Du lich Binh Thuan siam lagaih dalam bilan tuai dunya

Pathau mikva saong grauk yut ! Urak ini, tuk bilan du lịch hè barau abih, dom doanh nghiep du lich Binh Thuan daok jar var kuhria caga ka bilan raok tuai dunya thun 2015. Tui Hiệp hội Du lịch Bình Thuận, yaom lac tuai Nga oh daok hu rilo yau dahlau thiah, min bilan tuai dunya thun ini jeng biak siam lagaih kayua hu rilo janih tuai du lịch. Kadha vak “Du lịch Bình Thuận siam lagaih dalam bilan tuai dunya” di Việt Quốc, urang vak di rayo sap ndom VN daok di ban raya HCM brei thau ka bruk ini :

Bilan 9 lac tukvak salih meng bilan du lịch hè tapa bilan du lịch dunya di Mũi Né, Phan Thiết. Tuai du lich daok takik nao, min tuk ini dom doanh nghiệp du lịch jeng daok jar var, kayua daok kuhria caga ka bilan ngak bruk praong abih dalam thun. Bruk buh jien tame ramik pasiam cơ sở hạ tầng, paglaong chất lượng dịch vụ hu dom cơ sở du lịch pak ini sangka.

Hoàng Ngọc resort lac sa dalam jaik 100 labik padeih padei pakat glaong daok rah tapen tasik Mũi Né. Cơ sở ini barau ramik pasiam dom duk padeih padei, danao luai ia saong nhà hàng. Hu dom labik hu ramik bahrau veik. Bruk ini oh karei hagait duk saong yaok thun tuk kuhria caga yam tame bilan tuai dunya. Tok karei hasit di labik lac thun ini tuai du lich Nga oh daok hu rilo. Ông Lê Ngọc Hà, akaok khu padheih padei Hoàng Ngọc resrort brei thau : 3 - 4 thun dahlau, kol dahlak pachreih hu biak rilo tuai Nga. Min, hadei di tuk khủng hoảng kinh tế jien padai, tuai Nga trun daok takik. Salih tame nan kol dahlak ba tabiak jalan nao barau, pamaong tal tuai dalam bhum pambuak bruk nan lac Campuchia, Lào, Mã Lai saong Indonesia piah hu rilo tuai barau .)

Meng livik mai, tuai du lich dunya mai Bình Thuận rilo meng tapa dom công ty lữ hành di dunya. Tui kuhria mboh di dom đơn vị lữ hành, bilan du lịch dunya thun ini tuai Nga meda takik jang yaok thun kayua khủng hoảng kinh tế di Nga, abih di nyu nan lac kayua tỷ giá jien Rúp duk saong Đô-la. Dak kan kandah, dom đơn vị lữ hành dak kham merat abih drei, duah abih jalan piah khik hu tuai Nga mai VN jeng ye mai Mũi Né - Bình Thuận .

Ông Lê Văn Nghĩa, akaok Công ty lữ hành dunya Nhật Minh, saong lac lambaok ka hãng Transaero Airline bhian ba tuai Nga mai Nha Trang saong Mũi Né brei thau : Urak ini kol dahlak hu lịch par ka taong abih danakdak ka bilan la ar thun ini. Tuai Nga meda mai, min oh hu rilo jang, oh khang yau dahlau thiah. Kayua dom thun dahlau thiah, tuai Nga mai VN thun hadei rilo jang dua mbang thun dahlau. Min, thun ini oh hu rilo jang dua mbang tra, meda hu sa mbang meteh atau khik hu tanut yau thun dahlau nan jeng lac bruk biak uan tabuan.

Ông Nguyễn Văn Khoa, akaok Hiệp hội Du lịch Bình Thuận brei thau, urak ini dom cơ sở padheih padei pakat glaong di Bình Thuận oh daok pataom tame sa janih tuai Nga, dom doanh nghiep dalam hiệp hội hu salih tapa rilo janih tuai karei. Tuai dalam khối ndom sap Lo yau Hồng Kông, Đài Loan saong Trung Quốc đại lục daok hu rilo veik lac bruk njauk uan tabuan. Gam saong nan, du lịch Bình Thuận daok pamaong tal dom darak pasal karei dalam khu vực Châu Á yau Ấn Độ, Hàn Quốc, Nhật Bản, Thái Lan, Mã Lai, Indonesia… kuhria gam Lào saong Campuchia.

                                                                         (Tiếm năng biển là lợi thế trong liên kết phát triển du lịch của Bình Thuận; Ảnh: Nguyên Vũ)

Jeng tui kuhria mboh di Hiệp hội Du lịch Bình Thuận, thun ini, kinh tế dalam taneh ia daok tagok siam, hu oh takik tuai du lich dalam taneh ia hu jien mek tame glaong saong khá meda rami ramik nao du lịch tuk halei jeng hu, oh njauk lac bilan la la ar atau bilan hè. Langiu di nan, jalan roya 1 barau ramik ngak blaoh, jeng ye bruk ba tame pandar jalan cao tốc ban raya Hồ Chí Minh - Long Thành - Dầu Giây, ba mbuan lagaih ka bruk nao mai di dom tỉnh, ban dalam bhum saong dom labik du lịch di Bình Thuận. Yau nan ye, tuai dalam taneh ia tui kuhria mboh dahlau hu mai Mũi Né, Phan Thiết rilo jang. Ông Nguyễn Văn Khoa, akaok Hiệp hội Du lịch Bình Thuận ndom lac : Hadei bilan hè ini, dom doanh nghiệp du lịch hu ramik veik cơ sở vật chất jeng ye chất lượng dịch vụ di drei, ramik pasiam tagok piah caga taduan raok tuai bilan la ar. Meng bruk caga yau nan saong bruk kuhria mboh dahlau darak pasal yau nan, kol dahalk sahaneng lac anak tal meda hu sa bilan du lịch siam lagaih jang.) 

Bilan tuai dunya meng kreih bilan 10 tal bilan 4 thun hadei. Meng dom hagait hu kuhria caga bloh, gah du lich Binh Thuan jia lac daok pachreih hu tuai du lich, khik kajap angan du lịch Mũi Né – Phan Thiết dalam bản đồ du lịch dunya./.