Bhau dang di sang mac nhiệt điện Vĩnh Tân 

Tui Sở Công thương tỉnh Bình Thuận, dalam 5 thun tapa, 4 sang mac nhiệt điện tuh tabiak jaik 11 triệu tấn bhau, min urak ini tok hu jaik 1 triệu tấn hu langyah, ba pandar veik, daok 10 triệu tấn daok pataom pambuk di mblang caik. Bhau dang ini hu ba nao lam di dom mblang prong, bruk xử lý, ba pandar veik janih pandap ini daok gaok biak rilo kan kandah. labik pataom caik bhau sang máy nhiệt điện (NMNĐ) Vĩnh Tân 1 praong jaik 60ha, pren padang caik hu jaik 7,5 triệu tấn. Sang mac hu tuh bhau meng bilan 4-2018, tal harei ini hadei di labaih 2 thun pataom caik hu jaik 3 triệu tấn. Dalam tuk nan, mblang pataom caik bhau sang mac nhiệt điện Vĩnh Tân 2 pandar gam haong sang mac nhiệt điện Vĩnh Tân 4 saong Vĩnh Tân 4 peih prong angaok mblang taneh prong labaih 38ha, pataom caik jaik 9,3 triệu tấn. Mblang pataom ini hu ba tame pandar meng thun 2015, tal urak ini dom bhau dang pataom caik jaik 6,8 triệu tấn. Yau nan, langiu mblang caik di nhiệt đi Vĩnh Tân 1 daok taduan mek hu ye thể tích di mblang taduan mek bhau di 3 sang mac daok veik oh hu rilo.

   Tukvak tapa, hu dom vaktu, bruk peih ngak di dom sang mac nhiệt điện di tỉnh Bình Thuận ngak ka bhap bani duh hatai. Makna lac thur mur meng bhau oh hu xử lý njuak jalan saong dom bau ba lam biak prong daok ngak ka nyu par tabiak, pambak tal dom labik daok jaik taphia nan di bhap bani. Tui yaok pataom, dom sang mac nhiệt điện labik ini yaok thun tuh tabiak meng 3 - 4 triệu tấn bhau. Meyah oh hu dom jalan ngak siam laghaih piah langyah ye ngan haong bruk ba lam yau urak ini, dom mblang pataom caik bhau samar bak oh daok labik caik saong mbuan ba tal nerak tachauk alam môi trường biak prong.

   Dalam dom thun tapa, tỉnh Bình Thuận gam haong dom mentri, ngành ba tabiak rilo jalan ngak piah xử lý hareik klaak tabiak meng nhiệt điện yau bruk pandar veik bhau piah ngak kiak padang ngak sang, tuh mblang, ngak jalan nao mai… Yau nan min, tal urak ini tukvak peih ngak daok suai damuai kayua rilo makna di nyu. Tui ong Hà Lê Thanh Chung, Phaok Akaok Sở Công thương tỉnh Bình Thuận, yaom lac dom po buh jien tame ngak sang mac nhiệt điện di Pasak Điện lực Vĩnh Tân hu daong ka dom jabat chức năng taduan mek bhau dang min jeng oh ka yau hatai caong khin. Makna di nyu: kayua dom sang mac nhiệt điện daok atah labik ngak tabiak xi măng saong baoh sang blei pandar vật liệu prong di dom tỉnh bal gah Meraong nan ye biak kan kandah dalam bruk pajeng ba; bruk pajeng ba janih pandap ini tui jalan tasik lahik biak rilo jien; takik hu labik pandar veik bhau dang di puk palei saong dom tỉnh jaik taphia, pren taduan mek jeng daok biar; kadha bhian randap pandar pandap padang ngak hu ngak meng bhau oh ka hu bhap bani pachreih tui. Dom kadha ini daok pambak tal dom bhau dang hu xử lý.

   Dalam tuk nan, tui Sở jalan mbak pajeng ba tỉnh Bình Thuận, bruk pandar bhau dang piah ngak jalan bê tông jeng daok tavak. Cambaih laih, tiêu chuẩn negar ka bhau dang piah ngak nền jalan radaih ô tô tok hu brei thau dalam adat, tacei pato rah tapa, oh ka hu tacei pato ilamu kỹ thuật chuyên ngành nan ye bruk ba tame ngak njauk tapa dom bruk ngak iek dalam duk bilik saong peih ngak iek di gah lingiu piah hu bruk ramik veik ka nyu laghaih. Kayua yau nan ye oh ka ril daong langyah hu khối lượng bhau dang biak prong di Pasak Điện lực Vĩnh Tân urak ini.

  Anak bruk yau nan, bahrau ini, UB bhap bani tỉnh Bình Thuận daok hu harak gar tacei pato dom jabat pambuak tal, langiu di bruk duah labik piah pandar veik bhau dang, ye njauk samar pok panuac likau ba tabiak dom jalan ngak pachreih, brei pandar dahlau janih pandap ini piah tuh mblang, ngak nền dom jalan nao mai dalam tỉnh njauk haong dom tiêu chuẩn hu ba tabiak. Ini hu mong yau jalan ngak siam laghaih piah gam langyah hu dom bhau dang daok pataom mbuk, gam khik ka alam môi trường oh njom nerak tachauk./.

Urang lang: Jasi-24/8