Bình Thuận hu rilo mblang tasik biak siam 

Hadei di labaih sa bilan padeih  bruk, rilo harei tapa, labik ngak mbang gah brei pah labik ndih Trường Ca Hotel di muk Trần Thị Bảo Trâm daok di ban Phan Thiết, tỉnh Bình Thuận hu peih pabah mbang veik. Piah khik hu bruk pacang caga jit Covid-19, muk Trâm hu blei pandap khik caga rup ka urang ngak,  dut iek pandiak dalam rup ka tuai mai, pabak ginup pandap piah rao tangin, pametai anek ruak saong khik bruk daok atah di gauk tuk taom gaok.

       "Khol hulin khan ka tuai thau, meyah mboh patuk atau pandiak ye samar khan brei thau, piah khol hulin ieu ka gah y tế mai dong. Kol hulin ngak catang bruk khai báo tạm trú".

Tui saai  Võ Xuân Nghĩa, Akaok pasak Thông tin xúc tiến du lịch Bình Thuận, langiu di bruk pathau khan dom jalan pacang caga  jit  Covid-19 tal dom labik  ngak mbang gah du lịch, brei pah labik ndih, labik mbang menyum song lữ hành, gah du lịch Bình Thuận hu rilo jalan ngak piah dui patagok veik  gah  du lịch. Dalam nan hu ba tabiak pok dui pachreih prong  dalam 3 thun  hu angan ieu lac “Oh Wow! Mũi Né” (tatuak drei Mũi Né):

      "Danak dak ni pamaong tal atah dhua, kayua dalam tuk vak ni oh ndom hu bruk hagait, kayua jit ruak oh ka thau tuk halei meng abih. Khol hulin thau lac yau nan. Song danak dak hu mbaok di  Hiệp hội du lịch, dom gah karei hu pambuak pagam tal yau gah pajeng ba, mbang menyum song dom bruk karei. Khol hulin ngak pataom veik piah ngak jeng pandap du lịch biak siam".

Saai Nguyễn Cảnh, trợ lý điều hành Pandanus Resort di  Mũi Né brei thau, tapa “Oh Wow! Mũi Né”, rilo doanh nghiệp du lịch, lữ hành song dịch vụ di tỉnh hu mbaok tame danak dak patabiak thẻ VIP ưu đãi tagok tal  50% dalam tukvak  3 thun (2020 - 2022) tong abih dom bruk brei ka tuai dok dalam song langiu negar tuk mai rivang  Mũi Né - Bình Thuận:

"Cong khin lac danak dak ni meda jhul patagok labik mai tal, yaih khan labik rivang main khang jang piah dui pachreih tuai damuai dok dalam song langiu nergar. Saong kol khol hulin jeng hu dom danak dak patrun yaom biak pachreih yau patrun yaom  25%  bruk mbang huak, trun yaom  30% ka  dịch vụ spa"

Dalam tuk jit ruak pambak praong, rilo negar hu peih bruk brei daok atah di gauk, brei takik nao mai nan ye bruk rivang sirah trun khang. Meng akaok thun tal ni , tuai  du lịch mai tal  Bình Thuận rivang main, padeih padei trun  30% dut song tuk vak ni thun  2019. Jien mek tame meng gah  du lịch Bình Thuận dalam bilan  3 meng bloh bahrau hu jiak  775 tỷ đồng, trun  37% dut song thun bloh.

Muk Lê Thị Mỹ Hạnh, Akaok Điều hành Sunny Beach Resort di  Mũi Né brei thau: piah pasiam veik dom kan kandah kayua jit Covid-19, langiu di bruk hu mbaok tame danak dak “Oh Wow! Mũi Né”, Sunny Beach Resort jeng hu jalan ngak mbang cambaih laih ka yaok drak pasa, abih di nyu nan lac drak pasa dalam negar  dalam mbang padeih  lễ 30/4 song 1/5 yau pambuak song dom gah peih danak dak   “Bình Thuận dahlak anit ranam”. Hu mbaok tame danak dak, tuai hu tame  khu resort duah thau, main sambai, mong tasik, menei hồ bơi oh abih jien song mbang dom pandap mbang di bhum tasik ni ngan song yaom mbiah, lap:

           "Dalam tuk vak ni tuai bo dok, hu mai blaoh saong daok mai tal Sunny jeng yau labik  du lịch Mũi Né ye lac biak njauk iek praong, yau nan ye brei hu jalan ngak iek glang tuai damuai biak siam. Khol hulin ba tangin tame pambuak gauk, yaok gah, yaok doanh nghiệp hu sa pandap karei di drei, min oh lac taeng ka đơn vị drei bo njauk pamong tal patagok angan je du lịch Mũi Né, Bình Thuận ka nyu siam di abih"  

“Pren khang” di du lịch Bình Thuận lac tasik hajao, cuah patih, pandiak katam, dalam nan  Mũi Né lac sa dalam labik dui pachreih di abih ngan song  dom  resort hu tasik daok gah likuk. Piah tagok gah du lịch, Ubbhap bini  tỉnh Bình Thuận hu pah gah McKinsey & Company (Mỹ) padang danak dak patagok du lịch Bình Thuận, dalam nan hu  labik  ravang me-in pakat negar  Mũi Né tal thun  2025, pamong tal thun 2030. Meng rilo jalan ngak bahrau, Danak dak daok pamaong tal bruk lac meda taduan raok hu labaih  13 triệu mbang tuai mai ravang me-in dalam thun 2025, dalam nan hu jiak  2,5 triệu tuai negar langiu.

Lingiu di bruk ba tabiak dom pok dui pachreih du lịch, tỉnh jeng hu dom sarak cambaih laih ka bruk kak je, bảo hiểm xã hội… piah daong ka urang ngak gah du lịch; dom doanh nghiệp jeng hu pasang iek gah jien pah taneh, brei dui atah tukvak kak je saong gilang pariak. Meng nan patrun khat lahik ka gah du lịch, hu maong lac gah ngak mbang praong di tỉnh Bình Thuận, piah lagaih haong tukvak bahrau di jit ruak Covid-19./. 

Urang lang: Hanipha 9/5