Page ini 11/3, Cục Cảnh sát duah thau kol tội phạm gah pablei salih matuy peih bruk pok meyaom di Mentri Cong an ka 42 kapol nyaom naih joi dalam bruk chap mek hu bruk pablei salih ma túy praong. Puac thun 2020, công an duah mboh jalan pablei salih, pajeng ba matuy suan hukum praong ralo meng Lào tame Viet Nam, pajeng ba nao dom tỉnh saong ba tapa taneh ia ka klau piah pablei. Jalan ini kayua Hoàng Văn Hiệp, daok di Thái Nguyên pan kaok. Tal urak ini, Mban Chuyên án hu chap mek 8 urang, 57 kloc heroin,  30.000 asar ma túy tổng hợp haong rilo pandap pambuak tal. 
UBND tỉnh Thừa Thiên Huế bahrau ginum biai hong gah chức năng piah ba tabiak jalan duah dom urang ngak di thủy điện Rào Trăng 3 dok lahik. Tui nan, meng ni tal bilan  5/2021, lac tuk lagik lagaih, dom gah peih bruk duah di 2  gah takai kraong, daok labik kreh krong hu duah tal tuk po padang ngak, hu ngak salah bloh ar pacang thủy điện Rào Trăng, tui kuhria lac puac bilan 6. Tal urak ni bruk duah 17 urang ngak lahik hu tapa  3 tuk vak  song bahrau duah hu 6 urang.
Thanh tra Sở Y tế TPHCM birau pambuak bruk haong dom jabat chức năng pasang iek “Viện thẩm mỹ Hà Nội” di labik 21 jalan 3, Cityland Park Hills, Phường 10, quận Gò Vấp saong mboh lac labik ini oh hu hrak  adat, urang ngak bruk oh hu chứng chỉ ngak bruk. Labik ini hu tuan dom panô yaih khan pato pakai paglaong ilamu ka bac sĩ, y tá dom bruk cakak jih meta, ngak idung glaong, filler...Sở Y tế TPHCM iew labik nan padeih ngak bruk, iek ruak saong blaic raih thẩm mỹ, talaih klaak dom asar yaih khan di taong abih dom blah web.
Mesup 11/3, Sở Y tế ban .Hải Phòng brei thau, hadei di tuk taduan hu panuac khan ka bruk 2 amaik anek di  quận Lê Chân dương tính song  SARS-CoV-2 di  Úc, Jabat chức năng duah hu 13 urang F1 song  36 urang karei pagam tal. Dahlau di nan, tuk dut iek di Hà Nội, 2 urang nan jeng mboh âm tính. Gah y tế Hải Phòng hu panuac ieu dom urang halei hu taom gaok jiak 2 urang ruak meng harei  20/2 tal harei 28/2 samar pathau khan  y tế.
Dom urang ilamu mboh lac, dalam mbang ramik veik yaom xăng menyek di page 12/3, yaom xăng menyek  dalam negar meda tagok tui yaom di dunya. Tui nan, yaom xăng E 5 RON 92 meda tagok 580 đồng sa lit, yaom xăng RON95 tagok 700 đồng sa lít… Meyah njauk yau nan, ini lac mbang ka 4 gam gam meng akok thun xăng menyek  dalam taneh ia tagok yaom. Dalam dom mbang ramik yaom xăng jaik ini, piah daong ka doanh nghiệp saong bhap bini, takik tagok yaom xăng menyek, dua Mentri Công Thương saong Jien padai peih bruk brei buh jien tabiak gam gam meng Kadung jien khik tani tanat di tanut biak glaong.  
Harei ni (11/3), lac bak sa thun kuhria meng di harei  gah Y tế dunya (WHO) tabiak panuac lac ruak  viêm jalan suak yava cấp Covid-19 lac jit prong, Hội đồng điều dưỡng dunya (ICN) brei thau dom urang metai pagam tal điều dưỡng, y tá di dunya kayua Covid-19 bahrau hu di  60 negar, min tagok tal  takik di abih lac 3.000 urang. Jit prong meda ngak ka  yaok triệu điều dưỡng, hộ lý padeih bruk. Bruk ini meda peih tabiak meng  bilan 6-2021, song dunya meda kurang labaih 13 triệu y tá, dalam tuk brei hu meng  3-4 thun piah pato pakai jeng y tá.
Mỹ harei kabroi ba tabiak bruk taong phạt pamaong tame dua urang anek di Tổng tư lệnh dom tapon nyaom bol pan phao karaong  Myanmar lac Min A-ung Hờ-lênh (Min Aung Hlaing) saong 6 công ty bo dua urang nan khik iek. Daok dalam angan jhak di Mentri Jien padai Mỹ, dua urang anek di tướng Min A-ung Hờ-lênh meda njauk kareih veik drap ar di Mỹ, dom bruk pabeli salih nao mai di urang Mỹ saong dua urang nan saong 6 công ty kayua dua urang nan khik iek jeng njauk pakauk. Ini lac jalan ngak birau abih hadei di rilo bruk ngak catang di Mỹ pamaong tame bol bala Myanmar.
Harei pahadar dom urang metai dalam 2 bala megei boh taneh song riyak khang hu peih tabiak tuk mesup ni  (11/3) di rilo labik dalam negar Japon. Bhap bini di dom  tỉnh gaok rilo khat lihik yau  Fukushima, Iwate song Miyagi hu caik 1 minit hadar tal dom urang metai di tukvak 14tuk 46 minite , lac tukvak di 10 thun dahlau, tuk mbang megei boh taneh 9,1 độ Richter rah tabiak  ngak jeng dom mbang  riyak khang  song bala  hạt nhân. Thủ tướng Japon Suga Yoshihide hu panuac sinya  jhul khang bruk padang ngak veik dom labik njauk riyak khang tong tayah./.
                                                                                          Urang lang: A.Nghiêm –H.Pha  11/3/2021