Pathau mikva saong taong abih gauk!

Hu taong yaom lac bhum taneh lagaih piah ngak du lịch min jien mek tame meng bruk du lịch di bhum taneran kraong Cửu Long biak takik, oh ka tal 3% di taneh ia. Thun 2014, yaom pandar cai di tuai dunya di bhum ini jaik 840 ribau đồng sa harei melam (samu 40 USD); harei daok veik kuhria rah tapa hu 1,77 harei; dalam tuk nan, harei daok veik di tuai nội địa lac 1,1 harei. Kuhria abih yaom pandar cai saong tukvak daok veik jeng biar jang bình quân di taneh ia. Dalam tuk cơ sở hạ tầng daok ralo kan kandah, bruk rap ar saong hacih saat meda daong ka du lịch bhum taneh "9 ine girai" par tagok. Kadha vak di kapul urang vak di rayo sap ndom VN daok di bhum taneran kraong Cửu Long.

Melam peih mbaok thun du lịch pakat negar 2016 Phú Quốc - bhum taneran kraong Cửu Long ngan saong kadha "duah thau bhum taneh gah meraong" biak praong prang angaok sân khấu; min langiu jalan, dom labik du lịch, dom công trình duh ka thun du lịch jeng daok srau kadau, oh ka ngak bloh. Rilo jalan phố, rilo takai jalan oh ka tauk bloh, pandap piah ngak yau cuah, radaih, kaik dauk jeng mbuk tapen jalan. Phú Quốc tame bilan du lịch tabung glaong min jeng daok uể oải, tạm bợ yau dom thun dahlau daih. Sa biểu tượng karei di gah du lịch tỉnh Kiên Giang, labik inem krung danh thắng pakat negar Hòn Chông di huyện Kiên Lương, labik dui pachreih tuai tamuai dak harei dak joa lange. Saai Nguyễn Thị Huệ, sa urang tuai mai meng Vĩnh Long lac:

"Dahlak mai ini mbang camereip atah di ini jaik 15 thun min 15 thun hadei jeng oh salih barau hagait. Mblang tasik daok nerak, quán pablei pandap ralo min oh hacih saat. Mbang menyum daok lụp xụp oh ka salih barau hagait".

Urak ini, dom labik du lịch bhum taneran kraong cửu long daok đơn điệu. Lingiu di labik du lịch tasik pulao Phú Quốc, ye ralo puk palei barau pataom tame ngak du lich pagam pambak tame kraong ia, bein kayau saong đơn ca tài tử. Dom bruk ngak ini biak dreih gauk. Kayua yau nan ye, bruk dui pachreih tuia du lịch oh glaong. Ong Nguyễn Văn Quý, sa doanh nghiệp Hà Nội buh jien tame ngak du lịch di cồn Thới Sơn, ban sit Mỹ Tho, tỉnh Tiền Giang ndom lac:

"Ka sa jhui ngak mbang manh mún. Ka dua brei hu chuyên nghiệp, dom hướng dẫn viên nội địa oh ka hu megru bruk ngak . Jalan ngak dreih gauk lô, abih di nyu nan lac merak gauk oh siam ngak ka urang nao bloh oh mai veik",

Du lịch tỉnh Đồng Tháp, tapa labaih sa thun peih ngak đề án patagok du lịch, jeng daok patagok suai damuai; daok đơn điệu, chất lượng dịch vụ oh ka glaong. Bruk njauk biai nan lac, dom panuac di tuai damuai brei mboh, ilamu ngak bruk di dom urang ngak du lịch oh ka chuyên nghiệp.

Tui ong Lê Minh Hoan, Bí thư Tỉnh ủy, akaok mban tacei pato Đề án patagok du lịch tỉnh ini, piah ka gah du lịch Đồng Tháp saong abih bhum taneran kraong Cửu Long patagok, bruk salih bahrau akaok meti lac meng dom urang ngak du lịch. Menuac ngak du lịch brei chuyên nghiệp; meng panuac ndom puac, daok dang, meta maong, cambuai klao... jeng brei mboh hu hatai iek praong tuai damuai.

"Bruk chuyên nghiệp di dom urang ngak du lịch daok biar, dalam nan hu gam dom urang khik iek du lịch atau kapul urang di yaok labik, yaok tuyến du lịch… Du lịch Đồng Tháp patagok brei peih tabiak meng dom urang ngak du lịch, meng menuac ngak du lịch di tỉnh".

Dalam tuk cơ sở hạ tầng daok ralo kan kandah, phaok thủ tướng rajaei Vũ Đức Đam ndom lac, jalan piah ngak kaya meng du lịch lac ngak siam 2 bruk, nan lac hacih saat saong thái độ: "taong abih labik, taong abih janih meng praong tal sit jeng brei hacih. Taong abih panuac ndom puac, daok dang, meta maong, cambuai klao jeng brei mboh, brei tabiak meng hatai iek praong tuai damuai".

Tui ong Trần Đạt Duy, Phaok akaok Hiệp hội du lịch bhum taneran kraong Cửu Long, kadha "hacih saat saong thái độ" brei hu mbang dalam tame akaok sahneng di karja saong bhap bini piah jeng bhian randap bahrau dalam bruk ngak:

 "Ini oh lac bruk di du lịch bo daok lac bruk di gah pato megru, ilamu, di XH. Urak ini akaok saneng diuk rai di anek menuac lac diuk rai ka drei ralo jang diuk rai hong gauk. Bruk ini ngak kan kandah biak praong tal bruk patagok du lịch ngak ka kol drei oh patagok hu bo tuai damuai meda nao tal dom taneh ia karei daok merak gauk khang saong kol drei".

Bhum taneran kraong Cửu Long lac vựa padai praong abih di taneh ia. Dom kraong ribaong biak rilo, dom kaoh, pulao, bein kayau, hamu saong bein phun mang baoh praong ngak jeng dom labik du lịch biak karei di bhum tanerak kraong Cửu Long. Labik ini daok hu 6 inem krung praong pakat negar, hu dom baha, kandi, miếu; dom labik khik ramik sinh quyển, bein negar. Abih di nyu nan lac, bhum taneran kraong Cửu Long daok hu dom mblang tasik atah labaih 700 km saong hu dom pulao biak siam, daok tamo…

Piah khai thác abih pren khang du lịch ini, karja saong bhap bini brei ba tangin tame ngak, camereip abih meng bruk ndom puac daok dang saong hacih piah tuai damuai biak njauk hatai; tapa nan, padang hu rup binguk siam ka anek menuac, ka du lịch bhum tanerak kraong Cửu Long ngan saong tuai damuai dalam saong langiu taneh ia./.