Hu  ndom meyai saong dom cei gru, anai gru di xã Sủng Thài (Yên Minh - Hà Giang), kol dahlak mboh biak anit anak bruk abih hatai jai, takre bruk ngak di dom cei gru anai gru di labik ini. Abih di nyu nan lac dom cei gru, anai gru pato di dom labik pato di sang bac. Anai Lục Thị Phụ - Hiệu trưởng sang bac Mầm non di xã brei thau, labik kan kandah di abih nan lac di palei Suối Tỷ. Hadei di rilo mbang sanya min oh nao tal hu, mbang nao camereip di thun 2016, dahlak brei nao tal labik pato ini piah duah thau dom kan kandah tuk pato akhar huroh di labik ini. 

Palei Suối Tỷ atah di pasak xã labaih 13 km, min bahrau  hu 3 km jalan menyek saong bê tong, daok veik lac jalan haluk patau biak kan nao. Mbang hajan melam dahlau ngak ka jalan ini jeng kan kandah jang. Yau piah pachreih dahlak, saai Sùng Mí Dính, Phaok akaok UBbhap bini xã, urang ba dahlak nao tal Suối Tỷ lac: “jalan yaom lac kan kandah, min mikva drei, dom cei gru, anai gru harei harei jeng nao, cei mai labik ini dom gru uan tabuan lo. Hadei di jaik 1 tuk meteh, kol dahlak jeng nao tal labik pato bac Suối Tỷ. 

Rup binguk akaok meti ka labik pato bac ini lac sa baoh sang 3 gian, daok ala takai ceik saong daok khut nao ngan saong ralo labik talah ra-ai angaok daning. Tui dom cei gru, anai gru pato di labik ini, taong abih taneh di sang bac oh ka tal 50 m2. Min hut al 3 tal bac, sat al mầm non saong 2 tal tiểu học ngan saong 51 adei anek saih daok tui bac. Yaok tal praong jaik 12m2 min, daok labaih 10 m2 lac mblang. Nao iek gah dalam 3 gian sang tal bac, yaok tal bac jeng caik sa góc sit piah dom cei gru ngak labik ndih tuk oh nao sang hu kayua hajan atau sa tu caik pandap pato bac, kayua yau nan ye, taneh daok veik oh ralo.

Dua tal tiểu học, yaok tal tok caik ginup 3 bộ bàn ghế saong sa bảng piah dom adei bac akhar huroh . Tal mầm non hu tal 25 adei tui bac, min pandap bac di dom adei langiu 20 baoh gaiy, dom baoh bàn , lac dom blah rup cih pasram bac  saong dom candiah xếp hình. Dom tal bac oh ka hu ngak pasiam nền, dom adei anek saih abih di nyu nan lac tal mầm non oh hu labik me-in. 

Dalam tuk padeih me-in, dom adei palih ruah dom sườn đồi, bein njam anak pabah mbang piah ngak mblang me-in. Nan lac dom hagait anek saih dom thun tapa harei harei jeng yau nan. 

Ndom meyai saong kol dahlak, gru Vi Văn Định duh hatai lac: dom cei mboh nan, labik pato bac tok hu yau nan, anit dom adei lo min kol dahlak oh thau ngak yau habar. Jak ba miat bhap bini dalam palei meng daong hu kayau, blah pro – xi măng piah ngak pasiam veik dom labik ra-ai pacah lô. Jeng kayua bhap bini oh sangka tal bruk dom adei nao bac nan ye nyu yau ini. Tok di caong dom adei hu sa labik bac siam jang, kol dahlak jeng uan tabuan.

Langiu dom kan kandah ka labik bac, ngan saong dom gru pato di labik ini, piah pato ka dom adei dalam thun bac 2015 – 2016, dua gru Vi Văn Định saong Vương Thuỷ Trọng pato 2 tal Tiểu học njauk buh jien kadung tabiak piah blei tapuk ka dom adei tuk quyết định 49, 74 di thủ tướng rajaei ka bruk daong anek saih kan  kathaot, jaik si kan kathaot tapuk bac da-a, pandap bac daa abih hiệu lực.

Langiu di nan, anai gru Lý Thị Tâm pato tal mầm non jeng mek jien bilan di drei piah blei har kẹo ka anek saih piah pachreih dom adei mai bac. Ndom meyai saong dom cei gru, anai gru, hu thau taong abih jeng hu diuk hu pasang saong daok di ban sit Yên Minh, atah di labik pato bac labaih 20 km; harei harei dom gru jeng mai tal sang bac, jala pandiak atau melam mai veik sang saong diuk nek. Mai tal sang bac dahlak meng mboh, bruk ba akhar huroh di dom cei gru anai gru gaok biak rilo kan kandah. Min, yaok harei, yaom lac langik pandiak atau hajan, urang jeng mai tal sang bac ba akhar huroh ka dom adei. Anai Tâm khan lac: “adei barau mai ini pato dom bilan. Dahlau daih njauk nao jaik 2 mong meng tal labik. Min urak ini, hadei di dom mbang labuh jaleih kayua jalan patau jeng mboh bhian randap nan ye dalam labaih sa tuk lac tal labik. Anai klau.

Tabiak truh Suối Tỷ anak dom meta maong mboh biak anit di dom adei anek saih di labik bac ini daok maong tui kol dahlak. Rup binguk dom adei daok la bac dalam tal sit sot, kol dahlak mboh biak drut drui. Jalan mai sang yau kan kandah saong trak damak jang ngan saong kol dahlak jeng yau dom cei gru, anai gru. Caong khin pakat ủy, karja xã, huyện saong dom urang ngak pahala daong padang ngak sa labik pato bac khang kajap piah dom adei hu labik bac daa siam jang, dom cei gru, anai gru jeng cadu nao dom kan kandah tuk ba akhar huroh nao pato di labik atah bayah, kan kandah di abih di xã bhum glaong ini./.