Dalam tuk Tết Nguyên đán meng bloh, Ninh Thuận raok hu labaih 25 ribau mbang tuai mai rivang main, padeih padei, tagok  18%  dut song tuk vak ni thun 2016. Dom labik pachreih hu rilo tuai damuia lac khu du lịch tasik Cà Ná, Bình Sơn – Ninh Chữ; Vịnh Vĩnh Hy; Bimaong Poklongrai, rivang bein nho… Dalam nan, dom resort tapen tasik, tuia damuia negar langiu  hu labaih  50%.  

Chợ Nại di ban sit  Khánh Hải, huyện Ninh Hải hu angan saong rilo janih kaya ikan that bahrau tong chap. Urak ni dok tame tuk ia bulan hadah, nan ye bruk tong chap kaya ikan di mikva hu mbuan lagaih, sản lượng tagok jang dut song yaok harei, dalam nan rilo meng lac dom janih yau hadang, mực, ghẹ, ikan dom janih. Kaya ikan di pasa yaom mbiah, that, bingi, nan ye rilo tuai damuai tuk mai du lịch Ninh Thuận jeng duah tal piah blei. Saai  Nguyễn Thị Thảo Vy, tuai mai meng tỉnh Đồng Nai brei thau 

Pasa di labik ni pablei ikan bingi, kaya ikan bahrau tong chap tagok ba tame bến, nan ye kaya ikan gam that gam bingi.

        Mblang tasik xã Vĩnh Hải, huyện Ninh Hải hu labik ia kaoh praong jiak takai tasik, hangin  yuk khang nan ye biak lagaih piah pasram dom môn thể thao  angaok tasik.Tuk vak jiak di ni, abih di nyu nan lac tuk puac adit, mblang tasik palei Mỹ Hòa pachreih hu rilo tuia damuai dunya takre janih thể thao mạo hiểm lướt ván diều mai pasram, me-in sambai song mong iek labik gheih, mekre. Saai Lại Hoàng Phi, urang main  lướt ván diều lac  

         Hulin main janih ni lavik thun ye, me-in di rilo labik, min di Ninh Thuận ni hu rilo siam lagaih. Yaok thun hu rilo tuia damuia bahrau mai ini main, thei jeng takre, njauk lac biak takre labik ni, joa kandang hangin pandiak biak siam.

          Mai tal Ninh Thuận, tuai damuai jeng mboh njauk hatai song dom mblang tasik siam, hacih, mekre, hu mbang dom janih kaya ikan that bingi. Meng bruk karei yau nan di du lịch NT nyu ngak ka tuai damuai kan var hu saong dak harei dak dui pachreih hu rilo tuai damuia dalam song langiu negar./.