Ruak suy giãn tĩnh mạch lac ruak bhian mboh di urak ini

  Tui yaok pataom di dom roh duah dịch tễ học dunya, hu meng 30%-40% menuac sia umo dam dara njauk ruak suy giãn tĩnh mạch, min bhian oh thau lac drei njauk ruak. BS Lê Thanh Phong, Chuyên khoa blac raih rak darah, Sang iek ruak Chợ Rẫy brei thau, ruak suy giãn tĩnh mạch lac darah tĩnh mạch oh nduac tui jalan bo nyu sre tabiak gah langiu, lac labik njauk gar darah. Kayua rilo kadha ba tal bruk karei di van tĩnh mạch, ngak brei darah nduac cagar, dang sa labik, darah nduac saong catang dalam tĩnh mạch suai lavik ba tal ruak suy tĩnh mạch mạn tính.

BS Lê Thanh Phong brei thau: “Tuk kol drei dang tapak, darah dalam tĩnh mạch brei janeh prein kateik tagok piah nduac tame boah hatai. Bruk nan kayua lực hút meng ta-da tapa suak yava tame tabiak saong bruk pambuak gauk siam di dom van tĩnh mạch saong dom cơ chi gah la. Yau ye, tuk ko takai, dom van tĩnh mạch peih tabiak, darah nduac tame tim. Tuk cơ di takai cadu tabiak, dom van kareik veik, daong ka darah oh nduac trun ala hu. Taong abih bruk nan iew lac bơm tĩnh mạch. Tuk van khut, darah nduac cagar veik. Lingiu di darah nduac meng takai tame baoh hatai, meneing darah nduac cagar veik. Ngak darah dang, tagok áp lực dalam tĩnh mạch, ba tal ruak viêm tĩnh mạch, cadu tĩnh mạch”. 

Jeng tui BS Lê Thanh Phong, tuk ruak suy giãn mạch, urang ruak mboh pandik takai saong mboh glaih glar yau trak takai, lagah, pandiak, katan saong plaik baoh patih tuk melam. Dom ruak nan meda trak jang tuk urang ruak dang atau daok ala saong takik pandik tuk caik takai glong atau nao tabak. Dom ruak nan, urang ruak mbuan meluh saong ruak talang atau thần kinh ngoại biên. 

Hu rilo kadha ba tal suy giãn tĩnh mạch, yau limek labaih kilo saong kayua “di truyền”. Dom roh duah brei mboh, dom urang hu amaik ame ruak suy giãn tĩnh mạch  ye mbuan njauk ruak tal 90%. Langiu di nan, bruk bhian jauh takhaok glaong saong ngui cuk khan ao kapaok ginuk rup jeng mbaun ba tal ruak suy giãn tĩnh mạch. BS Lê Thanh Phong hu panuac kakei lac, piah plaih ruak suy giãn tĩnh mạch njauk brei salih bruk bhian randap di drei yau takik dang suai lavik atau daok ala suai, brei pasram rup pabhap, oh brei lamek labaih kilo, juai ngui cuk khan cak rup, takik nao tagok glaong…

Urang lang: Ái Nghiêm -5/12