Main sambai angaok krong ia 

Tukvak tapa, piah ba jalan ka du lịch cakrok, dui pachreih tuai damuai, bruk buh jien piah ngak dom bruk duh ka du lịch, abih di nyu lac dom jalan tame dom labik ravang me-in hu tỉnh sangka padang ngak. Đồng Nai hu buh jien tabiak ngak pasiam rilo jalan nao mai praong, meng nan hu prein khang piah ieu da-a doanh nghiệp buh jien tame patagok du lịch dalam tỉnh. Yau ye bruk tỉnh brei ngak pasiam jalan radaih haong jalan điện truac hadah tame dom danak dak padang ngak labik ravang me-in Thác Mai - Bàu Nước Sôi di huyện Định Quán; jalan tame labik mekre pakat negar ceik Chứa Chan di huyện Xuân Lộc; jalan tame danao Đa Tôn, huyện Tân Phú; jalan meng canah klau Bà Hào tal canah klau Trung ương Cục Miền Nam (huyện Vĩnh Cửu)…

Urak ini tỉnh hu 24 labik ravang me-in ngan saong rilo janih yau ye: ravang iek, me-in sambai, sinh thái, ilamu,… mBan khik ramik dom labik ravang me-in yau ye Labik du lịch Bửu Long, labik du lịch sinh thái Vườn Xoài (ban sit Biên Hòa), labik du lịch Suối Mơ (huyện Tân Phú, Đảo Ó - Đảo Đồng Trường (Vĩnh Cửu) hu buh jien tame ngak pasiam mbaok meta, labik me-in hu rilo janih jang nan ye hu rilo tuai thau tal saong pilih ruah tuk mai tal Đồng Nai.

Lingiu di nan, dalam luac tukvak labaih 320 thun dak padang saong patagok bhum taneh Biên Hòa - Đồng Nai, meng ilamu meng kan, meng bruk dang tagok mesruh metak di cách mạng, hu ngak ka bhum taneh ini hu rilo inem krung ilamu vật thể saong phi vật thể. Dalam tỉnh hu 57 inem mek hu xếp hạng pakat negar saong pakat tỉnh, hu jeng labik nao tal oh klaak tapa hu di tuai damuai tuk mai tal Đồng Nai yau ye: Văn Miếu Trấn Biên di phường Bửu Long - ban sit Biên Hòa, hu padang ngak meng thun1715 – aval abih di bhum taneh gah meraong, brei mboh bruk thau dhar phor, iek praong, iek glaong gru pato di bangsa. Căn cứ Trung ương Cục miền Nam di xã Phú Lý, huyện Vĩnh Cửu.

Sa-ai Nguyễn Văn Lập mai meng quận 2, ban raya Hồ Chí Minh brei thau: Đồng Nai lac labik nao tal biak lagaih di tuk puac adit ka dom tuai mai meng dom tỉnh, ban daok jaik taphia yau ban raya Hồ Chí Minh. Sa-ai hu rilo mbang pilih ruah labik nao tal ka dom mbang nao ravang me-in nan lac Bein pakat negar Cát Tiên (huyện Tân Phú, Đồng Nai). Taphia di nan, di tuk puac adit, dom bein phun mbang baoh di huyện Xuân Lộc atau ban sit Long Khánh, huyện Vĩnh Cửu lac labik pilih ruah biak lagaih ka abih menuac praong sit sit dalam sang mai ravang iek dom bein pala dom janih baoh kayau, padeih padei dalam bein hijao la-an bingi..

Gam haong nan, Đồng Nai jeng hu padang du lịch sinh thái pambuak haong ravang iek inem krung ilamu, pilih ruah dom inem krung ilamu lagaih ka patagok bruk ravang me-in piah padang tagok, ngak jeng labik du lịch sinh thái pambuak haong inem krung ilamu, padang hu rilo janih ravang me-in piah patagok bruk dui pachreih tuai damuai, meda padang dom labik ravang me-in piah patagok yaom glaong di inem krung pambuak haong dom bruk du lịch yau: du lịch sinh thái pambuak haong ravang iek, duah thau dom inem krung ilamu di labik Khik ramik Langik tasik - Ilamu Đồng Nai;  du lịch sinh thái di Bein pakat negar Cát Tiên (huyện Tân Phú) pambuak haong inem krung pakat negar Óc Eo. Tỉnh jeng hu padang, pambuak bruk ravang iek inem krung pakat negar Văn miếu Trấn Biên (ban sit Biên Hòa) – labik ravang me-in Bửu Long (ban sit Biên Hòa) – Palei kruac bung Tân Triều (huyện Vĩnh Cửu); labik ravang iek inem krung pakat negar kubo klak Hàng Gòn (ban sit Long Khánh) – Dom labik du lịch sinh thái Bein Long Khánh (ban sit Long Khánh) – labik mekre hu angan pakat negar ceik Chứa Chan (huyện Xuân Lộc); atau ravang iek Đền thờ Nguyễn Hữu Cảnh - Chùa Ông jeng daok dalam ban sit Biên Hòa pambuak haong du lịch sinh thái kraong Đồng Nai.

Gam haong nan, gah Ilamu -Thể thao saong Du lịch tỉnh jeng patagok bruk padang ngak dom danak dak daoh tamia meng kan yau đờn ca tài tử, rối ia, cải lương; padang Lễ hội Sayangva di urang bangsa Chơ Ro jeng pandap du lịch; pambuak haong dom Cty du lịch piah ba tame dom danak dak  ravang me-in yaih khan tal tuai damuai, patagok pathau khan labik du lịch sinh thái saong inem krung ilamu, sangka padang ngak saong yaih khan angan du lịch Đồng Nai./.

Urang lang: Mousaphuong-28/11