Đồng Nai brei thau: dom thun tapa tỉnh biak kham merat pato pakaiurang ngak hu ilamu ky thuat joi bruk ngak. Yaom lac dom sinh vien bac tamat duah hu bruk ngak biak rilo, hu nganh bac  duah hu bruk ngak labaih 90%, min tỉnh birau pato hu urang ngak pakat cao đẳng, trung cấp, daok bac glaong jang ye oh ka hu. Ong Phạm Văn Công lac:

 "Ngan saong urang ngak lac kỹ sư atau ngak hagait karei ye khol dahlak brei pambuak saong dom doanh nghiep piah duah atau daong palagaih ka dom sang bac pambuak saong dom sang bac kỹ thuật, dom sang bac đại học  piah ngak habar  pato pakai hu menuac ngak hu ilamu glaong brei ka dom doanh nghiep."

 Kayua  bruk bac dalam sang bac saong bruk ngak tapak nyu biar glaong jang gauk nan ye rilo urang ngak urak ini  yaom lac duah hu bruk ngak njauk yau bruk bac  min doanh nghiep brei pato veik, abih di nyu nan lac gah ky thuat, công nghệ glaong. Tiến sĩ Phan Ngọc Sơn, Akok sang bac Đại học Công nghệ Đồng Nai lac, hu 3 bruk praong ba tal bruk pato pakai urak ini oh sumu bruk ngak di doanh nghiep nan lac: labik pato pakai oh tui sumu bruk cak rok, bruk salih birau biak samar di dom janih công nghệ, mac jamriah; urang bac takik tari taring saong bruk pambuak gauk di sang bac saong doanh nghiệp oh ka khang kajap. Piah langyah hu bruk ini ye bruk da-a doanh nghiệp pambuak tapak saong sang bac piah pato pakai nan lac jalan njauk ngak. Tiến sĩ Phan Ngọc Sơn lac:

“Juai nduac tui jalan lac doanh nghiep khin mac jamriah ini ye drei nduac tui blei mac nan. Nan lac bruk suan. Doanh nghiep khin ngak tabiak dom pandap siam ye brei pambuak saong sang bac piah ngak tabiak pandap nan. Sang bac halei daok bruk sinh viên alah bac nan kadun likuh.”

   Bruk kurang urang ngak hu ilamu glaong oh lac di tỉnh Dong Nai saoh bo daok mboh di  dom tinh ban karei. Bruk nan hu dom urang ngak gah khik ramik, doanh nghiep saong dom labik pato pakai mboh meng lavik mai saong ba tabiak dom jalan ngak anak meta jeng yau suai lavik. Urang ngak di Viet Nam samar brei mek hu tanut chuan piah tame ngak bruk di dom doanh nghiep meyah oh khin kadun likuk dalam tuk yam tame dunya yau urak ini./