Yaom lac jaik tal harei tame thun bac bahrau min gru saong anek saih sang bac THCS xã Phước Thái, huyện Long Thành, tỉnh Đồng Nai yau daok daok angaok pui kayua baoh sang bac praong, siam, mek hu chuẩn negar daok mbaih mbaoh biak khang, meda lac oh daok pandar hu piah pato saong bac.  Xuân Lượng, urang vak di rayo sap ndom VN daok di ban raya HCM hu kadha vak brei thau:

Sang bac Trung học cơ sở Phước Thái hu padang ngak saong ba tame pato di thun 2004, hu 24 duk bac saong dom phòng chức năng, hội trường, labik ngak bruk… Hadei di 14 thun, sang bac ini mbaih mbaoh khang, kan si khik hu bảo an toàn ka anek saih saong gru pato. Bruk njauk biai nan lac sang bac ini mek hu chuẩn negar.

Maong meng meta jeng mboh sang bac nyu khut biak trak, daning,  bục giảng mbaih mbaoh, dom góc daning ia njom tamuh bak hareik,  angaok trần duk bac rilo candaih ximăng mbaih laik trun ala nền, mblo tabiak dom tal bê tông, dom mbaik pasei craih, rilo labik nyu kaong trun, yau ye daok cang tal tuk jaleih. Di dom labik mbaih, tok mek tangin kateik khang hasit ye nyu laik trun. Di dom labik khut trak, sang bac brei ngak paga pacang dom jalan nao, kreik pabah mbang dom duk bilik piah pacang anak saih nao tame dom labik nguy hiểm.  

Tui panuac khan di  mBan Giám hiệu sang bac, dom duk bac mboh nyu mbaih mbaoh meng kreh thun 2017. Tukvak nan sang bac hu ngak harak khan tagok UBND huyện Long Thành và Sở Pato megru tỉnh Đồng Nai piah duah jalan pasiam veik. Yau nan min hadei di rilo mbang sanya ngak pasiam piah samu tame thun bac 2018 – 2019 saong hu rilo kapul trun pasang iek, duah thau, tal urak ini sang bac jeng daok khut trak jang. Ong Bùi Đoàn Trị, Hiệu trưởng sang bac Trung học cơ sở Phước Thái, huyện Long Thành duh hatai lac: Duh hatai di abih lac bruk bac da-a di dom anek saih dalam thun bac bahrau ini meda gaok kan kandah. Tuk halei jeng mboh huac. Jeng hu pachreih gru saong anek saih pilih ruah dom labik mboh hu siam mekre khang kajap piah ôn tập ka dom anek saih di tuk akaok thun, cang gah chức năng hu jalan pasiam veik piah duh ka bruk pato saong bac dalam thun bac ini.

Daok labaih 1 adit tra lac yam tame thun bac bahrau, jalan ngak di anak meta hu ba tabiak lac sa meteh dom anek saih di sang bac Trung học cơ sở Phước Thái nao nyim veik sang bac Tiểu học Phước Thái klak piah bac tạm. Huac anek drei meda njauk bala, hu dom amaik ame hu anek bac di sang bac Trung học cơ sở Phước Thái daok likau brei anek nao bac di sang bac karei.

Amuk Huỳnh Lệ Giang, Giám đốc Sở Pato Megru tỉnh Đồng Nai brei thau, mBan quản lý dự án huyện Long Thành hu pasang iek bloh saong brei thau yaom jien piah ramik pasiam lac labaih 3 tỷ meteh. Min tal thun 2018, abih di nyu nan lac hadei di bilan hajan, sang bac daok khut trak jang nan ye UBND huyện Long Thành brei padeih bruk ramik pasiam saong hu panuac tagok Trung tâm Thẩm định (di Sở Xây dựng) pasang iek veik piah tapa nan brei pasiam veik atau jan klaak pah padang sang bac bahrau. Amuk Giang lac: Meyah mboh lac pasiam veik bo khik hu siam mekre ka anek saih meng brei ngak. Daok meyah mboh oh khik hu siam mekre ye brei jan klaak abih piah padang ngak bahrau. Urak ini daok cang Trung tâm thẩm định di Sở Xây dựng brei panuac taong yaom meng thau lac ngak habar.

Daok urang lambaok Sở Xây dựng Đồng Nai brei thau, njauk tui bruk kiểm định saong hồ sơ thiết kế di công trình, tapa nan meng thau makna saong ba tabiak jalan langyah tui njauk adat hukum.

Maong tapa, dom urang hu ilamu dalam bruk padang ngak mboh lac, sang bac khut samar meda lac kayua pandar cuah njom mbak piah ngak, công trình njom ia meda kayua njauk “rút ruột”, oh ginup oh njauk chất lượng.

Yaom lac makna kayua halei, min sa sang bac hu padang ngak praong yau nan bo khut samar tal oh daok pandar hu hadei di labaih 10 thun lac bruk kan chấp nhận hu. Tapa nan anak meta lac bruk bac da-a di 44 tal bac gam saong 1.850 anek saih di sang bac Trung học cơ sở Phước Thái njauk srau kadau. Bruk njauk biai jang nan lac, anak tal, sa meteh dom anek saih njauk daok bac di baoh sang bac oh daok an toàn ini.