Biar harei sup 7/2/2017,  Liễu Nương peih radaih mac pajeng saai kamei nao me-in. Tuk daok padeih gom meraih di canah pak Trần Hưng Đạo- Nguyễn Thái Học (phường Cầu Ông Lãnh, Quận 1), dua adei saai mboh sa urang likei ndaoh kadung jien di amuk taha daok la pablei bingu di tapen jalan. Oh sahneng hagait, Nương peih radaih pagui tui, gam pagui gam preo piah hu urang nao jalan daong. Tuk tapa truh tatua Ông Lãnh, radaih di dua adei saai nduac dil ja blah. Tuk ini, ja blah nyu ngak ka-mbuan yar kadung jien barau ndaoh hu mai gah dua adei saai Mai bloh ndom lac: “Oh hu hadom jien bo ngak kanjah nday, bayar veik ini”. Yaom lac meyai yau nan min nyu oh padeih nduac. Dua adei patui pagui cap tapa ralo jalan, tal sa hẻm angaok jalan Lê Quốc Hưng, anak darak pasar Xóm Chiếu, hu wa peih radaih kua saong ralo bhap bini daong, radaih di Mai ép hu radaih ja blah ngak ka nyu jaleih radaih. Yaom lac yau nan min ja blah nyu daok khang pabah ndom lac urang kamei cap meluk menuac. Tuk nan Nương khan veik ka urang pang gam hong bằng chứng lac kadung jien di amuk taha daok hu vak angaok radaih ngak ka ja blah oh kamaih hu. Hadei di nan, công an phường 12, Quận 4 hu mbaok, ba ja blah nao trụ sở.

 Baoh sang di dua adei saai Liễu Mai, Liễu Nương daok dalam sa hẻm sit di Phường 3, Quận 8. Njauk nao tapa ralo canah jalan meng duah hu sang. Kayua baoh sang sit bo hu ralo urang daok nan ye mek labik mblang sit anak hẻm ngak labik taduan tuai. Dom urang dalam puk – jeng lac urang lao động, biak chreih chrai tuk mboh tuai mai me-in min oh thei thau bruk dua adei saai barau cap blah. Tapa ndom meyai, Mai brei thau, tuk nan adei oh saneng hagait ralo, tok mboh anit amuk taha daok la pablei hasit bingu lài, duah hasitg jien bo daok njauk blah nan ye kham merat pagui tui. Bruk bo urang kamei ini suh sah lac pak di canah pak hu ralo urang mboh jeng yau luac tukvak pagui cap hadei nan, oh hu thei daong pagui cap. Liễu Nương lac:

 “Adei jeng hu ralo mbang gaok blah nyu ndaoh pandap, adei kham merat preo bo oh hu thei daong adei! Tapa bruk adei saong amuk taha, adei caong hu ralo bhap bini hu mbaok cap blah saong trấn áp tội phạm yau dom saai hiệp sĩ đường phố”.

Tapa xác minh thau lac ja blah nan angan Phù Sinh (umo 37 thun, daok di Quận 4). Urak ini công an Quận 1 daok duah thau bruk blah nan saong hu khan brei karja labik dua adei saai Liễu Mai – Liễu Nương daok piah pok meyaom. Thượng sĩ Nguyễn Phi Khanh- Cảnh sát khu vực Công an Phường 3, Quận 8 brei thau:

“Dalam hatai mboh sambai kayua pak di labik drei hu urang biak siam, dũng cảm. Taphia di nan dahlak hu khan tagok mban chỉ huy công an phường piah pok meyaom kreih camin urang siam bruk siam di khu phố, dalam phường; saong brei peih praong kreih camin dalam bruk bhap bini khik caga an ninh palei negar”.

Piah khik ramik sron mbon ka rai diuk, langiu bruk kham merat di dom gah chức năng, caong lo bruk hu mbaok di bhap bini tui điều kiện saong khả năng di yaok urang. Taphia bruk pok paglaong hatai sangka, meyah thei jeng kham merat hu mbaok cap mek kol co blah yau adei saai Liễu Mai – Liễu Nương ye bruk kanjah, bruk jhak samar hu jhul kadul likuk./.