Tui bác sĩ Trương Hữu Khanh, dom F0 daok taong ruak di sang iek ruak atau daok hu brei daok karei di palei atau di sang, tuk mboh hu 6 triệu chứng hadei ini njauk khan brei ka jabat y tế thau chip:

Ka sa lac kan suak yava: tuk daok ndih ndang bo mboh kan suak yava rilo ye njauk daok la tagok, atau daok la min daok tapak drei meng mbuan suak yava jang.

Ka dua lac suak yava samar, labaih 20 mbang sa minit.

Ka klau lac bhian mboh pandik di cada.

Ka pak, meyah hu pandap dut SPO2 (nồng độ bão hòa oxy dalam darah ngoại vi) kapik akaok tangin, njauk caik hatai tuk nyu trun daok ala 95%.

Ka lime lac urang ruak oh daok thau hagait.

Ka nam lac tuk cambuai, kalik, kakau tangin sambo bleit, atau jum jhuk veik.

Nan lac dom kadha brei thau lac ruak COVID-19 daok ngak trak tagok jalan suak yava. Tuk nan, mikva njauk iew phon chip tal y tế phường meyah daok di sang, iew urang y tế meyah daok di sang iek ruak atau daok di labik brei daok karei pataom sa labik. Langiu di nan, F0 brei bình tĩnh daok la luai suan (suak yava) dalam tuk daok cang, meda ndih tapak ka nyu mbuan luai suan jang dalam tuk cang y tế mai daong. 

Jeng tui bác sỹ Trương Hữu Khanh, hu urang kan suak yava tok lac báo động ja, makna mai meng huac rilo. "Piah thau lac kan suak yava ja biak mbuan: daok la blaoh suak yava biak dalam, luai suan meng idung, ka nyu bak ngin tame hatian, hadei di nan suak yava tabiak meng pabah. Meyah ngak hasit blaoh mboh mbuan luai suan jang, atau hu sa bruk hagait ngak brei caik hatai sahneng, hadei di nan eng drei mboh... mbuan luai suan gilac veik, ye "kan suak yava" nan lac bruk ja. Oh hu bruk urang njauk ruak COVID-19 trak tagok bo tuk kan suak yava, tuk oh"./.

Urang lang: Jasi -19/08/2021